Vaikuntha Ekadashi 2025: వైకుంఠ ఏకాదశి వేళ తిరుమల అంతా ఖాళీ..

Vaikuntha Ekadashi 2025: ప్రపంచ వ్యాప్తంగా సనాతన హిందు భక్తులు  వైకుంఠ ఏకాదశి రోజున ఉత్తర ద్వార దర్శనం చేసుకోవాలనే కోరిక బలీయంగా ఉంటుంది.  ఆ రోజున దర్శనం చేసుకుంటే మంచిదనే వాదనలున్నాయి. తిరుమలలో దర్శనం చేసుకోవాలనుకునే భక్తులు నిన్న జరిగిన తొక్కిసలాట నేపథ్యంలో భక్తుల రద్దీ తగ్గింది.

ఉచిత దర్శనం కోసం కంపార్ట్ మెంట్లలో భక్తులు వేచి ఉండటం లేదు. నేరుగా దర్శనానికి వెళ్లిపోతున్నారు. ఉదయం 8 గంటల తరువాత వెళ్లే సర్వదర్శనం భక్తులకు దర్శనానికి  8 నుంచి 10  గంటల సమయం పడుతుందని టీటీడీ తెలిపింది.

ఇక రూ. 300 శీఘ్ర దర్శనంకు  2 నుంచి 3 గంటల సమయం పడుతుంది. అటు కాలి నడకన అలిపిరి, శ్రీవారి మెట్టు నుంచి వచ్చే భక్తులకు 2 నుంచి 3 గంటల మధ్య సమయం పడుతోందన్నారు.

అటు సర్వ దర్శనమ్ టోకెన్ కలిగిన  భక్తులకు 4 నుండి 5 గంటల సమయం పడుతుందన్నారు. నిన్న స్వామి వారిని దాదాపు 62,903 దర్శించుకున్నట్టు తిరుమల తిరుపతి దేవస్థానం తెలిపింది.

తిరుమలలో నిన్న 17 వేలకు పైగా భక్తులు స్వామి వారికి తలనీలాలు సమర్పించారు. నిన్న స్వామి వారి హుండీ ఆదాయం రూ. 2.51 కోట్లు వచ్చిందని తెలిపారు. వైకుంఠ ఏకాదశి సందర్భంగా టోకెన్లు ఉన్న భక్తులకు మాత్రమే కొండపై అనుమతిస్తామన్నారు.