Top Bridges: ప్రపంచంలోని ఐదు అద్భుతమైన కదిలే వంతెనలు, ప్రత్యేకతలు

పంబన్ బ్రిడ్జి, రామేశ్వరం

పంబన్ బ్రిడ్జి అనేది తమిళనాడులోని రామేశ్వరం ద్వీపాన్ని భారత భూభాగంతో రైలు మార్గం ద్వారా కలిపే వంతెన. ఈ వంతెన నిర్మాణం 1915లో జరిగింది. సముద్రం మధ్యలో నిర్మించిన ఈ వంతెన ఇంజనీరింగ్ అద్భుతానికి ఉదాహరణ. భారీ పడవలు, ఓడలు వెళ్లేటప్పుడు మధ్యలో రెండుగా చీలుతుంది. 

పోంట్ జాక్వెస్ చబన్ డెల్మాస్ బ్రిడ్జి

ఇదొక వెర్టికల్ లిఫ్ట్ బ్రిడ్జి.  ఫ్రాన్స్‌లోని బోర్డిక్స్ నగరంలో ఉంది. ఈ వంతెన గెరోన్ నదిపై ఉంది. 2013లో ప్రారంభమైంది.

టవర్ బ్రిడ్జి, లండన్

ఇంగ్లండ్ రాజధాని లండన్‌కు ల్యాండ్ మార్క్, గుర్తింపుగా ఉన్నది టవర్ బ్రిడ్జి. థేమ్స్ నదిపై నిర్మించిన వెంతెన ఇది. 1886 నుంచి 1894 మధ్యలో నిర్మించారు. బోట్స్ , షిప్స్‌కు దారివ్వాలంటే వంతెనపై ట్రాఫిక్ అగుతుంది. ఆ తరువాత వంతెనలో ఓ భాగం రెండుగా చీలి ఆ పడవలకు దారిస్తుంది. 

హార్న్ బ్రిడ్జి, జర్మనీ

జర్మనీలోని కీల్ నగరంలో ఉన్న హార్న్ బ్రిడ్జి చూడ్డానికి చాలా ఆకర్షణీయంగా ఉంటుంది. మూడు విభాగాలుగా అంటే ఎన్ ఆకారంలో తెర్చుకుంటుంది. 1997లో నిర్మించిన వంతెన ఇది. ఈ వంతెన కింద నుంచి మిడ్ సైజ్ ఓడ ప్రయాణించగలదు

ఫోరిడ్ హార్బర్ బ్రిడ్జి

వేల్స్‌లో ఉన్న ఫోరిడ్ హార్బర్ వంతెనను సైకిల్ యాత్రికులు, పాదచారుల కోసం ప్రారంభించారు. డ్రాగన్ బ్రిడ్జి అని కూడా పిలుస్తారు. ఇది వి ఆకారంలో తెర్చుకుంటుంది.