Heart Touching Video: ఎంత ప్రేమ.. ఎంత సహృదయత.. ఈ చిన్నారుల వీడియో చూస్తే కళ్లు చెమ్మగిల్లుతాయి..

Heart Touching Video: అన్నీ పొందాలనుకోవడం కంటే.. పొందినవాటిలో కొంత ఇతరులతో పంచుకుంటే నిజమైన ఆత్మ సంతృప్తి లభిస్తుంది. అలాంటి సహృదయత కొందరికే ఉంటుంది. తాజాగా ఓ చిన్నారి వీధి బాలుడి పట్ల చూపించిన ప్రేమ, సహృదయతకు సంబంధించిన ఓ వీడియో నెటిజన్ల హృదయాలను తాకుతోంది. 59 సెకన్ల నిడివి గల ఆ వీడియోలో ఇద్దరు ఒకరి పట్ల ఒకరు ఎంత ప్రేమపూర్వకంగా వ్యవహరించారో చూస్తే కళ్లు చెమ్మగిల్లకుండా ఉండలేవు.

ఆ వీడియోలో.. రోడ్డుపై ఆగిన ఓ కారును వీధి బాలుడు ఒకరు తుడవడం గమనించవచ్చు. ఇంతలో కారు విండో తెరిచిన అందులోని బాలుడు.. ఆ వీధి బాలుడికి ఓ టాయ్‌ని ఇచ్చాడు. ఆ టాయ్‌ని చూడగానే సంతోషించిన వీధి బాలుడు.. దాన్ని చేతుల్లోకి తీసుకుని.. అక్కడే రోడ్డుపై కొద్ది సెకన్ల పాటు దానితో ఆడుకున్నాడు. ఆ వెంటనే దాన్ని తిరిగి ఇచ్చేయబోయాడు. అయితే కారులో ఉన్న బాలుడు దాన్ని తీసుకునేందుకు నిరాకరించాడు.

ఆ టాయ్‌ని నీ వద్దే ఉంచుకోమని ఆ బాలుడితో చెప్పాడు. అందుకు కృతజ్ఞతగా ఆ వీధి బాలుడు.. అక్కడి నుంచి పరిగెత్తుకెళ్లి క్షణాల్లో ఓ స్నాక్స్ ప్యాకెట్‌తో ప్రత్యక్షమయ్యాడు. ఇద్దరు కలిసి ఆ స్నాక్స్‌ని షేర్ చేసుకున్నారు. ఆ తర్వాత కొద్దిసేపటికి కారు అక్కడి నుంచి కదలడంతో.. ఆ ఇద్దరు చిన్నారులు ఒకరికొకరు చేతులు ఊపుకుంటూ టాటా చెప్పుకున్నారు. హార్ట్ టచింగ్‌గా ఉన్న ఈ వీడియో ఎంతోమంది నెటిజన్లను కదిలిస్తోంది. వీడియో చూశాక.. కళ్ల నీళ్లు పెట్టుకోకుండా ఉండలేకపోతున్నామని నెటిజన్లు కామెంట్స్ చేస్తున్నారు. నిజానికి ఇది పాత వీడియోనే. ఎవరో నెటిజన్ దీన్ని షేర్ చేయడంతో సోషల్ మీడియాలో మరోసారి చక్కర్లు కొడుతోంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe