King Cobra Cap Viral Video: మరీ ఇంత కోపమా.. ఈ కింగ్ కోబ్రా కోపానికి ఎవ్వడైనా భయపడాల్సిందే!

16 Feet  King Cobra Viral Video: ఈ భూ ప్రపంచంలో ఎన్నో రకాల పాముల జాతులు ఉన్నాయి. అన్ని పాములు కూడా చెట్లు, పొదలు, పంటపొలాల్లో ఎక్కువగా సంచరిస్తుంటాయి. అక్కడే చిన్న చిన్న కీటకాలు, గుడ్లు, ఎలుకలను వేటాడి తింటుంటాయి. అప్పుడప్పుడు పాములు దారి తప్పి గ్రామాల్లోకి  వస్తుంటాయి. అలాంటి సందర్భాల్లో కొన్నిసార్లు విషాద సంఘటనలు జరిగితే.. మరికొన్నిసార్లు మాత్రం ఫన్నీ ఘటనలు జరుగుతుంటాయి. తాజాగా అలాంటి వీడియోనే ఒకటి సోషల్ మీడియాలో వైరల్ అవుతోంది. 

వీడియో ప్రకారం... ఇండోనేషియాలో ఓ కుటుంబం మొత్తం అన్నం తింటూ ఉంటుంది. అందరూ అన్నం తింటుండగా.. ఒక్కసారిగా 16 అడుగుల కింగ్ కోబ్రా ఇంట్లోకి దూసుకొచ్చింది. దాన్ని చూసిన వారు హడలిపోయి.. అన్నం వదిలేసి పారిపోపోతారు. వెంటనే స్నేక్ క్యాచర్‌కు సమాచారం ఇవ్వగా అతడు హుటాహుటిగా అక్కడికి వస్తాడు. స్నేక్ క్యాచర్‌ పట్టుకోవడానికి ప్రయత్నించగా కింగ్ కోబ్రా ఇల్లు మొత్తం తిరుగుతూ తప్పించుకుంటుంది. ఓసారి స్నేక్ క్యాచర్‌ను కాటేయడానికి మీదికి దూసుకొస్తోంది. అయినా కూడా బెదరని అతడు దాన్ని వెంబడిస్తాడు. 

కింగ్ కోబ్రాను పట్టుకోవడానికి స్నేక్ క్యాచర్‌ పక్కన ఉన్న క్యాప్‌ను ఉపయోగిస్తాడు. క్యాప్‌ను పాము తలపై వేయగా.. అది దాన్ని నోటితో పట్టుకుంటుంది. కాసేపటి తర్వాత క్యాప్‌ను వదిలేది కాటేస్తుంది. కాసేపు ఆ క్యాప్‌తో చిన్న పిల్లలు ఆడుకున్నట్లు ఆడుకుంటుంది. చాలా సమయం తర్వాత స్నేక్ క్యాచర్‌ ఓ సంచిని దాని తలపై వేసి పట్టుకుంటాడు. ఆపై కింగ్ కోబ్రాను సంచిలో వేసి బంధిస్తాడు. ఇందుకు సంబందించిన వీడియో 'KingCobra Hunter' అనే యూట్యూబ్ ఛానెల్లో పోస్ట్ చేశారు. ఈ వీడియో ఓ నెల క్రితందే అయినా ఇప్పుడు మరోసారి వైరల్ అవుతోంది. ఈ వీడియో చూసిన నెటిజన్లు నవ్వులు పూయిస్తున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.