Funny Video: జాయింట్ వీల్​ ఎక్కిన ఆ బుడ్డోడు ఏం చేశాడో చూస్తే నవ్వాపుకోలేరు

Funny Video: నువ్వు నాకు నచ్చావ్ సినిమా చూశారు కదా ? అయితే అందులో బ్రహ్మానందం ఓసారి జాయింట్​ వీల్ ఎక్కినప్పుడు వచ్చే సీన్ గుర్తుండే ఉంటుంది. జాయింట్​ వీల్ ఎక్కేటప్పుడు అసలు భయమంటే ఏమిటో తెలీనట్లు మాట్లాడి.. తీరా అది తిరుగుతున్నప్పుడు బ్రహ్మానందం అరుపులు కేకలతో హంగామా చేయడం కడుపుబ్బా నవ్వించింది. ఆపండ్రోయ్​ అంటూ చేసే గోల ఎప్పటికీ ఎవర్​గ్రీన్ కామెడీ సీన్​. ఇప్పుడు ఆ సీన్ ఎందుకు అంటారా? అయితే అలాంటి ఫన్నీ సీనే నిజజీవితంలోనూ చాలా మందికి జరిగి ఉంటుంది. సరిగ్గా అలాంటి వీడియోనే ఒకటి ఇప్పుడు సోషల్ మీడియాలో వైరల్ అవుతోంది. ఓ చిన్న కుర్రాడికి సరిగ్గా అలాంటి అనుభవమే ఎదురైంది.

అసలు ఏమైందంటే..

జాయింట్ వీల్ బయటి నుంచి చూస్తే అది ఎక్కాలని ఎంజాయ్ చేయాలని చాలా మంది అనుకుంటారు. ఇక పిల్లల గురించి అయితే ప్రత్యేకంగా చెప్పాల్సిన పని లేదు. అలానే ఓ 10-12 ఏళ్ల వయసున్న బుడ్డొడు జాయింట్​ వీల్ ఎక్కాడు. అది ఎక్కినప్పుడు అ బుడ్డోడి సంతోషానికి అవదుల్లేవు. అది చిన్నగా కదలటం ప్రారంభించినప్పుడు ఆ పిల్లాడు చప్పట్లు కొట్టి మరీ ఎంజాయ్ చేశాడు. అయితే ఆ సంతోషం ఎంతోసేపు ఉండలేదు.

కొద్దికొద్దిగా ఆ జాయింట్​ వీల్ వేగం పెరిగేసరికి ఆ కుర్రాడు భయంతో అరవడం మొదలు పెట్టాడు. దేవుళ్ల పేర్లు తలచుకుంటూ కాపాడండీ అంటూ అరవడం మనం వీడియోలో చూడొచ్చు. ఇంట్లో వాళ్లను పిలుస్తూ అరవడం స్టార్ట్​ చేశాడు. అయితే ఆ జాయింట్​ వీల్ సురక్షితమైనప్పటికీ.. ఆ బుడ్డోడి భయం ఆ బుడ్డోడిది.

అయితే ఆ భయంతో చేసిన పనులను.. అదే జాయింట్ వీల్​లో ఉన్న ఓ వ్యక్తి రికార్డ్​ చేశాడు. ఆ వీడియోలోని దృశ్యాలు మాత్రం నెటిజన్లను తెగ నవ్విస్తున్నాయి. giedde అనె ఇన్​స్టాగ్రామ్​లో ఈ వీడియోను షేర్ చేసింది అయితే ఆ వీడియో జరిగిన ప్రాంతం ఎక్కడ అని మాత్రం అందులో చెప్పలేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe