Viral video: దుబాయ్​ వీధుల్లో పురి విప్పిన నెమలి అందాలు.. వీడియో వైరల్​!

Viral video: నెమలి లాంటి పక్షులను చూడాలంటే గ్రామాల్లోనే లేదా అడవుల్లోనే సాధ్యం. సిటీల్లో నెమళ్లు కనిపించడం అనేది అత్యంత అరుదు. అలా కనిపించినా.. ఎప్పుడో ఒకటో రెండో దారి తప్పి అలా వచ్చినప్పుడు మాత్రమే కనిపిస్తుంటాయి.

అయితే దుబాయ్​లో అంతకు మించి అరుదైన ఘటన చోటు చేసుకుంది. రోడ్డుపై, చుట్టుపక్కల నెమళ్లు ఒక్కసారిగా సందడి (Peacocks strolling in Dubai street) చేశాయి.

పార్క్​లో ఉన్నట్లు పదుల సంఖ్యలో నెమళ్లు ఒక్క సారిగా రోడ్డుపైకి వచ్చాయి. ఇందులో ఇంకో విశేషం ఏమిటంటే.. ఇందులో ఆడ, మగ నెమళ్లు కలిసి ఉండటం గమనార్హం. సాధారణంగా అవి రెండు ఒక చోట తక్కువగా ఉంటాయి. కాని ఇక్కడ అన్ని కలిసి పదుల సంఖ్యలో ఉన్నాయి.

ఇక్కడ ఇంకా అద్భుతమైన విషయం ఏమిటంటే.. ఓ నెమలి అందగా పురి విప్పి నాట్యంతో కనువిందు (Peacock dance) చేసింది.

ఈ అరుదైన దృష్యాలను బాలీవుడ్ టెలివిజన్ నటి మినీ మాథుర్​ తన సెల్​ఫోన్ కెమెరాలో బంధించారు. ఆ దృశ్యాలను మరింత మందికి చూపించేందుకు.. ఇన్​స్టాగ్రామ్​లో పోస్ట్​ చేశారు. ఇంతటి మనోహరమైన దృశ్యం చూసి నా మనసు పులకరించి పోతుందంటూ అమె చెప్పుకొచ్చారు.

ఈ వీడియో చూసిన నెటిజన్లు కూడా.. నెమళ్ల సందడి చూసి వావ్​ అంటున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe