IPL 2025 Mega Auction Final List: ఐపీఎల్ 2025 మెగా వేలం నవంబర్ 24, 25 తేదీల్లో సౌదీ అరేబియాలోని జెద్దాలో జరగనుంది. నవంబర్ 24వ తేదీ మద్యాహ్నం 12.30 గంటలకు మెగా వేలం జరగనుంది. మెగా వేలం కావడంతో మొత్తం 10 ఫ్రాంచైజీలు దాదాపు అందర్నీ రిలీజ్ చేసేశాయి. మరి కొంతమంది కొత్తగా రిజిస్టర్ చేసుకోగా బీసీసీఐ షార్ట్ లిస్ట్ జాబితా విడుదల చేసింది. 


COMMERCIAL BREAK
SCROLL TO CONTINUE READING

ఐపీఎల్ 2025 మెగా వేలానికి ఈసారి 574 మంది ఆటగాళ్లు బరిలో నిలుస్తున్నారు. ఈసారి వేలం కోసం 1574 మంది క్రికెటర్లు పేర్లు నమోదు చేసుకోగా ఐపీఎల్ బోర్డు 574 మందినే ఫైనల్ చేసింది. ఈ ఫైనల్ జాబితాలో బీహార్‌కు చెందిన 13 ఏళ్ల రంజీ కుర్రోడు ఉండటం విశేషం. ఐపీఎల్ బోర్డు ఫైనల్ చేసిన 574 మంది ఆటగాళ్లలో ఇండియన్ క్యాప్డ్ ప్లేయర్లు 48 మంది కాగా విదేశీ క్యాప్డ్ ఆటగాళ్లు 193 మంది ఉన్నారు. ఇక భారతదేశానికి చెందిన ఆన్ క్యాప్డ్ ఆటగాళ్లు 318 మంది ఉంటే, విదేశీ అన్ క్యాప్డ్ ఆటగాళ్లు 12 మంది ఉన్నారు. అసోసియేట్ దేశాలకు చెందిన ముగ్గురు ఉన్నారు. బేసిక్ ప్రైస్ 2 కోట్ల కేటగరీలో 81 మంది ఉంటే 1.50 కోట్ల కేటగరీలో 27 మంది ఉన్నారు. 30 లక్షల బేస్ ప్లైస్‌తో ఏకంగా 320 మంది ఆటగాళ్లు బరిలో ఉన్నారు. 


ఇక సెట్లవారీగా చూస్తే సెట్ 1లో శ్రేయస్ అయ్యర్, జోస్ బట్లర్, రిషభ్ పంత్, అర్షదీప్ సింగ్, రబాడ, మిచెల్ స్కార్క్ ఉన్నారు. సెట్ 2లో లివింగ్ స్టోన్, యజువేంద్ర చాహల్, కేఎల్ రాహుల్, డేవిడ్ మిల్లర్, మొహమ్మద్ షమి, మొహమ్మద్ సిరాజ్ ఉన్నారు. సెట్ 3లో డేవాన్ కాన్వే, హ్యారీ బ్రూక్, మార్ క్రమ్, జేక్ ఫ్రేజర్, రాహుల్ త్రిపాఠి, దేవదత్ పడిక్కల్, డేవిడ్ వార్నర్ ఉన్నారు. 


సెట్ 4లో వెంకటేశ్ అయ్యర్, రవిచంద్రన్ అశ్విన్, మ్యాక్స్‌వెల్, మిచెల్ మార్ష్, రచిన్ రవీంద్ర, హర్షల్ పటేల్, స్టోయినిస్ ఉన్నారు. సెట్ 5లో డికాక్, బెయిర్ స్టో, ఇషాన్ కిషన్, గుర్బాజ్, ఫిల్‌సాల్ట్, జితేష్ శర్మ ఉన్నారు. సెట్ 6లో హాజిల్ వుడ్, ప్రసిద్ధ కృష్ణ, ఆవేశ్ ఖాన్, నోర్జే, నటరాజన్, ఖలీల్ అహ్మద్ ఉన్నారు. సెట్ 7లో రాహుల్ చాహర్, హసరంగ, తీక్షణ, సలామ్ ఖీల్, ఆడమ్ జంపా ఉన్నారు. 


Also read: DA Merge: ఉద్యోగులకు పండగే ఇక, జనవరిలోగా 53 శాతం బేసిక్ శాలరీలో విలీనం, బిగ్ అప్‌డేట్



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ - https://bit.ly/3P3R74U


ఆపిల్ లింక్ - https://apple.co/3loQYe 


Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.