PBKS vs RR highlights: ప్లేఆఫ్స్‌ ఆశలు సజీవంగా ఉండాలంటే తప్పక గెలవాల్సిన మ్యాచ్ లో రాజస్థాన్ మెరిసింది. తన  ఆఖరి లీగ్‌ మ్యాచ్‌లో పంజాబ్‌ కింగ్స్‌ను ఓడించింది.  తాజా ఓటమితో పంజాబ్ టోర్నీ నుంచి నిష్క్రమించింది. 


COMMERCIAL BREAK
SCROLL TO CONTINUE READING

తొలుత బ్యాటింగ్ ప్రారంభించిన పంజాబ్ 187 పరుగుల భారీ స్కోరు చేసింది. ఒకానొక దశలో 62 పరుగులకే నాలుగు వికెట్లు కోల్పోయిన పంజాబ్ ను సామ్ కరన్, షారుఖ్ ఖాన్ ఆదుకున్నారు. ముందుగా టాస్ ఓడి బ్యాటింగ్‌కు దిగిన పంజాబ్‌ రెండో బంతికే ప్రభ్‌సిమ్రన్‌ (2) వికెట్ ను కోల్పోయింది. ధావన్‌ (17), అథర్వ (19)లు కూడా తక్కువ స్కోర్లకే వెనుదిరిగారు. లివింగ్‌స్టన్‌ (9)ను కూడా త్వరగానే ఔటయ్యాడు. అనంతరం జితేశ్‌(44), సామ్‌ కరన్‌(49 నాటౌట్‌) బ్యాట్ ఝళిపించడంతో స్కోరు బోర్డు పరుగులెత్తింది. చివర్లో షారుక్‌ ఖాన్‌ (41 నాటౌట్‌) విరుచుకుపడడంతో చివరి 5 ఓవర్లలో పంజాబ్‌ ఏకంగా 70 పరుగులు సాధించింది. 


మెుదట జైస్వాల్, పడిక్కల్..


అనంతరం ఛేజింగ్ ప్రారంభించిన రాజస్థాన్ రాయల్స్ ఆదిలోనే దెబ్బతగిలింది. ఓపెన్ బట్లర్ డకౌటయ్యాడు. మరో ఓపెనర్ జైస్వాల్‌, పడిక్కల్‌(51) ఇన్నింగ్స్ ను కుదుటపరిచారు. వీరిద్దరూ వీలైనప్పుడు బంతిని బౌండరీ దాటించడంతో రాజస్థాన్ ఇన్నింగ్స్ జోరుగా సాగింది. ఆ జట్టు 9 ఓవర్లలో 76 పరుగులు చేసింది. కేవలం పడిక్కల్ 29 బంతుల్లోనే అర్థశతకం సాధించాడు. కానీ తర్వాత బంతికే వెనుదిరిగాడు. అనంతరం క్రీజులోకి వచ్చిన శాంసన్ కూడా రెండు పరుగులకే ఔటయ్యాడు. 


చివరిలో హెట్‌మయర్‌..


మరోవైపు జైస్వాల్ కు హెట్‌మయర్‌ జతకలిశాడు. వీరిద్దరూ పోటాపోటీగా ఫోర్లు, సిక్స్ లు బాదడంతో కొండంత లక్ష్యం కరిగిపోతూ వచ్చింది. రాయల్స్‌ చివరి ఆరు ఓవర్లలో 54 పరుగులు చేయాల్సిన  టైంలో జైస్వాల్((50) పెనిలియన్ కు చేరాడు. దీంతో చివరి మూడు ఓవర్లలో 33 పరుగులు చేయాల్సిన పరిస్థితి ఏర్పడింది. రియాన్‌ పరాగ్‌ 18 ఓవర్లలో రెండు సిక్స్ లు, తర్వాత ఓవర్లలో హెట్ మయర్ ((46) రెండు ఫోర్లు కొట్టి ఔటయ్యారు. చివరి ఓవర్ లో రాయల్స్ విజయానికి తొమ్మది పరుగులు అవసరమయ్యాయి. జురెల్‌ సిక్స్ కొట్టి రాయల్స్ కు విజయాన్నిందించాడు. 


Also read: IPL 2023 Playoffs Race: ప్లే ఆఫ్స్ రేసులో కొనసాగుతున్న ఉత్కంఠ.. ఆ మూడు జట్లు ఏవి..?



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.


ఆండ్రాయిడ్ లింక్ -  https://bit.ly/3P3R74U


ఆపిల్ లింక్ -  https://apple.co/3loQYe


Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి