అభిమానులకు సచిన్ నూతన సంవత్సర శుభాకాంక్షలు
కొత్త ఏడాది సంబరాలు అంబరాన్నంటుతున్నాయి. 2020 సంవత్సరం అందరికీ బాగుండాలని ఆశిస్తూ . . అంతా ఒకరికి ఒకరు శుభాకాంక్షలు చెప్పుకుంటున్నారు. సామాన్యుల నుంచి సెలబ్రిటీల వరకు .. ఒక్కొక్కరూ తమదైన శైలిలో శుభాకాంక్షలు చెబుతున్నారు.
కొత్త ఏడాది సంబరాలు అంబరాన్నంటుతున్నాయి. 2020 సంవత్సరం అందరికీ బాగుండాలని ఆశిస్తూ . . అంతా ఒకరికి ఒకరు శుభాకాంక్షలు చెప్పుకుంటున్నారు. సామాన్యుల నుంచి సెలబ్రిటీల వరకు .. ఒక్కొక్కరూ తమదైన శైలిలో శుభాకాంక్షలు చెబుతున్నారు. రాజకీయ, సినీ , క్రీడా ప్రముఖులు సైతం విషెష్ ను తమ అభిమానులతో పంచుకుంటూ .. కొత్త ఏడాది అంతా శుభం కలగాలని .. సాఫీగా సాగిపోవాలని కోరుకుంటున్నారు.
వీడియో షేర్ చేసిన మాస్టర్ బ్లాస్టర్
నూతన సంవత్సర శుభాకాంక్షలు చెప్పడంలో ఒక్కొక్కరు ఒక్కో శైలి పాటిస్తుండగా .. భారత మాజీ క్రికెట్ ఆటగాడు .. మాస్టర్ బ్లాస్టర్ కూడా తనదైన శైలిలో అభిమానులకు శుభాకాంక్షలు చెప్పారు. కొత్త ఏడాదిని ప్రేరణగా ప్రారంభించాలని కోరుతూ ఓ వీడియో ట్వీట్ చేశారు. అందులో ఓ స్కూలులో పిల్లలు క్రికెట్ ఆడుతున్నారు. ఓ దివ్యాంగ విద్యార్థి కూడా క్రికెట్ ఆడుతున్నాడు. పరుగులు తీయడానికి తానేమీ తక్కువ కాదు అన్నట్లు వికెట్ల మధ్య పరుగులు తీస్తున్నాడు. ఈ వీడియోను ప్రేరణగా తీసుకుని .. కొత్త ఏడాదిలో అంతా ముందుకు సాగాలని కోరుతూ సచిన్ ట్వీట్ చేశారు.