అమేజాన్‌, ఫ్లిప్‌కార్ట్‌, స్నాప్‌డీల్‌ లాంటి ఆన్ లైన్ వెబ్‌సైట్ల ద్వారా  కత్తులు, కటార్లు, చురకత్తులు, తల్వార్‌లను విక్రయించాలంటే పోలీసుల ముందస్తు అనుమతి తీసుకోవాలని హైదరాబాద్ పోలీసు అధికారులు తెలిపారు.  మారణాయుధాల నిరోధక చట్టం ప్రకారం 9 అంగుళాల పొడవు కంటే ఎక్కువుండే కత్తులు, డాగర్లను మాత్రం విక్రయించడం ఎక్కడైనా నిషేధమని పోలీసులు తెలిపారు. ఈ నిబంధనలను ఉల్లంఘించినందుకు, తమ వెబ్ సైట్లలో వీటిని అమ్మేందుకు పర్మిషన్ ఇచ్చినందుకు అమెజాన్, స్నాప్‌డీల్ సంస్థలకు ఇప్పటికే నోటీసులు పంపించామని హైదరాబాద్ పోలీసు శాఖ తెలిపింది.  ఈ మధ్యకాలంలో యువత వివిధ ఆకారాల్లో ఉన్న కత్తులను, డాగర్లను వెంటేసుకొని తిరగడం ఫ్యాషన్‌గా భావిస్తున్నారని.. వాటిని ఆన్ లైన్ షాపింగ్ సైట్లలో కొని, సామాజిక మాధ్యమాల్లో ఫోటోలు తీసి పెడుతున్నారని పోలీసులు అన్నారు.