Padi Kaushik Reddy Fires On CM Revanth Reddy: రేవంత్ రెడ్డి తెలంగాణను ఎటు తీసుకువెళ్తున్నారో అర్ధం కావడం లేదని ఎమ్మెల్యే పాడి కౌశిక్ రెడ్డి అన్నారు. తనను రేవంత్ రెడ్డి ట్రాప్ చేసే ప్రయత్నం చేశారని.. డ్రగ్స్‌లో ఇరికించే ప్రయత్నం చేశారని ఆరోపించారు. తాను ప్రయివేటు ఫంక్షన్‌కు వెళ్తే అక్కడికి డీఎస్పీలు, సీఐలు, కానిస్టేబుల్స్ వచ్చారని.. అక్కడ డ్రగ్స్ పెట్టి కేసు నమోదు చేయాలని ట్రై చేశారని వెల్లడించారు. రాజ్ పాకాల ఇంట్లో అదే జరిగిందని.. అక్కడికి కేటీఆర్ వస్తే డ్రగ్స్ పెట్టి కేటీఆర్‌ను ఇరికించాలని చూశారని అన్నారు. తన కారు చెకింగ్ చేస్తామని అంటే చెక్ చేసుకోమని చెప్పానని తెలిపారు.


COMMERCIAL BREAK
SCROLL TO CONTINUE READING

Also Read: Raj Pakala Party: 'మాకు చిచ్చుబుడ్లు.. వారికి సారాబుడ్లు'.. కేటీఆర్ బావ మరిది పార్టీపై రేవంత్ రెడ్డి సంచలన వ్యాఖ్యలు


"పాడి కౌశిక్ రెడ్డిని ఇరికించకుండా ఎందుకు వదిలేశారని సీఎం ఇంటిలిజెన్స్ చీఫ్ శివధర్ రెడ్డిని తిట్టారు. మాకు డ్రగ్స్ ప్యాకెట్లు ఇచ్చి కౌశిక్ రెడ్డి కారులో పెట్టాలని చెప్పారని  పోలీసులు చెప్పారు. నేను ప్రభుత్వాన్ని ప్రశ్నిస్తే తప్పు ఏంటి..?రేవంత్ రెడ్డి నా ఫోన్ ట్యాపింగ్ చేస్తున్నారు. నా ఇంటి చుట్టూ రోజు ఇంటిలిజెన్స్ వాళ్ళను పెడుతున్నారు. బీఆర్ఎస్ ఎమ్మెల్యేల ఫోన్లు టాప్ అవుతున్నాయి. కాంగ్రెస్ రాజ్యసభ ఎంపీ అనిల్ కుమార్ యాదవ్ ఛాలెంజ్ చేశారు. సవాల్‌ను మేము స్వీకరిస్తున్నాం. ఛాలెంజ్‌కు బీఆర్ఎస్ ఎమ్మెల్యేలు రెడీగా ఉన్నారు.


ఎక్కడికి రావాలో చెప్పు మీ కాంగ్రెస్ ఎమ్మెల్యేలు, ఎంపీలు రావాలి. డ్రగ్స్ టెస్ట్‌కు మేము రెడీగా ఉన్నాము. కాంగ్రెస్ పార్టీలో ఉన్న వాళ్లు డ్రగ్స్ తీసుకుంటారా లేదా బీఆర్ఎస్ పార్టీ వాళ్లు డ్రగ్స్ తీసుకుంటారో తేలాలి. రేవ్ పార్టీలో ముసలివాళ్లు.. చిన్న పిల్లలు ఉంటారా..? షబ్బీర్ అలీ చేసే రేవ్ పార్టీలు అందరికి తెలుసు. కాంగ్రెస్ పార్టీలో ఎవరు ఏం చేస్తారో నాకు తెలియదా..? రేవంత్ రెడ్డి వ్యక్తిగతంగా ఇబ్బంది పెడితే రేవంత్ రెడ్డి జూబ్లీహిల్స్, దుబాయిలో ఏం చేశారో చెప్తే ఇంటికి వెళ్లలేవు. పోలీసులు కాంగ్రెస్ పార్టీ కార్యకర్తల్లా, రేవంత్ రెడ్డి కుటుంబ సభ్యుల్లా వ్యవహరిస్తే చూస్తూ ఊరుకోము.


ఆర్టిఫీషియల్ ఇంటిలిజెన్స్ ద్వారా వాయిస్‌ను మార్ఫ్ చేసి వీడియోలు, ఆడియోల ద్వారా దుష్ప్రచారం చేయాలని చూస్తున్నారు. మీరు టెస్టులకు రాకపోతే డ్రగ్స్ తీసుకుంటున్నట్లు భావిస్తాము. కాంగ్రెస్ నేతల బండారం మొత్తం బయటపెడతా. ప్రతి ఇంట్లో లిక్కర్ బాటిల్స్ ఉంటాయి. అధికారం ఉందని ఇష్టం వచ్చినట్లు మాట్లాడటం కరెక్ట్ కాదు. కేసీఆర్ కంటే ఎక్కువ అభివృద్ధి చేసి చూపించు. రేవంత్ రెడ్డికి తెలంగాణ మీద ప్రేమ లేదు. పోలీసులు ధర్నాలు 
చేయడం చరిత్రలో చూడలేదు. పోలీసులకు కేసీఆర్ మేలు చేశారు. ఏక్ పోలీస్ అని రేవంత్ రెడ్డి ఎన్నికల్లో పొంకనాలు కొట్టారు.." అని కౌశిక్ రెడ్డి విమర్శించారు.


Also Read: KTR Celebrations: దీపావళి వేళ సంబరాలకు కేటీఆర్ పిలుపు.. ఎందుకు? ఏం సాధించారో తెలుసా?



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ - https://bit.ly/3P3R74U


ఆపిల్ లింక్ - https://apple.co/3loQYe 


సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి. Twitter, Facebook