Indoor Stadium Collapsed: కుప్పకూలిన ఇండోర్ స్టేడియం.. ఇద్దరు మృతి, 12 మందికి గాయాలు

Indoor Stadium Collapsed in Moinabad: రంగారెడ్డి జిల్లా మొయినాబాద్‌లో నిర్మాణంలో ఉన్న ఇండోర్ స్టేడియం కూలిపోయింది. ఈ ఘటనలో ఇద్దరు ప్రాణాలు కోల్పోయారు. మరో 12 మంది గాయపడినట్లు తెలుస్తోంది. గాయపడిన వారిని వెంటనే స్థానిక ఆసుపత్రికి తరలించి చికిత్స అందజేస్తున్నారు. ప్రమాద సమయంలో 14 మంది కూలీలు అక్కడ పనిచేస్తున్నారు. గాయపడిన వారిలో మరో ఇద్దరి పరిస్థితి విషమంగా ఉన్నట్లు సమాచారం. కనకమామిడిలో ఇండోర్ స్టేడియం కూలిపోయిన సమాచారం అందుకున్న NDRF బృందాలు ఘటన స్థలానికి చేరుకున్నాయి. గాయపడిన వారిని ఆసుపత్రికి తీసుకెళ్లారు. నిర్మాణంలో ఉన్న ఇండోర్ స్టేడియం ఓ టేబుల్ టెన్నిస్ అకాడమీకి చెందినదిగా తెలిసింది. కేసు నమోదు చేసిన పోలీసులు.. ఈ మేరకు విచారణ చేపట్టారు. మృతుల వివరాలు తెలియాల్సి ఉంది. శిథిలాల కింద ఒక మృతదేహాన్ని స్వాధీనం చేసుకున్నారు. శిథిలాల నుంచి మరొక మృతదేహాన్ని వెలికితీసేందుకు అధికారులు ప్రయత్నిస్తున్నారు. రెస్క్యూ ఆపరేషన్ ఇంకా కొనసాగుతోందని రాజేందర్ నగర్ డీసీపీ తెలిపారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.