Ram Temple: అమెరికాలో అయోధ్య రామయ్య వెలుగులు

న్యూయార్క్: అయోధ్య రామ జన్మభూమిలో రామ మందిరం నిర్మాణం కోసం నేడు ప్రధాని నరేంద్ర మోదీ భూమి పూజ  ( Ram temple bhoomi pujan ) చేసిన సంగతి తెలిసిందే. ప్రజాస్వామ్యం కలిగిన అతి పెద్ద దేశంగా పేరొందిన భారత్‌లో చోటుచేసుకున్న ఈ మహా ఘట్టాన్ని కేవలం భారతీయులే కాదు.. యావత్ ప్రపంచం ఆసక్తిగా తిలకించింది. అందుకు ఉదాహరణగా అమెరికాలోని న్యూయార్క్‌లో ఉన్న టైమ్స్ స్క్వేర్‌లో రామ మందిరం ప్రతిమ 3D లైట్ల కాంతుల్లో దేదీప్యమానంగా వెలగడం విశేషం. అయోధ్యలో భూమి పూజ సందర్భంగా భారత్‌కి ఇది అమెరికా ఇచ్చిన గౌరవంగా భావించవచ్చు.

టైమ్ స్క్వేర్‌లో ( Times Square in New York ) ప్రత్యక్షమైన ఈ అద్భుతమైన దృశ్యాన్ని ప్రముఖ న్యూస్ ఏజెన్సీ ఏఎన్ఐ ట్విటర్‌లో పోస్ట్ చేసింది. అమెరికాలో ఈ దృశ్యాన్ని ప్రత్యక్షంగా చూసిన భారతీయులు జై శ్రీరామ్ అంటూ భక్తిపారవశ్యంతో చేసిన స్లోగన్స్‌ని ఈ వీడియోలో చూడొచ్చు.