ఆఫ్ఘన్ మహిళా కమాండర్లకు భారత్‌లో శిక్షణ
ఆఫ్ఘనిస్తాన్‌లో కమాండర్లుగా, పోలీస్ అధికారులుగా పనిచేసే 20 మంది మహిళా ఆఫీసర్లకు భారత ప్రభుత్వం అదనపు శిక్షణ ఇవ్వడానికి ఆమోదం తెలిపింది.
ఆఫ్ఘనిస్తాన్‌లో కమాండర్లుగా, పోలీస్ అధికారులుగా పనిచేసే 20 మంది మహిళా ఆఫీసర్లకు భారత ప్రభుత్వం అదనపు శిక్షణ ఇవ్వడానికి ఆమోదం తెలిపింది. ఈ క్రమంలో వారు చెన్నైలోని ఆఫీసర్స్ ట్రైనింగ్ అకాడమీకి రావడం జరిగింది. ఆఫ్ఘనిస్తాన్‌లో ప్రస్తుతం తాలిబన్లను ఎదుర్కోవడానికి పలువురు మహిళలు కూడా ఆర్మీలో చేరుతున్నారు.
భారత్ - ఆఫ్ఘన్ బంధాలు మరింత పటిష్టపరచుకొనే ఉద్దేశంతో ఆ మహిళా కమాండర్లకు శిక్షణ ఇవ్వడం కోసం మన దేశ ఆర్మీ ముందుకొచ్చింది. అయితే సంప్రదాయ హిజాబ్ ధరించి మాత్రమే ఈ మహిళా కమాండర్లు భారత్‌లో శిక్షణ ప్రోగ్రామ్‌కు హాజరుకావడం గమనార్హం. భారత ఆర్మీ అధికారులు ఈ ఆఫ్ఘన్ మహిళా కమాండర్లకు ఆయుధాలను వాడడం, సిగ్నల్స్ గుర్తించడం, మ్యాపుల ఆధారంగా ప్రదేశాలను కనిపెట్టడం, ఆర్మీ రంగంలో ఆన్‌లైన్ వనరుల పాత్ర మొదలైన అంశాలపై శిక్షణ ఇవ్వనున్నారు.