Gold Mountain Viral Video: Congoలో బంగారు పర్వతం వద్దకు పార, సంచులతో జనాలు పరుగులు, వీడియో వైరల్

Gold Mountain Congo Viral Video:  మీ ఇంటి చుట్టుపక్కల బంగారం నిక్షేపాలు ఉన్నాయిన తెలిస్తే మీరు ఏమి చేస్తారు? పని పక్కనపెట్టి మరీ బంగారం కోసం పరుగులు పెట్టడం సాధారంగా కనిపిస్తూనే ఉంటాయి. సరిగ్గా అలాంటి ఘటన ఆఫ్రికాలో చోటుచేసుకుంది. బంగారు పర్వతం గురించి తెలియగానే చుట్టుపక్కల ప్రజలు వేలాదిగా అక్కడ గుమిగూడారు. బంగారం కోసం సంచులు తీసుకుని కొండ దగ్గర తవ్వకాలు జరుపుతున్న వీడియో సోషల్ మీడియాలో వైరల్ అవుతోంది.

మధ్య ఆఫ్రికాలోని రిపబ్లిక్ ఆఫ్ కాంగో(Republic Of Congo)లో బంగారంతో కూడిన కొండ(పర్వతం) కనుగొన్నారు. అందులో 60 నుండి 90 శాతం వరకు బంగారం ఆ పర్వతం(Gold Mountain)లో ఉన్నట్లు చెబుతారు. ఈ బంగారు పర్వతం గురించి తెలుసుకున్న వెంటనే, సమీప ప్రాంతాల్లోని ప్రజలు భారీ సంఖ్యలో అక్కడికి చేరుకుని తవ్వకాలు చేపట్టారు. పారతో తవ్వుతూ, సంచులలో నింపుకుంటున్న 28 సెకన్ల ఈ వీడియోను ఇప్పటివరకు పలువురు సోషల్ మీడియా(Social Media)లో పోస్ట్ చేయగా ట్రెండింగ్ అవుతోంది.

బంగారు నిక్షేపాలతో ఉన్న కొండ ప్రాంతంలో తవ్వకం పనులు జరుగుతున్నాయని తెలియగానే స్థానికులు బంగారాన్ని కొల్లగొట్టడానికి అక్కడికి చేరుకున్నారు. ఈ తతంగాన్ని జర్నలిస్ట్ అహ్మద్ అల్గోబరీ(Ahmad Algohbary) వీడియో రూపంలో ట్విట్టర్లో షేర్ చేసుకోగా వీడియో వైరల్(Viral Video) అయింది.

మైనింగ్ నిషేధించారు
కాంగోలోని అనేక కొండలు, పర్వత ప్రాంతాల్లో బంగారం భారీగా దొరుకుతుందట. దాంతో బంగారు త్రవ్వకం(Gold Mining) తరచుగా జరుగుతుంటుంది. అందువల్ల అక్కడ కొంతకాలం ప్రభుత్వం మైనింగ్ సైతం నిలిపివేసింది.

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe