10 నిముషాల్లోనే ``కరోనా వైరస్`` పరీక్ష..!!

ప్రపంచవ్యాప్తంగా  మృత్యుక్రీడ ఆడుతున్న 'కరోనా వైరస్'ను నిర్ధారించడానికి చాలా సమయం  పడుతోంది. దీంతో ప్రపంచవ్యాప్తంగా  పాజిటివ్ కేసుల సంఖ్య వేగంగా పెరుగుతోంది. ఆ   వెంటే మృతుల సంఖ్య కూడా వేలల్లోకి చేరుకుంటోంది. 

కరోనా వైరస్ ను త్వరగా నిర్ధారిస్తే .. చికిత్స చేయడం  సులభమవుతుంది. ఐతే  దీనిపై పరిశోధనలు కొనసాగుతున్నాయి.  ఉదాహరణకు భారత  దేశంలోనూ కరోనా వైరస్ ను నిర్ధారించే పరిశోధన శాలలు తక్కువగా ఉన్నాయి.  ఐతే వైరస్ వేగంగా విస్తరిస్తున్న క్రమంలో పరీక్ష కోసం  శాంపిల్స్ పంపినప్పటికీ .. నిర్ధారణ పూర్తయ్యే సరికి టైమ్ పడుతోంది. ఈ  క్రమంలో ప్రపంచవ్యాప్తంగా పరిశోధనా సంస్థలు..త్వరగా కరోనా వైరస్ ను నిర్ధారించే కిట్లపై దృష్టిసారించాయి. ఇందులో ఇప్పటి వరకు కొన్ని కంపెనీలు సత్ఫలితాలు సాధించాయి. దక్షిణ  కొరియాకు చెందిన ఓ పరిశోధనా సంస్థ దీనిలో అందరి కంటే ముందుగా నిలిచింది. 

సీజెనే అనే బయోటెక్ కంపెనీ 10 నిముషాల్లోనే కరోనా వైరస్ పరీక్షను నిర్ధారించేలా కిట్ రూపొందించింది. దీనికి అక్కడి ప్రభుత్వం కూడా ఆమోదం తెలిపింది. ఈ కిట్ల  ద్వారా ఎవరికి వారే  సొంతగా పరీక్షలు  నిర్వహించుకునే అవకాశం ఉంది.  వారానికి 30 వేల  కిట్లు ఉత్పత్తి  చేసేందుకు కంపెనీ ఇప్పుడు  సన్నాహాలు చేస్తోంది.  ఇది అందుబాటులోకి వస్తే కేవలం 10 నిముషాల్లోనే కరోనా వైరస్ ను నిర్ధారించవచ్చు.  పాజిటివ్ గా  వచ్చిన వారికి త్వరగా చికిత్స  ప్రారంభించవచ్చు. ఫలితంగా మృతుల సంఖ్య తగ్గుతుంది.