लष्कराचे हात कारवाईसाठी खुले: अँटनी

www.24taas.com , झी मीडिया, नवी दिल्ली
सीमारेषेवरील परिस्थितीचं गांभीर्य आता संरक्षण मंत्री ए. के. अँटनी यांच्या लक्षात आलेलं दिसतंय. त्यामुळंच ‘योग्य वाटेल` ती कारवाई करण्यास भारतीय लष्करास आपला पूर्ण पाठिंबा असल्याचं संरक्षण मंत्री ए. के. अँटनी यांनी आज स्पष्ट केलं. पाकिस्तानबरोबरील सध्याच्या तणावपूर्ण परिस्थितीच्या पार्श्वचभूमीवर संरक्षणमंत्र्यांचं हे विधान भारतीय लष्करास योग्य तो संदेश देणारं असल्याचं मानलं जात आहे.
आयएनएस विक्रांत संपूर्ण भारतीय बनावटीच्या पहिल्या विमानवाहू युद्धनौकेचं अनावरण केल्यानंतर अँटनी यांनी याविषयीची भूमिका मांडली. गेल्या दोन दिवसांत पाकिस्तानी सैन्यानं तब्बल पाच वेळा शस्त्रसंधीचं उल्लंघन केल्यानंतर भारतीय लष्करानंही पाक सैन्याच्या या आगळिकीला जोरदार प्रत्युत्तर देण्यास प्रारंभ केला आहे. अँटनी यांनीही आता भारतीय लष्करास आपला ठाम पाठिंबा दर्शविला आहे.