औषधविक्रेतांचा देशभरात संप; सामान्यांचे हाल

www.24taas.com, झी मीडिया, मुंबई
व्यापारी आणि प्राध्यापकांनी संप करून जनतेला वेठील धरलं असताना आज औषध विक्रेत्यांनीही एक दिवसांचा लाक्षणिक संप पुकारलाय.. प्रलंबित मागण्यांसाठी औषध विक्रेते काल मध्यरात्रीपासून संपावर गेलेत. या काळात अत्यावश्यक सेवा सुरू ठेवली जाईल असं संघटनेनं अन्न-औषध प्रशासन आणि पोलिसांना कळवलं आहे.

सरकारने यावर्षी आणलेल्या औषध धोरणात किरकोळ औषधविक्रेत्यांचे नफ्याचे मार्जिन कमी करून १२ टक्क्यांवर आणलंय. त्यातच मेडिकलचा दर्जा सुधारावा, फार्मसीस्ट नेमावा असे निर्बंध घातल्याने खर्चात वाढ आणि नफा कमी होणार आहे. त्यामुळे केंद्रसरकारने मार्जिन कमी करू नये अशी औषधविक्रेत्यांची मागणी आहे. निवेदनं देऊनही कोणतीही पावले उचलली नसल्यानं अखेर औषधविक्रेत्यांनी संपाचा पवित्रा घेतलाय.