वोडाफोन-आयडियाचं मिलन, जिओचा ट्विटरवरून निशाणा

वोडाफोन आणि आयडिया या दोन टेलिकॉम कंपन्यांचं मर्जर झालं आहे.

Updated: Sep 3, 2018, 11:01 PM IST
वोडाफोन-आयडियाचं मिलन, जिओचा ट्विटरवरून निशाणा

मुंबई : वोडाफोन आणि आयडिया या दोन टेलिकॉम कंपन्यांचं मर्जर झालं आहे. या मर्जरवर रिलायन्स जिओनं ट्विटरवरून चिमटा काढला आहे. वोडाफोन-आयडियाच्या मिलनाला जिओनं शुभेच्छाही दिल्या आहेत. 'Hey, @VodafoneIN तुम्हाला माहिती आहे का सगळे आपल्याबद्दल बोलत आहेत, असं ट्विट आयडियाच्या ट्विटर हॅण्डलवरून करण्यात आलं. यावर वोडाफोननंही रिप्लाय दिला. हो @Idea. आता वेळ आली आहे आपण याची घोषणा करावी.

idea

जिओचं उत्तर

वोडाफोनच्या या ट्विटला जिओच्या ट्विटर हॅण्डलवरून रिट्विट करण्यात आलं. तसंच आम्ही २०१६ पासून लोकांना एकत्र आणतोय... वोडाफोन-आयडिया तुम्हाला जिओकडून खूप सारं प्रेम.... असं ट्विट जिओनं केलं.

जिओकडून मिळणाऱ्या आव्हानाचा मुकाबला करण्यासाठी वोडाफोन आणि आयडियाचं मर्जर झालं. काही कालावधीपूर्वी या कंपनी एकमेकांच्या तगड्या प्रतीस्पर्धक होत्या. या मर्जरनंतर वोडाफोन-आयडिया भारताची सर्वात मोठी दूरसंचार कंपनी बनली आहे. या कंपनीच्या ग्राहकांची संख्या ४१ कोटीच्या आसपास आहे.

नव्या कंपनीच्या बोर्डावर ६ स्वतंत्र डायरेक्टर असतील. कुमार मंगलम बिर्ला या बोर्डाचे अध्यक्ष असतील. बोर्डानं बालेश शर्मा यांना सीईओ म्हणून नियुक्त केलं आहे. 

By continuing to use the site, you agree to the use of cookies. You can find out more by clicking this link

Close