Relationship Tips: தற்போதைய நவீன காலகட்டத்தில் திருமண உறவை வலுவானதாக கட்டமைப்பது என்பது மிகவும் கடினமான ஒன்றாகும். உறவின் பிணைப்பை நீங்கள் செயற்கையாக கட்டமைக்க இயலாது என்றாலும், சில விஷயங்களில் கூடுதல் கவனம் செலுத்துவது கூடுதல் நன்மையே தரும்.
உங்கள் துணையுடன் வலுவான உறவை உருவாக்க முயற்சியும் பரஸ்பர புரிதலும் தேவை. முதலாவதாக, திறந்த மனதுடன், நேர்மையான தகவல்தொடர்புக்கு உறவில் முன்னுரிமை கொடுங்கள். உங்கள் உணர்வுகள், தேவைகள் மற்றும் கவலைகளை ஆகியவற்றை உங்கள் துணையிடம் வெளிப்படுத்துங்கள்.
ஒருவருக்கொருவர் பாராட்டுகளையும் நன்றியையும் தெரிவித்துக்கொள்ளுங்கள். அவர்களின் முயற்சிகள் மற்றும் குணங்களை அங்கீகரியுங்கள். வாக்குறுதிகளை நிறைவேற்றுதல், வெளிப்படைத்தன்மையுடன் இருத்தல் ஆகியவற்றின் மூலம் நம்பிக்கையை வளர்த்துக் கொள்ளுங்கள்.
அவர்களுக்கென நேரம் ஒதுக்குவது, உறவின் தொடர்பை வளர்க்கும் மற்றும் நீடித்த நினைவுகளை உருவாக்கும். கடைசியாக, பொறுமையாக இருங்கள், உறவுகளில் முன்னேற்றம் தேவை என்பதையும், அவ்வப்போது ஏற்படும் பின்னடைவுகள் இயல்பானவை என்பதையும் இருவரும் புரிந்துகொள்வது அவசியமாகிறது. நிலையான முயற்சி, அன்பு மற்றும் மரியாதை ஆகியவை, நீங்கள் உங்கள் பிணைப்பை வலுப்படுத்தலாம். இது நிறைவான உறவை உண்டாக்கும். இந்நிலையில், காதலோ அல்லது திருமணமோ உங்களின் இந்த நான்கு விஷயங்களில் கூடுதல் கவனத்தை செலுத்தினால், உங்கள் உறவு வலுவாகும் என கூறப்படுகிறது. https://zeenews.india.com/tamil/lifestyle/these-zodiac-compatibility-for...
மேலும் படிக்க | கணவன் - மனைவி ஒருவருக்கொருவர் கண்டிப்பாக தெரிந்துகொள்ள வேண்டியவை!
1. தகவல்தொடர்பு முக்கியம்
எந்த இரண்டு மனிதர்களும் ஒரே சூழ்நிலை குறித்து வெவ்வேறு கருத்துக்களை கொண்டிருக்கலாம். கருத்து மோதல்களைக் கொண்டிருக்கலாம். நீங்கள் ஒரு படி பின்வாங்குவது மிகவும் பயனுள்ளதாக இருக்கும். அவர்கள் சொல்வதை ஏன் சொல்கிறார்கள் என்று பாருங்கள். அவர்களின் கண்ணோட்டத்துடன் நீங்கள் உடன்படாமல் இருக்கலாம், ஆனால் அவர்கள் அதை அவர்களின் அனுபவம் மற்றும் வாழ்க்கையின் கற்றலில் இருந்து சொல்கிறார்கள் என்பதை மதிக்க வேண்டும். முழுமையான சரியான வழி இல்லை. பாதியிலேயே பேசி தீர்வுக்கு வர முயற்சி செய்யுங்கள். தகவல்தொடர்புக்கு நேர்மையான மற்றும் பாதுகாப்பான சூழலை வழங்குவது இன்றியமையாதது.
2. பிளர்டிங் அவசியம்
உங்கள் உறவில் பிளேர்டிங்கை சேர்ப்பது எப்போதும் வேடிக்கையை அளிக்கும். ஏனெனில், அது உங்களுக்கு இருவருக்கும் இடையேயான காதலை உயிருடன் வைத்திருக்கும். அவர்கள் மீது நீங்கள் வைத்திருக்கும் அன்பு, அல்லது அவர்கள் உங்களுக்கு எவ்வளவு அர்த்தமானவர்கள், அவர்களை உங்களுக்கு நினைவூட்டும் பாடல் அல்லது உங்கள் உறவைக் கொண்டாடும் நடனம் என உங்கள் துணையின் அன்பை வெளிப்படுத்தும் விதத்தை புரிந்துகொண்டு அவர்கள் நேசிக்கப்படுவதை உறுதிசெய்ய முயற்சி செய்யுங்கள். கட்டிப்பிடித்தல், முத்தமிடுதல் மற்றும் கைகளைப் பிடிப்பது போன்ற உடல் ரீதியாக அன்பை காட்டுவது, உங்கள் உணர்ச்சித் தொடர்பை வலுப்படுத்தவும். உங்கள் துணையின் மீதான உங்கள் அன்பை வெளிப்படுத்தவும் உதவும்.
3. சேர்ந்து கற்றுக்கொள்ளுங்கள்
உங்கள் துணையின் சொந்த நலன்கள் மற்றும் இலக்குகளைத் தொடர ஊக்குவிக்கவும். மேலும் அவர்களின் தனிப்பட்ட வளர்ச்சி மற்றும அவர்களுக்கு ஆதரவளிக்கவும். தனிநபராகவும் தம்பதியராகவும் தொடர்ந்து கற்றுக்கொள்வது முக்கியம். கருத்தரங்குகளில் கலந்துகொள்வது, வீடியோக்களைப் பார்ப்பது, உங்கள் இருவருக்கும் விருப்பமான தலைப்புகளில் பங்கேற்க பரிந்துரைக்கப்படுகிறது. நீங்கள் ஒன்றாகக் கற்றுக்கொண்டால், நீங்கள் ஒன்றாக வளர்கிறீர்கள் என்று அர்த்தம். மேலும் இது ஒரு தனிநபராக, ஜோடியாக மற்றும் குடும்பமாக வாழ்க்கைத் தரத்தில் இருந்து சிறந்த தாக்கத்தை உண்டாக்கும்.
4. கொண்டாட்டமும் முக்கியம்
பிறந்தநாள் மற்றும் கல்யாண நாள் போன்ற முக்கியமான நிகழ்வுகளையும் மைல்கல்களையும் ஜோடியாக கொண்டாடுவது, நீடித்த நினைவுகளை உருவாக்கவும், உங்கள் உறவை வலுப்படுத்தவும் உதவும்.
மேலும் படிக்க | உடலுறவின்போது ஆண்கள் இதையெல்லாம் கவனிப்பாங்க.. பெண்களே இத நோட் பண்ணுங்க!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
