Vivah Muhurt 2022: વર્ષ પુરૂ થતાં પહેલાં કરવા છે લગ્ન, તો ઘોડી ચઢવાના 8 શુભ મુહૂર્ત છે બાકી

Shubh Vivah Muhurt 2022:હિંદુ ધર્મમાં દેવઉથી એકાદશીથી માંગલિક કાર્યોની શરૂઆત થઇ ચૂકી છે. એવામાં હવે લગ્નના શુભ મુહૂર્ત નિકાળવામાં આવ્યા છે. પંચાગના અનુસાર આ વર્ષે લગ્નના ફક્ત 8 શુભ મુહૂર્ત જ બાકી રહ્યા છે. એટલે કે હવે તમારી પાસે પણ તે મિત્રો અને શુભચિંતકોના ઘરે થનાર લગ્નના કાર્ડ આવવા લાગશે, જ્યાં તમારે જવું પડશે. એટલા માટે સમયસર પોતાની તૈયારી પુરી કરવા માટે આ શુભ મુહૂર્ત અને તારીખો સાથે તમારૂ રૂબરૂ થવું પણ જરૂરી છે. 

નવેમ્બર મહિનાના શુભ લગ્ન મુહૂર્ત
જ્યોતિષિઓના અનુસાર આ મહિને લગ્ન માટે પ્રથમ શુભ મુહૂર્ત 24 નવેમ્બરના રોજ ગુરૂવારે છે. ગુરૂવારે સવારે 6:50 થી માંડીને 7:37 સુધી એકદમ શુભ યોગ બનશે. જીવનસાથી મેળવવા માટે આગામી શુભ મુહૂર્તની વાત કરીએ તો નવેમ્બરની 25 તારીખના દિવસે શુક્રવારે રાત્રે 10:45 વાગ્યાથી આગામી સવારે 06:52 સુધી રહેશે. તો બીજી તરફ 27 તારીખના દિવસે રવિવારે રાત્રે 9:34 થી બીજા દિવસે 06:54 સુધી રહેશે અને 28 નવેમ્બરના રોજ સોમવારે સવારે 6:54 સવારે 10.20 સુધી લગ્ન સમારોહ માટે શુભ મુહૂર્ત છે. આ તે સમય છે જ્યારે લોકો લગ્નના બંધનમાં બંધાઇ શકે છે. 

શુભ મુહૂર્તના માપદંડ 
જ્યોતિષ વિદ્રાનો અનુસાર વર્ષ અને મહિનો કોઇપણ હોય પરંતુ શુક્રના અસ્ત થતાં લગ્નના શુભ મુહૂર્ત પણ પુરા થઇ જાય છે. આ મુજબ આ વર્ષે 30 સપ્ટેમ્બરના રોજ શુક્ર અસ્ત થયો અને 21 નવેમ્બરના રોજ ઉદય થયો. શુક્રના ઉદય થવાના 3 દિવસ બાદ જ લગ્નના શુભ મુહૂર્ત મળવાનું શરૂ થઇ ગયા. તમને જણાવી દઇએ કે આ વર્ષે શુક્રના ઉદય થતાં જ અષ્ટ લક્ષ્મી યોગ બને છે. એવામાં આ દરમિયાન લગ્નના બંધનમાં બંધાનારાઓના વૈવાહિક જીવન માતા રાણીની કૃપાથી ખુશહાલ બની રહેશે. 

(Disclaimer: અહીં આપવામાં આવેલી જાણકારી માન્યતાઓ અને જાણકારીઓ પર આધારિત છે. ZEE 24 Kalak તેની પુષ્ટિ કરતું નથી.)