Farmers Protest: ભારતની છબી ખરાબ કરવા માટેના મોટા ષડયંત્રનો ખુલાસો, Pakistan નો છે હાથ

નવી દિલ્હી: કૃષિ કાયદા ( Farm Laws) વિરુદ્ધ ચાલી રહેલા ખેડૂતોના આંદોલન ( Farmers Protest)  ના નામ પર પ્રોપગેન્ડા ફેલાવીને ભારતને આંતરરાષ્ટ્રીય સ્તર પર બદનામ કરવાનું ષડયંત્ર થઈ રહ્યું છે. હવે આ મામલે ખુલાસો થયો છે કે તેની પાછળ પાકિસ્તાનની મોટી ભૂમિકા છે અને તેમા ખાલિસ્તાની સંગઠનની પણ મોટી મુહિમ સામેલ છે. 

પાકિસ્તાની દૂતાવાસ કરે છે મદદ
સૂત્રોના જણાવ્યાં મુજબ કેનેડા, યુકે, જર્મની અને અમેરિકા જેવા દેશોમાં સક્રિય ખાલિસ્તાની સંગઠન (Khalistani Organization) મોદી સરકાર અને ભારતને બદનામ કરવાની મોટી મુહિમમાં સામેલ છે. આ કામમાં શીખ ફોર જસ્ટિસ(SFJ) જેવા ખાલિસ્તાની સંગઠનને કેનેડા, યુકે અને અમેરિકામાં સ્થિત પાકિસ્તાની દૂતાવાસ મદદ કરી રહ્યા છે. 

પાકિસ્તાને પીઆર એજન્સીઓને કામ પર લગાવી
પાકિસ્તાન (Pakistan) ની આઈએસઆઈ (ISI) એ ભારતને બદનામ કરવા માટે કેટલીક પીઆર એજન્સીઓને પણ કામે લગાવી છે. જે અનેક દેશોમાં સાંસદ, મોટી હસ્તીઓ અને મોટી સંખ્યામાં જેના ફોલોઅર્સ છે તેવા ટ્વિટર હેન્ડલ્સ દ્વારા ભારત સરકારને બદનામ કરવામાં લાગ્યા છે. 

ભારતમાં રહેલા લોકો પણ આ મુહિમમાં સામેલ
ભારત વિરુદ્ધ થઈ રહેલા ટ્વીટ્સને પાકિસ્તાની હેન્ડ્લ્સ હજારોની સંખ્યામાં રીટ્વીટ કરી રહ્યા છે. ભારતમાં રહેલા કેટલાક સંગઠનો, પત્રકાર અને નક્સલીઓ સાથે જોડાયેલા કેટલાક લોકો ખાલિસ્તાની સંગઠનો સાથે મળીને ભારત વિરુદ્ધ મુહિમમાં લાગ્યા છે, જેથી કરીને મોદી સરકારને નમાવી શકાય.