SRH vs MI: આજે હૈદરાબાદ અને મુંબઈ વચ્ચે થશે ટક્કર, કોણ જીતશે? અહીં મળી જશે જવાબ

Indian Premier League 2023: આઈપીએલની 16મી સીઝનની 25મી લીગ મેચમાં, સનરાઈઝર્સ હૈદરાબાદ (SRH) ટીમનો સામનો મુંબઈ ઈન્ડિયન્સ (MI) ટીમ સાથે તેમના હોમ ગ્રાઉન્ડ પર થશે. બંને ટીમો વચ્ચેની આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં 7.30 વાગ્યે રમાશે. સનરાઈઝર્સ હૈદરાબાદ અને મુંબઈ ઈન્ડિયન્સ બંનેએ આ સિઝનમાં અત્યાર સુધી 4-4 મેચ રમી છે, જેમાં તેણે 2-2 મેચ જીતી છે.

મુંબઈ ઈન્ડિયન્સની ટીમ, આ સિઝનમાં તેની શરૂઆતની 2 મેચોમાં સતત પરાજયનો સામનો કર્યા પછી, તે હવે પછીની 2 મેચોમાં દિલ્હી કેપિટલ્સ અને કોલકાતા નાઈટ રાઈડર્સને હરાવીને પોઈન્ટ ટેબલમાં 8મા ક્રમે છે. બીજી તરફ સનરાઇઝર્સ હૈદરાબાદની ટીમની પણ શરૂઆત સારી રહી ન હતી અને તેને પ્રથમ 2 મેચમાં એકતરફી હારનો સામનો કરવો પડ્યો હતો. આ પછી ટીમે તેની ત્રીજી મેચમાં પંજાબ કિંગ્સને હરાવ્યું અને પછી ચોથી મેચમાં કોલકાતા સામે શાનદાર 23 રનથી મેચ જીતી.

હૈદરાબાદ vs મુંબઈ હેડ ટુ હેડ રેકોર્ડ
સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચે આઈપીએલમાં એકબીજા સામેના રેકોર્ડની વાત કરીએ તો બંને ટીમો વચ્ચે અત્યાર સુધીમાં 19 મેચ રમાઈ છે, જેમાં મુંબઈની ટીમ 10 વખત જીતી જ્યારે હૈદરાબાદની ટીમ 9 મેચ જીતી છે. 

આ પણ વાંચો:
અમદાવાદમાં CBI- NDRFની ટીમને મોટી સફળતા, આરોપીએ નદીમાં ફેંકેલા મોબાઇલ શોધી કાઢ્યા
ચર્ચિત લાંચ કેસમાં એડિશનલ કમિશનર સંતોષ કરનાનીને મોટો ઝટકો, SCએ રદ્દ કર્યા જામીન
મેક્સવેલ-ડુ પ્લેસિસની તોફાની ઈનિંગ એળે ગઈ, CSK એ રોમાંચક મેચમાં RCB ને હરાવ્યું

પિચ રિપોર્ટ
જો આ મેચની પિચ વિશે વાત કરીએ તો આ સિઝનમાં અત્યાર સુધી અહીં રમાયેલી 2 મેચોમાં બેટિંગ ખૂબ જ આસાન લાગી રહી છે. આ મેચમાં પણ કંઈક આવું જ જોવા મળશે. છેલ્લી 5 મેચમાં આ મેદાન પર પ્રથમ દાવનો સરેરાશ સ્કોર 178 રનની નજીક જોવા મળ્યો છે.

સંભવિત પ્લેયિંગ 11
સનરાઈઝર્સ હૈદરાબાદ - મયંક અગ્રવાલ, રાહુલ ત્રિપાઠી, હેરી બ્રુક, એડન માર્કરામ (કેપ્ટન), અભિષેક શર્મા, માર્કો જેન્સેન, હેનરિક ક્લાસેન (વિકેટમાં), ઉમરાન મલિક, ભુવનેશ્વર કુમાર, ટી નટરાજન, મયંક માર્કંડે.

મુંબઈ ઈન્ડિયન્સ - રોહિત શર્મા (કેપ્ટન), ઈશાન કિશન (વિકેટકીપર), સૂર્યકુમાર યાદવ, ટિમ ડેવિડ, તિલક વર્મા, હૃતિક શોકીન, કેમેરોન ગ્રીન, પીયૂષ ચાવલા, નેહલ વાધેરા, અર્જુન તેંડુલકર, રિલે મેરેડિથ.

મેચ પ્રિડીક્શન
જો આ મેચના પરિણામની વાત કરીએ તો બંને ટીમોના ફોર્મને જોઈએ તો છેલ્લી કેટલીક મેચોમાં શાનદાર દેખાવ જોવા મળ્યો છે. હૈદરાબાદની ટીમની બોલિંગ ચોક્કસપણે મુંબઈ કરતાં થોડી મજબૂત દેખાઈ રહી છે, આવી સ્થિતિમાં, આ મેચમાં ટોસ ખૂબ જ મહત્વપૂર્ણ ભૂમિકા ભજવી શકે છે, જેમાં બંને ટીમો લક્ષ્ય ચેઝ કરવાનું પસંદ કરી શકે છે.