સ્ક્રિન સાફ કરવાના કપડાંની કિંમત સાંભળીને ચોંકી જશો! એપલની આ નવી પ્રોડક્ટ જોઈને ચકરાઈ જશે મગજ!

નવી દિલ્હીઃ લાખ રૂપિયાનો આઈફોન, 2 લાખ રૂપિયાનું મેકબુક પ્રો અને તેની સ્ક્રિનને સાફ કરવા માટે એપલે 1900 રૂપિયાનું Cloth લોન્ચ કર્યું છે. એપલે ક્લિનિંગ ક્લોથ લોન્ચ કર્યું છે. જેની કિંમત અધધ 2000 રૂપિયાની આસપાસ રાખવામાં આવી છે. કંપની આને પોલિશિંગ ક્લોથ બતાવી રહી છે. આ ક્લોથથી ડિસ્પ્લે અને નેનો ટેક્સચર્ડ ગ્લાસને સાફ કરી શકાશે. પણ પ્રશ્ન છે કે શું આ ક્લોથ માત્ર એપલ ડિવાઈસ માટે છે? સામાન્ય રીતે જોવા જઈએ તો આ એક સફાઈ કરવા માટેનું ક્લોથ છે જેને તમે કોઈ પણ ગેજેટ અથવા સ્ક્રિન સાફ કરવા માટે ઉપયોગ કરી શકો છો.

સામાન્ય રીતે મોબાઈલ અથવા કોમ્પ્યુટરની સ્ક્રિનને સાફ કરવા માટે માઈક્રો ફાઈબર ક્લોથનો ઉપયોગ કરવામાં આવે છે. આને તમે માર્કેટમાં 100-200 રૂપિયામાં સરળતાથી ખરીદી શકો છો.

એપલ ક્લોથમાં એવું શું છે કે તે આટલું મોંઘુ છે?
એપલે જણાવ્યું કે આ પોલિશિંગ ક્લોથ સોફ્ટ નોન એબરેસિવ મટીરિયલથી બનાવવામાં આવ્યું છે. અને આનાથી કોઈ પણ એપલની ડિવાઈસને સાફ કરી શકાય છે. આને નેનો ટેક્સચર્ડ ગ્લાસને સેફ્ટી સાથે સાફ કરી શકાય છે.

શું છે આ નેનો ટેક્સચર્ડ ગ્લાસ?
એપલના મોંઘા iMacમાં નેનો ટેક્સચર્ડ સ્પેશિયલ કોટિંગ આપવામાં આવે છે. એપલના એક્સટર્નલ ડિસ્પ્લેમાં પણ આ કોટિંગ મળે છે. આવી સ્ક્રિન પર સ્ક્રેચ પડવાનો ડર રહે છે. ઉદાહરણ તરીકે જો તમે નેનો ટેક્સચર્ડ એપલ પ્રો XDR ડિસ્પ્લે ખરીદવા જશો તો તેના માટે તમારે 5 લાખ રૂપિયાથી વધુ આપવા પડશે. તેવામાં એપલનું પોલિશિંગ ક્લોથ સ્ક્રિનની સફાઈ માટે શ્રેષ્ઠ છે. કારણ કે તમે આ ક્લોથથી વગર કોઈ સ્ક્રેચ સ્ક્રિનને સાફ કરી શકો છો.

જો કે કંપનીએ પોલિશિંગ ક્લોથને ફ્રીમાં આપવાની જરૂર હતી. જો તમારી પાસે મેકબુક પ્રો અથવા આઈફોન છે તો આ પોલિશિંગ ક્લોથને ખરીદવાનો કોઈ ખાસ મતલબ નથી. 1900 રૂપિયાના પોલિશિંગ ક્લોથ કરતા માર્કેટમાં 500 રૂપિયામાં મળતા અનેક ક્લોથ ઓપશન છે જે સ્ક્રિન સાફ કરવા માટે યોગ્ય છે.