40 કરોડમાં વેચાઇ આ ગાય, ભારત સાથે છે ખાસ નાતો, ખૂબીઓ જાણીને રહી જશો દંગ

Nelore cow: જો કોઇ તમને પૂછે કે સૌથી મોંઘી ગાય કેટલાની હોય શકે. તો કદાચ તમે કહેશો કે 5 લાખ કે 10 લાખ. પરંતુ તમને જાણીને આશ્વર્ય થશે કે એક ગાય 40 કરોડ રૂપિયામાં વેચાઇ છે. જી હા6, 40 કરોડ રૂપિયા. એટલું જ નહી ભારત સાથે તેનો ગાઢ નાતો છે. ખૂબીઓ જાણીને તમે પણ દંગ રહી જશે. પશુઓની હરાજીની દુનિયામાં આ એક નવો રેકોર્ડ છે. 

આ ગાય આંધ્ર પ્રદેશના નેલ્લોરની છે. તેને વિયાટિના-19 એફઆઇવી મારા ઇમોવિસ નામથી ઓળખવામાં આવે છે. બ્રાજીલમાં એક હરાજી દરમિયાન આ ગાયની 4.8 મિલિયન અમેરિકી ડોલર બોલી લાગી, જે ભારતીય રૂપિયાના હિસાબે જોઇએ તો 40 કરોડ રૂપિયા બરાબર છે. આ સાથે જ દુનિયાની સૌથી મોંઘી કિંમત પર વેચાનારી ગાય બની ગઇ છે. પશુઓની હરાજીના ઇતિહાસમાં આ એક રેકોર્ડ બની ગયો છે. રેશમી સફેદ વાળ અને ખભા પર વિશિષ્ટ ખૂંઘ ધરાવતી આ ગાય મૂળ ભારતની છે.

ખૂબીઓ પણ જાણી લો
ઓંગોલ જાતિના પશુઓની સૌથી મોટી ખાસિયત એ છે કે આ ખૂબ ગરમ તાપમાનમાં પણ રહી શકે છે. કારણ કે તેમનું મેટાબોલિઝમ ખૂબ સારું હોય છે. તેમાં કોઇપણ પ્રકારનું ઇંફેક્શન થતું નથી. બ્રાજીલમાં ખૂબ ગરમી હોય છે, તે દ્રષ્ટિએ આ ગાય ખૂબ પસંદ કરવામાં આવે છે. ત્યાંના લોકો તેને સરળતાથી પાળે છે. આ બ્રીડને જેનેટિકલી તરીકે અને વધુ વિકસિત કરવામાં આવી છે. તેનાથી એવા સંતાન ઉત્પન્ન થવાની આશા છે જે તેનાથી પણ સારું હશે. બ્રાજીલમાં લગભગ 80 ટકા ગાય નેલોર ગાય છે.