ପାଠକ ପରେ ପ୍ରଦୀପଙ୍କ ସମ୍ପତ୍ତି ତଦନ୍ତ କରିବ ଇଡି

ସରୋଜ ବେହେରା, ଭୁବନେଶ୍ବର: ଚାକିରି ଦେବା ନାଁରେ ଲୋକଙ୍କୁ ଠକିଥିବା ଅଭିଯୋଗରେ ଗିରଫ ହୋଇଥିବା ବିଧାୟକଙ୍କ ମାମଲାର ତଦନ୍ତ କରିବ ପ୍ରବର୍ତନ ନିର୍ଦେଶାଳୟ (Enforcement Directorate) । ପୂର୍ବରୁ ତାଙ୍କ ଭାବି ଜ୍ବାଇଁ ଆକାଶ ପାଠକଙ୍କ (Aakash Pathak) ଅମାପ ସମ୍ପତ୍ତି ମାମଲାର ତଦନ୍ତ ମଧ୍ୟ କରୁଛି ଇଡି । ପ୍ରଦୀପ ପାଣିଗ୍ରାହୀଙ୍କ (Pradeep Panigrahi) ମାମଲାରେ ଅଧିକ ତଥ୍ୟ ହାସଲ କରିବା ପାଇଁ ତାଙ୍କ ଆକାଉଣ୍ଟ ଥିବା ସମସ୍ତ ବ୍ୟାଙ୍କକୁ ଚିଠି ଲେଖିଛି ଇଡି । ଏହା ସହ ପ୍ରଦୀପ ଓ ତାଙ୍କ ସମ୍ପର୍କୀୟଙ୍କ ନାଁରେ ଥିବା ସମ୍ପତ୍ତିର ତାଲିକ ପାଇଁ ସବ-ରେଜିଷ୍ଟାରଙ୍କୁ ମଧ୍ୟ ଚିଠି ଲେଖିଛି ପ୍ରବର୍ତନ ନିର୍ଦେଶାଳୟ (Enforcement Directorate) । ମାମଲାର ତଦନ୍ତ କରିବା ସହ ଅଧିକ ତଥ୍ୟ ପାଇଁବା ପାଇଁ କ୍ରାଇମବ୍ରାଞ୍ଚରେ ରୁଜୁ ହୋଇଥିବା FIR ମଧ୍ୟ ଇଡି ମାଗିଥିବା ଜଣାପଡିଛି ।     

ଅଧିକ ପଢନ୍ତୁ:ପାଠ ପଢାଇଦେଲେ ପାଠକ, ବୁଝି ପାରିଲେନି ସରକାର !

ଆହୁରି ବଢିଲା ବିଧାୟକ ପ୍ରଦୀପ ପାଣିଗ୍ରାହୀଙ୍କ (Pradeep Panigrahi) ପାଇଁ ଅଡୁଆ । ପ୍ରଦୀପଙ୍କ ନାଁରେ ଥିବା ସମ୍ପତ୍ତିର ତଦନ୍ତ ଆରମ୍ଭ କଲା ପ୍ରବର୍ତନ ନିର୍ଦେଶାଳୟ (ED) । ପ୍ରଦୀପଙ୍କ ଆକାଉଣ୍ଟକୁ ଆସିଥିବା ଟଙ୍କା କାହାର, କିଏ କେଉଁ କାରଣ ପାଇଁ ୪ ମାସରେ ଅଢେଇ କୋଟି ଟଙ୍କା ପ୍ରଦୀପଙ୍କ ଆକାଉଣ୍ଟକୁ (Account) ପଠାଇଥିଲା ତାହାର ତଦନ୍ତ ଆରମ୍ଭ କରିଛି ଇଡି (ED) । ଏଥିାପାଇଁ  ପ୍ରଦୀପଙ୍କ ଆକାଉଣ୍ଟ ଥିବା ସମସ୍ତ ବ୍ୟାଙ୍କକୁ ଚିଠି ଲେଖିଛି ପ୍ରବର୍ତନ ନିର୍ଦେଶାଳୟ । କେବଳ ବ୍ୟାଙ୍କ ଆକାଉଣ୍ଟ ନୁହଁ ପ୍ରଦୀପ ଓ ତାଙ୍କ ସମ୍ପର୍କୀୟଙ୍କ ନାଁରେ ଥିବା ଜମି ଓ ସମ୍ପତ୍ତିର ମଧ୍ୟ ଖୋଳତାଡ ଆରମ୍ଭ କରିଛି ଇଡି । ଏଥିପାଇଁ ଗଂଜାମ ସବ ରେଜିଷ୍ଟାରଙ୍କୁ ଚିଠି ଲେଖାଯାଇଛି । ଦୁଇଟି ଭିନ୍ନ ଭିନ୍ନ ମାମଲା ରୁଜୁ କରି ପ୍ରବର୍ତନ ନିର୍ଦେଶାଳୟ ପ୍ରଦୀପ ପାଣିଗ୍ରାହୀ ଓ ଆକାଶ ପାଠକଙ୍କ ନାଁରେ ଥିବା ସମ୍ପତ୍ତିର ତଦନ୍ତ ଆରମ୍ଭ କରିଛି ପ୍ରବର୍ତନ ନିର୍ଦେଶାଳୟ । କେବଳ ସେତିକି ନୁହଁ ପ୍ରଦୀପଙ୍କ ବିରୋଧରେ ସୋରୋଡାରେ ଥିବା ଜମି ମାମଲାରେ ମଧ୍ୟ ଇଡି ତଦନ୍ତ ଆରମ୍ଭ କରିଛି ।ଏଥିପାଇଁ କ୍ରାଇମବ୍ରାଂଚରେ ପ୍ରଦୀପଙ୍କ ନାଁରେ ଥିବା FIR କପି ମାଗିଛି ଇଡି ।  

ଅଧିକ ପଢନ୍ତୁ: ନିର୍ବାଚନ ଲଢିବେ ରଜନୀକାନ୍ତ! ନୂଆ ବର୍ଷରେ ଦଳ ଘୋଷଣା

ପ୍ରଦୀପ ପାଣିଗ୍ରାହୀ ତାଙ୍କ ସମୁଦି ଓ ଭାବି ଜ୍ବାଇଁକୁ ନେଇ ବର୍ତମାନ ସୁଦ୍ଧା ୪ଟି ତଦନ୍ତକାରୀ ସଂସ୍ଥ୍ୟା ଭିଜିଲାନ୍ସ, କ୍ରାଇମବ୍ରାଂଚ, ପ୍ରବର୍ତନ ନିର୍ଦେଶାଳାୟ ଓ ଆୟକର ବିଭାଗ ତଦନ୍ତ ଆରମ୍ଭ କରିଛନ୍ତି । ଏ ମଧ୍ୟରେ କମିଶନରେଟ ପୋଲିସରେ ମଧ୍ୟ ଆକାଶ ଓ ଅଭୟକାନ୍ତଙ୍କ ନାଁରେ ଠକେଇ ମାମଲା ରୁଜୁ ହୋଇଛି । ଏଭଳି ପରିସ୍ଥିତିରେ ଆଗକୁ ପ୍ରଦୀପଙ୍କ ଆକାଉଣ୍ଟକୁ ୪ ମାସରେ ଆସିଥିବା ଅଢେଇ କୋଟି ଟଙ୍କାକୁ ନେଇ ସସପେନ୍ସ ଜାରି ରହିଛି । ପ୍ରଦୀପଙ୍କ ଆକାଉଣ୍ଟ ଷ୍ଟେଟମେଣ୍ଟରେ ଥିବା ରବୀନ୍ଦ୍ର ସାହୁ, ସୂର୍ଯ୍ୟ ଫିଲିଂ ଷ୍ଟେସନ୍, କମ୍ଭୁପାଣି ସାହୁ ଓ ଗୁରୁମୂର୍ତ୍ତି ଅଏଲ କମ୍ପାନୀ ପଛରେ ରହିଥିବା ଲୋକଙ୍କୁ ନେଇ ଏବେ ବି ପ୍ରଶ୍ନ ଉଠିବାରେ ଲାଗିଛି । 

ଅଧିକ ପଢନ୍ତୁ: ମାଦକ ଦ୍ରବ୍ୟ ତାଲିକାରୁ ହଟିଲା ଭାଙ୍ଗ !

ମିଳିଥିବା ସୁଚନା ମୁତାବକ ପ୍ରଦୀପ ପାଣିଗ୍ରାହୀଙ୍କ ଭଣଜା ହେଉଛନ୍ତି ରବୀନ୍ଦ୍ର । ଯିଏ ପ୍ରଦୀପଙ୍କ ଆକାଉଣ୍ଟକୁ ପଠାଇଛନ୍ତି ୪୦ ଲକ୍ଷ ଟଙ୍କା । ସେଭଳି ମଦ ବ୍ୟବସାୟୀଙ୍କ ସହ କୌଣସି ସମ୍ପର୍କ ନ ଥିବା ବେଳେ ପ୍ରଦୀପଙ୍କ ଆକାଉଣ୍ଟକୁ ମଦ ବେପାରୀ ତଥା ସୂର୍ଯ୍ୟା ଫିଲିଂ ଷ୍ଟେଶନ ମାଲିକ ମଧ୍ୟ ପ୍ରଦୀପଙ୍କୁ ଦେଇଛନ୍ତି ଲକ୍ଷ ଲକ୍ଷ ଟଙ୍କା । କିରୋସିନ ଠକେଇରେ ନାଁ ଥିବା ଏନ ଛବିଲାଲ ପାତ୍ର ମଧ୍ୟ ପ୍ରଦୀପଙ୍କୁ କାହିଁକି ଲକ୍ଷ ଲକ୍ଷ ଟଙ୍କା ଦେଇଛନ୍ତି ତାହା ଏବେ ଯାଏ ସ୍ପଷ୍ଟ ହୋଇପାରିନାହିଁ । ଯାହାକୁ ନେଇ ସ୍ଥାନୀୟ ଅଂଚଳର ଅନେକ ନେତା ପ୍ରଶ୍ନ ଉଠାଇଛନ୍ତି । ଯାହା ପାଖରେ କିଛି ବର୍ଷ ତଳେ ଟଙ୍କା ନ ଥିଲା ସେ ଏବେ ଲକ୍ଷ ଲକ୍ଷ ଟଙ୍କା କେଉଁଠୁ ଆଣି ପ୍ରଦୀପଙ୍କୁ ଦେଇଛନ୍ତି ତାହାକୁ ନେଇ ଏବେ ଉଠିଛି ପ୍ରଶ୍ନ । ପ୍ରଦୀପ ପାଣିଗ୍ରାହୀଙ୍କ ବିରୋଧରେ ବର୍ତମାନ ଯେଉଁ ସବୁ ମାମଲା ରୁଜୁ ହୋଇଛି । ସେଥିରୁ ବାହାରିବା ଆଗକୁ ପ୍ରଦୀପଙ୍କ ପାଇଁ କାଠିକର ପାଠ ହେବ । ଯଦିଓ ପ୍ରଦୀପ ତାଙ୍କ ବିରୋଧରେ ଲାଗିଥିବା ଅଭିଯୋଗକୁ ଖଣ୍ଡନ କରି ଆସୁଛନ୍ତି ତଥାପି ବର୍ତମାନ ଯାଏ ସେ କୌଣସି ଗୋଟାଏ ଅଭିଯୋଗରେ ନିଜେ ନିର୍ଦୋଶ ବୋଲି ପ୍ରଣାକ ଛିଡା କରିପାରିନାହାନ୍ତି । ପରିସ୍ଥିତି ଏଭଳି ରହିଲେ ଆଗକୁ ପ୍ରଦୀପ ପ୍ରାଣିଗ୍ରାହୀଙ୍କ ପାଇଁ ଅଡୁଆ ସାଂଘାତିକ ପରିଣାମ କରିବ ।