ପୁଅ ଆର୍ୟନର ଗିରଫ ପରେ ଶାହାରୁଖ ଖାନ ନେଲେ ଏହି ବଡ଼ ନିଷ୍ପତ୍ତି

ବଲିଉଡ଼ ଅଭିନେତା ଶାହାରୁଖ ଖାନଙ୍କ ଫିଲ୍ମକୁ ପ୍ରଶଂସକମାନେ ସବୁବେଳେ ଅପେକ୍ଷା କରନ୍ତି । ଏହି ଅଭିନେତାଙ୍କୁ ଶେଷ ଥର ପାଇଁ 'ଜିରୋ' ଫିଲ୍ମରେ ଦେଖିବାକୁ ମିଳିଥିଲା ​​। ନିଜ ପୁଅ ଯୋଗୁଁ ଏହି ଅଭିନେତା ଆଜିକାଲି ନ୍ୟୁଜ ହେଡଲାଇନରେ ରହିଛନ୍ତି ।

ଶାହାରୁଖ ଖାନ ବର୍ଷ ବର୍ଷ ଧରି ନିଜ ପ୍ରଶଂସକଙ୍କ ହୃଦୟକୁ ରାଜ କରିଆସୁଛନ୍ତି । ପୁଅ ଆର୍ୟନ୍ ଖାନଙ୍କ କାରଣରୁ ଶାହାରୁଖ ଖାନ ଆଜିକାଲି ନ୍ୟୁଜ ହେଡଲାଇନରେ ରହିଛନ୍ତି । ନିକଟରେ ଶାହାରୁଖ ଖାନଙ୍କ ପୁଅ ଆର୍ୟନଙ୍କୁ ଡ୍ରଗ୍ସ ମାମଲାରେ ଏନସିବି ଗିରଫ କରିଥିଲା । ବର୍ତ୍ତମାନ ଶାହାରୁଖ ନିଜର ଗୋଟିଏ ପରେ ଗୋଟିଏ ପ୍ରୋଜେକ୍ଟକୁ ସ୍ଥଗିତ କରୁଛନ୍ତି ।

ଟାଇମ୍ସ ଅଫ୍ ଇଣ୍ଡିଆର ଖବର ଅନୁଯାୟୀ ବର୍ତ୍ତମାନ ଠିକ ଶେଷ ସମୟରେ ଶାହାରୁଖ ଖାନ ଅଜୟ ଦେବଗାନଙ୍କ ସହ ନିଜର ବିଜ୍ଞାପନ ପାଇଁ ସୁଟିଂକୁ ବାତିଲ କରିଛନ୍ତି । ଏହି ସମୟରେ ଅଜୟ ଦେବଗନଙ୍କ ସହ ଶାହାରୁଖ ଖାନଙ୍କୁ ଏକ ନୂଆ ବିଜ୍ଞାପନ ସୁଟିଂ କରିବାର ଥିଲା ।

ଏହା ବି ପଢ଼ନ୍ତୁ: ହେଡ଼ କନଷ୍ଟେବଳ ପଦବୀ ପାଇଁ CRPF ଜାରିକଲା ବିଜ୍ଞପ୍ତି; ଏହିପରି କରନ୍ତୁ ଆବେଦନ

ବିଜ୍ଞାପନ ସୁଟିଂବନ୍ଦ କଲେ ଶାହାରୁଖ 
ଇଟିମସ୍ ରିପୋର୍ଟ ଅନୁଯାୟୀ ସୁପରଷ୍ଟାରଙ୍କ ଉପସ୍ଥିତି ପାଇଁ ସମସ୍ତ ପ୍ରସ୍ତୁତି କରାଯାଇଥିଲା, କିନ୍ତୁ ସେ ଆସିନ ଥିଲେ । ଖବର ଅନୁଯାୟୀ, ସେଟ୍‌ରେ ଶାହାରୁଖ ଖାନଙ୍କ ପାଇଁ ମଧ୍ୟ ବିଶେଷ ବ୍ୟବସ୍ଥା କରାଯାଇଥିଲା ଓ ତାଙ୍କର ଭ୍ୟାନିଟି ଭ୍ୟାନ୍ ମଧ୍ୟ ସକାଳୁ ଷ୍ଟୁଡିଓରେ ରହିଛି ।

ବର୍ତ୍ତମାନ ଖବର ଅନୁଯାୟୀ ସୁପରଷ୍ଟାର ଅପରାହ୍ନ ପ୍ରାୟ ୩-୪ ଟା ସମୟରେ ସୁଟିଂ ବନ୍ଦ କରିଦେଇଥିଲେ । ଶାହାରୁଖ ଅଜୟ ଦେବଗନଙ୍କ ସହ ଫ୍ରେମ୍ ବାଣ୍ଟିବାକୁ ଯାଉଥିଲେ, କିନ୍ତୁ ସେ ଏହାକୁ ସ୍ଥଗିତ ରଖିବାକୁ ନିଷ୍ପତ୍ତି ନେଇଥିଲେ, ଏହା ପଛର କାରଣ ସ୍ପଷ୍ଟ ଭାବରେ ଅଭିନେତାଙ୍କ ବ୍ୟକ୍ତିଗତ ଅସୁବିଧା ପରି ମନେହୁଏ  ।

ଏହା ବି ପଢ଼ନ୍ତୁ: କୃଷକ ମାନଙ୍କ ପାଇଁ ଭଲ ଖବର! ଏହି ଦିନ ଆସିବ ପିଏମ କିସାନ ଯୋଜନାର ଦଶମ କିସ୍ତି

ବନ୍ଦ ହେଲା ଫିଲ୍ମ ସୁଟିଂ
'ଜିରୋ' ଫିଲ୍ମର ୪ ବର୍ଷ ପରେ, ବର୍ତ୍ତମାନ ଶାହାରୁଖ ଖାନ ପରଦାକୁ ଫେରିବାକୁ ଯାଉଛନ୍ତି । ତାଙ୍କୁ ଖୁବ୍ ଶୀଘ୍ର ଫିଲ୍ମ 'ପଠାନ'ରେ ଦେଖିବାକୁ ମିଳିବ । ଏହି ଫିଲ୍ମର ସୁଟିଂ ଭାରତରେ କରାଯାଇଛି ଓ ବର୍ତ୍ତମାନ ଏହା ଆରମ୍ଭ ହେବାକୁ ଥିବା ଆନ୍ତର୍ଜାତୀୟ କାର୍ଯ୍ୟସୂଚୀକୁ ସ୍ଥଗିତ ରଖାଯାଇଛି । ଫିଲ୍ମର ପରବର୍ତ୍ତୀ ଭାଗ ସ୍ପେନରେ ସୁଟିଂ ହେବାର ଥିଲା । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଏହି ଯୋଜନା କିଛି ଦିନ ପାଇଁ ସ୍ଥଗିତ ରଖାଯାଇଛି । ଏହାର କାରଣ ମଧ୍ୟ ତାଙ୍କ ପୁଅ ଆର୍ୟନଙ୍କୁ ହୋଇଥିବା ଜେଲ ବୋଲି ଜଣାପଡିଛି ।

ଏହା ବି ପଢ଼ନ୍ତୁ: ଅକ୍ଟୋବର ୧୦ ସୁଦ୍ଧା ଟିମ୍ ଇଣ୍ଡିଆର ଟି-୨୦ ବିଶ୍ୱକପ ଦଳରେ ହୋଇପାରେ ଏହି ବଡ଼ ପରିବର୍ତ୍ତନ

୭ ଅକ୍ଟୋବରରେ ପର୍ଯ୍ୟନ୍ତ ଜେଲରେ ରହିବେ ଆର୍ୟନ
ଡ୍ରଗ୍ସ ମାମଲାରେ ଆର୍ୟନ ଖାନ ଏନସିବିରେ କଷ୍ଟଡିରେ ଅଛନ୍ତି । ସେ ବର୍ତ୍ତମାନ ୭ ଅକ୍ଟୋବର ପର୍ଯ୍ୟନ୍ତ ଜେଲରେ ରହିବେ ।  ବର୍ତ୍ତମାନ ୭ ତାରିଖ ଦିନ ଜଣା ପଡ଼ିବ ଯେ ସେ ଜାମିନ ପାଇବେ କି ନାହିଁ । ଏଭଳି ପରିସ୍ଥିତିରେ ଶାହାରୁଖଙ୍କ ଅସୁବିଧା ଦେଖି ତାଙ୍କ ପ୍ରଡ୍ୟୁସରମାନେ ମଧ୍ୟ ତାଙ୍କୁ ସମର୍ଥନ କରୁଛନ୍ତି । ଖବର ମୁତାବକ, ୧୦ ଅକ୍ଟୋବରରେ ଫିଲ୍ମର ଷ୍ଟାର କାଷ୍ଟ ଓ ଟିମ୍ ସ୍ପେନରେ ଶାହାରୁଖ ଓ ଦୀପିକାଙ୍କ ଏକ ରୋମାଣ୍ଟିକ୍ ଗୀତ ଶୁଟିଂ ହେବାର ଥିଲା ।