close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

'ଆମକୁ ନା, ୟୁରୋପୀୟ ସାଂସଦଙ୍କୁ ହଁ'

ଜମ୍ମୁ କାଶ୍ମୀର ଗସ୍ତରେ ୟୁରୋପିଆନ ୟୁନିୟନର ୨୭ ସାଂସଦ ।  ଧାରା ୩୭୦ର ଉଚ୍ଛେଦ ପରେ ସ୍ଥିତି କିଭଳି ରହିଛି, ତାହା ଅତି ନିକଟରୁ ଅନୁଧ୍ୟାନ କରିବେ ଏହି ପ୍ରତିନିଧି ଦଳ । ଏମାନଙ୍କୁ କାଶ୍ମୀର ଯିବାକୁ ଭାରତ ସରକାର ଅନୁମତି ଦେଇଛନ୍ତି । ଯାହାକୁ ନେଇ ପ୍ରଶ୍ନ ଉଠାଇଛି କଂଗ୍ରେସ ।

'ଆମକୁ ନା, ୟୁରୋପୀୟ ସାଂସଦଙ୍କୁ ହଁ'
ଫାଇଲ ଫଟୋ

ନୂଆଦିଲ୍ଲୀ: ଆଜି ଜମ୍ମୁ କାଶ୍ମୀର ଗସ୍ତରେ ୟୁରୋପିଆନ ୟୁନିୟନର ୨୭ ସାଂସଦ ।  ଧାରା ୩୭୦ର ଉଚ୍ଛେଦ ପରେ ସ୍ଥିତି କିଭଳି ରହିଛି, ତାହା ଅତି ନିକଟରୁ ଅନୁଧ୍ୟାନ କରିବେ ଏହି ପ୍ରତିନିଧି ଦଳ । ଏମାନଙ୍କୁ କାଶ୍ମୀର ଯିବାକୁ ଭାରତ ସରକାର ଅନୁମତି ଦେଇଛନ୍ତି । ଯାହାକୁ ନେଇ ପ୍ରଶ୍ନ ଉଠାଇଛି କଂଗ୍ରେସ । ଆମ ଉପରେ ବ୍ୟାନ, ଅନ୍ୟପଟେ  ୟୁରୋପୀୟ ସାଂସଦଙ୍କୁ ସ୍ୱାଗତ କରାଯାଉଛି ବୋଲି କହିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । 

ବିଦେଶୀ ସାଂସଦଙ୍କୁ କାଶ୍ମୀର ଯିବାକୁ ଅନୁମତି ଦେବା ଦେଶର ସାର୍ବଭୌମତ୍ୱ ଉପରେ ଏକପ୍ରକାର ଆକ୍ରମଣ ବୋଲି ଅବିହିତ କରିଛି କଂଗ୍ରେସ । ଏହି ପ୍ରସଙ୍ଗରେ ସିଧାସଳଖ ମୋଦି ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ । କହିଛନ୍ତି, ଜମ୍ମୁ କାଶ୍ମୀର ଯିବାକୁ ଦେଶର ସାଂସଦଙ୍କ ଉପରେ ବ୍ୟାନ କରାଯାଇଛି । ହେଲେ ବିଦେଶୀ ସାଂସଦଙ୍କୁ ସ୍ୱାଗତ କରାଯାଉଛି । ସେହିପରି କାଶ୍ମୀର ମାମଲାରେ ଇୟୁ ସାଂସଦଙ୍କୁ ପଞ୍ଚ୍ କରାଯାଉଥିବା କହିଛନ୍ତି ବରିଷ୍ଠ କଂଗ୍ରେସ ନେତା ରଣଦୀପ ସିଂହ ସୁରଜେୱାଲା । 

ପୂର୍ବ ନିର୍ଦ୍ଧାରିତ କାର୍ଯ୍ୟସୂଚି ଅନୁସାରେ, ଆଜି ୨୭ ଯୁରୋପୀୟ ସାଂସଦ ଦିଲ୍ଲୀରୁ ଜମ୍ମୁ କାଶ୍ମୀର ଗସ୍ତ କରିବେ । ସକାଳ ୧୦.୧୫ରେ ଏୟାର ଇଣ୍ଡିଆ ବିମାନ ଯୋଗେ ଦିଲ୍ଲୀ ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରୁ ବାହାରିବେ । ୧୧.୧୫ରେ ଶ୍ରୀନଗରରେ ପହଞ୍ଚିବେ । ଗସ୍ତ ଅବସରରେ ଜମ୍ମୁ କାଶ୍ମୀରର ମୁଖ୍ୟ ଶାସନ ସଚିବ, ରାଜ୍ୟପାଳଙ୍କ ସମେତ ସାଧାରଣ ଲୋକଙ୍କୁ ସାକ୍ଷାତ କରିବେ ଏହି ପ୍ରତିନିଧି ମଣ୍ଡଳୀ । କାଶ୍ମୀର ସ୍ଥିତିକୁ ଅତି ପାଖରୁ ପରଖିବେ । ଜମ୍ମୁ କାଶ୍ମୀର ମୁଖ୍ୟ ଶାସନ ସଚିବ ରାତ୍ରି ଭୋଜନର ଆୟୋଜନ ମଧ୍ୟ କରିଛନ୍ତି । 

ସୋମବାର ଏହି ପ୍ରତିନିଧି ଦଳ ନୂଆଦିଲ୍ଲୀରେ ପହଞ୍ଚିଥିଲେ । କାଶ୍ମୀର ଗସ୍ତ ପୂର୍ବରୁ ପ୍ରଧାନମନ୍ତ୍ରୀ ମୋଦିଙ୍କ ସହ ୟୁରୋପିଆନ ପ୍ରତିନିଧି ଧାରା ୩୭୦ ଉଚ୍ଛେଦ ସମ୍ପର୍କରେ ଆଲୋଚନା କରିଥିଲେ ।  କାଶ୍ମୀରରେ ଆତଙ୍କବାଦର ବିନାଶ ପାଇଁ ଏପରି ପଦକ୍ଷେପ ନିଆଯିବା ସହ ଆଗକୁ ଆତଙ୍କବାଦ ସହ ମୁକାବିଲା କ୍ଷେତ୍ରରେ ଆନ୍ତର୍ଜାତିକ ସହଯୋଗ ଜରୁରୀ ବୋଲି ପ୍ରଧାନମନ୍ତ୍ରୀ ପ୍ରତିନିଧି ମଣ୍ଡଳୀକୁ କହିଛନ୍ତି । ଧାରା ୩୭୦ ଉଚ୍ଛେଦ ପରେ ପ୍ରଥମ ଥର ପାଇଁ ଜମ୍ମୁ କାଶ୍ମୀର ଆସୁଛନ୍ତି ଆନ୍ତର୍ଜାତିକ ଦଳ । ଭାରତରେ ଆତଙ୍କବାଦ ସ୍ଥିତି ପ୍ରସଙ୍ଗରେ ପ୍ରତିନିଧି ମଣ୍ଡଳୀଙ୍କୁ ଅବଗତ କରାଇଥିଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭୋଲ ।

ଅଗଷ୍ଟ ୫ରେ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ଏହା କୌଣସି ବିଦେଶୀ ପ୍ରତିନିଧି ମଣ୍ଡଳୀର ପ୍ରଥମ କାଶ୍ମୀର ଗସ୍ତ । ପ୍ରଧାନମନ୍ତ୍ରୀ ମୋଦିଙ୍କ ସହ ୟୁରୋପିଆନ ପ୍ରତିନିଧିଙ୍କ ଆଲୋଚନା ବିଶ୍ୱକୁ ଭାରତ ସମ୍ପର୍କରେ ନୂଆ ସନ୍ଦେଶ ଦେବାରେ ସମର୍ଥ ହୋଇପାରିବ ବୋଲି କୁଟନୈତିକ ବିଶେଷଜ୍ଞ ପ୍ରକାଶ କରିଛନ୍ତି । ବିଦେଶରେ ଏବେ ବି ଭାରତ ସମ୍ପର୍କରେ ଅନେକ ଭୁଲ ପ୍ରଚାର କରାଯାଉଛି । ମୋଦିଙ୍କ ସହ ୟୁରୋପିଆନ ପ୍ରତିନିଧିଙ୍କ ଆଲୋଚନା ବିଦେଶୀଙ୍କ ସନ୍ଦେହ ଦୂର କରିବାରେ ସଫଳ ହେବ ବୋଲି ଆଶା କରାଯାଉଛି ।