BJP ବିଧାୟକଙ୍କ ବିବାଦୀୟ ବୟାନ; Taj Mahal ହେଉ Ram Mahal

ଲକ୍ଷ୍ନୌ: ପୁଣି ଥରେ ବିବାଦୀୟ ବୟାନ ଦେଇ ଚର୍ଚ୍ଚାର ପରିସରକୁ ଆସିଛନ୍ତି ଉତ୍ତର ପ୍ରଦେଶର କ୍ଷମତାସୀନ ଶାସକ ବିଜେପି ବିଧାୟକ ସୁରେନ୍ଦ୍ର ସିଂହ। ଏଥର ସେ ତାଜମହଲ ପ୍ରସଙ୍ଗରେ ରଖିଥିବା ବୟାୟକୁ ନେଇ ଚର୍ଚ୍ଚା ଜୋରଧରିଛି। 

ବିଶ୍ୱର ଏହି ପ୍ରମୁଖ ପର୍ଯ୍ୟଟନସ୍ଥଳ ଉପରେ ପ୍ରତିକ୍ରିୟା ରଖି ବିଜେପି ବିଧାୟକ (BJP MLA) ସୁରେନ୍ଦ୍ର ସିଂହ (Surendra Singh) କହିଛନ୍ତି ଯେଉଁସ୍ଥାନରେ ତାଜମହଲ ପ୍ରତିଷ୍ଠା ହୋଇଛି ସେଠାରେ ପ୍ରଥମେ ଏକ ଶିବ ମନ୍ଦିର ରହିଥିଲା। ଚାହାକୁ ଧ୍ୱଂସ କରାଯିବା ପରେ ଏହାକୁ ନିର୍ମାଣ କରାଯାଇଛି। ଏହାର ନାମ ପରିବର୍ତ୍ତନ କରି ରାମହଲ କରାଯାଉ।  

ବିଧାୟକ ସୁରେନ୍ଦ୍ର ସିଂହ କହିଛନ୍ତି ଯେଉଁସ୍ଥାନରେ ତାଜମହଲ ରହିଛି ସେଠାରେ ପୂର୍ବରୁ ଏକ ଶିବମନ୍ଦିର ରହିଥିଲା। ତାହାକୁ ମୋଗଲ ଶାସନକାଳରେ ଭାଙ୍ଗି ଦିଆଯାଇଥିଲା। ଏହାର ନାଁ ପରିବର୍ତ୍ତନ କରି ରାମ ମହଲ ରଖିବାକୁ ଉତ୍ତର ପ୍ରଦେଶରେ କ୍ଷମତାସୀନ ବିଜେପି ସରକାରଙ୍କ ଆଗରେ ଦାବି ରଖିଛନ୍ତି ଦଳୀୟ ବିଧାୟକ। 

ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ହିନ୍ଦୁ ସମ୍ରାଟ ଶିବାଜୀଙ୍କ ବଂଶଧର। ଶିବାଜୀଙ୍କ ବଂଶଧର ଉତ୍ତରପ୍ରଦେଶ ମାଟିକୁ ଆସିଛନ୍ତି। ଯେପରି ସମର୍ଥ ଗୁରୁ ରାମଦାସ ଭାରତକୁ ଶିବାଜୀଙ୍କୁ ଦେଇଛନ୍ତି, ସେହିପରି ଗୋରଖନାଥ ଜୀ ଯୋଗୀ ଆଦିତ୍ୟନାଥଙ୍କୁ ଉତ୍ତରପ୍ରଦେଶ ଦେଇଛନ୍ତି।

ଭାରତୀୟ ଜାତୀୟତା ବିରୋଧି ମାନସିକତା ଥିବା ଲୋକଙ୍କୁ ବିଜେପି ସରକାରରେ କୌଣସି ପ୍ରାଥମିକତା ଦିଆଯିବ ନାହିଁ। ଯେଉଁମାନେ କେବଳ ଭାରତ ଏବଂ ଭାରତୀୟତାର ଗୌରବ ପ୍ରଚାର କରିବେ ସେମାନେ ଏଠାକାର ନେତା ହୋଇପାରିବେ। ବିଧାୟକ ସୁରେନ୍ଦ୍ର ସିଂ ତାଙ୍କର ଏପରି ଅନେକ ବିବୃତ୍ତି ପାଇଁ ଚର୍ଚ୍ଚାରେ ରହିସାରିଛନ୍ତି। ଗତ ବର୍ଷ ହାଥରସ ଠାରେ ଜଣେ ନାବାଳିକାକୁ ଗଣଦୁଷ୍କର୍ମ  ଘଟଣା ଉପରେ ପ୍ରତିକ୍ରିୟ ରଖି ସେ କହିଥିଲେ ଝିଅଙ୍କୁ 'ସଂସ୍କାର ଶିଖାଯାଏ ତାହେଲେ ବଳାତ୍କାର ବନ୍ଦ ହୋଇପାରିବ।