'ନେତାଙ୍କ ଜବାନୀ ଯୋଗୁ ବୁଢୀ ହୋଇଗଲା କଂଗ୍ରେସ'

ଭୋପାଳ: ଗତ ସୋମବାର ଆନ୍ତର୍ଜାତୀୟ ମହିଳା ଦିବସ ଉପଲକ୍ଷେ ଦଳ ପକ୍ଷରୁ ଆୟୋଜିତ ହୋଇଥିବା ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେବା ଅବସରରେ କଂଗ୍ରେସ ନେତା କମଲନାଥ ଦେଇଥିବା ବୟାନକୁ ନେଇ ଏବେ ଜୋରସୋରରେ ଚର୍ଚ୍ଚା ଚାଲିଛି। ଏ ପ୍ରସଙ୍ଗରେ ଜବାବ ରଖିଛନ୍ତି ବିରୋଧି ବିଜେପି ନେତା।  

ମହିଳା ଦିବସ ଉପଲକ୍ଷେ ଦଳ ପକ୍ଷରୁ ଆୟୋଜିତ ହୋଇଥିବା ଏକ କାର୍ଯ୍ୟକ୍ରମରେ ଯୋଗ ଦେଇ ପୂର୍ବତନ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ (Former MP Chief Minister) କଂଗ୍ରେସ ନେତା କମଲନାଥ ଦଳର ଜାତୀୟ ପ୍ରବକ୍ତା ଅଳକା ଲମ୍ବା ଉଦ୍ଦେଶ୍ୟରେ କହିଥିଲେ, "ଯେତେବେଳେ ୧୮ ବର୍ଷର ହୋଇଥିଲେ ମୁ ତାଙ୍କୁ ଜାଣିଥିଲି। ସମୟକୁ କେହି ରୋକିପାରିବି ନାହିଁ, ଆଜି ତାଙ୍କର ଆଉ ମୋର ବୟସ ବଢିଯାଇଛି। ହେଲେ ଏହା ଭାବ ନାହିଁ ଯେ ଯୌବନ ଚାଲିଯାଇଛି, କାରଣ ଆଜି ମଧ୍ୟ ମୁଁ ଯୁବକ ରହିଛି। " 

ଏହି ବରିଷ୍ଠ କଂଗ୍ରେସ ନେତାଙ୍କ ବୟାନକୁ ନେଇ ଏବେ ଚର୍ଚ୍ଚା ଜୋର ଧରିଛି। ଏ ପ୍ରସଙ୍ଗରେ ଜବାବ ଦେଇ ବିଜେପି ନେତା ତଥା ମଧ୍ୟ ପ୍ରଦେଶ ଗୃହମନ୍ତ୍ରୀ ଡକ୍ଟର ନରୋତ୍ତମ ମିଶ୍ରା କହିଛନ୍ତି, "କମଲନାଥ ନିଜକୁ ବାରମ୍ବାର ଯୁବକ ବୋଲି କହୁଛନ୍ତି, ହେଲେ କଂଗ୍ରେସ ନେତାଙ୍କ ଯୁବ ସୁଲଭତା ଯୋଗୁଁ ତାଙ୍କ ଦଳ ବୁଢୀ ହୋଇଗଲାଣି। "'  

ଏହା ସହିତ ମଧ୍ୟ ପ୍ରଦେଶ ଗୃହମନ୍ତ୍ରୀ କଂଗ୍ରେସ ନେତାଙ୍କ ଉଦ୍ଦେଶ୍ୟରେ କଟାକ୍ଷ କରି କହିଛନ୍ତି କମଲନାଥ ବାରମ୍ବାର ନିଜକୁ ନିଜ ଯୁବକ ଭାବେ ଦର୍ଶାଉଛନ୍ତି। ହେଲେ ତାଙ୍କ ଭଳି ବରିଷ୍ଠ ନେତାଙ୍କ କାରଣରୁ କଂଗ୍ରେସ ଦଳ ବୁଢୀ ହୋଇଗଲାଣି।