Bhubaneswar News: ଆଇଜ୍ବାଲ ଚିଡ଼ିଆଖାନାରୁ ନନ୍ଦନକାନନ ଆସିବେ ନୂଆ ଅତିଥି

Bhubaneswar: ଭୁବନେଶ୍ବର ପ୍ରାଣୀ ଉଦ୍ୟାନ ନନ୍ଦନକାନନ ଓ ଆଇଜ୍ବାଲ ପ୍ରାଣୀ ଉଦ୍ୟାନ (Aizawl zoological Park) ମଧ୍ଯରେ ଜନ୍ତୁ ଅଦଳବଦଳ କାର୍ଯ୍ୟକ୍ରମର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇଛି । ଗତ ମାର୍ଚ୍ଚ ମାସରେ ଆଇଜ୍ବାଲ ପ୍ରାଣୀ ଉଦ୍ୟାନ ନନ୍ଦନକାନନରୁ ଗୋଟିଏ ଯୋଡ଼ା ବାଘ ନେଇଥିଲା ।

Bhubaneswar News: ନନ୍ଦନକାନନକୁ (Nandanakan Zoo) ନେଇ ଆସିଲା ଆଉ ଏକ ଖୁସି ଖବର । ପ୍ରାଣୀ ଉଦ୍ୟାନକୁ ଆସିବେ ନୂଆ ଅତିଥି । ହୁଲକ୍ ଗିବନ୍ ଓ ପିଗ ଟେଲ ମକ୍କା ସହ ହିମାଳୟାନ ବିୟର ନନ୍ଦନକାନନ ଆସିବା ନେଇ ସୂଚନା ମିଳିଛି । ଏଥିପାଇଁ ମିଜୋରାମ ଅଭିମୁଖେ ବାହାରିଛନ୍ତି ୬ ଜଣିଆ ଟିମ୍ । ସୂଚନା ଅନୁଯାୟୀ, ଭୁବନେଶ୍ବର ପ୍ରାଣୀ ଉଦ୍ୟାନ ନନ୍ଦନକାନନ ଓ ଆଇଜ୍ବାଲ ପ୍ରାଣୀ ଉଦ୍ୟାନ (Aizawl zoological Park) ମଧ୍ଯରେ ଜନ୍ତୁ ଅଦଳବଦଳ କାର୍ଯ୍ୟକ୍ରମର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇଛି । ଗତ ମାର୍ଚ୍ଚ ମାସରେ ଆଇଜ୍ବାଲ ପ୍ରାଣୀ ଉଦ୍ୟାନ ନନ୍ଦନକାନନରୁ ଗୋଟିଏ ଯୋଡ଼ା ବାଘ ନେଇଥିଲା । ଯାହା ବଦଳରେ ଆଇଜ୍ବାଲ ପ୍ରାଣୀ ଉଦ୍ୟାନ ନନ୍ଦନକାନନକୁ ଗୋଟିଏ ଯୁଗଳ ହୁଲକ୍ ଗିବନ୍, ଗୋଟେ ଯୁଗଳ ଘୁଷୁରୀ ଲାଞ୍ଜ ମାକେକ୍ ଓ ଏକ ନମ୍ବର ଓଗ୍ ମହିଳା ହିମାଳୟ ବ୍ଲାକ୍ ଭାଲୁ ଦେବେ ନେଇ କାର୍ଯ୍ୟକ୍ରମ ରହିଛି । ଏଥିଲାଗି ୬ ଜଣ ବିଶିଷ୍ଟ ଏକ ଟିମ୍ ଏସିଏଫ୍ ଡଃ ସୁଦୀପ୍ତ କୁମାର ପଣ୍ତାଙ୍କ ନେତୃତ୍ବରେ ମିଜୋରାମ ଅଭିମୁଖେ ବାହାରିଥିବା ଜଣାପଡି଼ଛି । ଏହା ପୂର୍ବରୁ ନନ୍ଦନକାନନକୁ ହୁଲକ୍ ଗିବନ୍ ମାଙ୍କଡ଼ ଓ ଚିତା ବିରାଡି଼ ଆସିଥିଲେ । ଏହାଛଡ଼ା ଦୁଇଟି ମହାବଳ ବାଘ ଓ ଘଡିଆଳ କୁମ୍ଭୀର ଇଟାନଗର ଯାଇଥିଲେ ତା ବଦଳରେ ଗିବନ ମାଙ୍କଡ଼ ଓ ଚିତା ବିରାଡ଼ି ନନ୍ଦନକାନନ ଆସିଥିଲେ ।

ପ୍ରକାଶ ଥାଉ କି,  ନିକଟରେ ସଂନ୍ଧ୍ୟା ୫ଟାରୁ ବନ୍ଦ ହେଉଥିବା ନନ୍ଦନକାନନ ଏଣିକି ରାତିସାରା ପର୍ଯ୍ୟଟକଙ୍କ ପାଇଁ ଖୋଲା ରହିବ (Nandanakan Zoo likely to allow night visit) ନେଇ ସୂଚନା ମିଳିଥିଲା । କେବଳ ଏତିକି ନୁହେଁ,  ଏଣିକି ନନ୍ଦନକାନନ ଚିଡିଆଖାନା ସମ୍ପର୍କିତ ସୋ ମଧ୍ୟ ଦେଖିବାର ସୁଯୋଗ ପାଇବେ ଦର୍ଶକ । ଏହାସହ ଜୀବଜନ୍ତୁଙ୍କ ଏନକ୍ଲୋଜର (Animal enclosure) ବୁଲିବା ସହ ଅନ୍ୟାନ୍ୟ ବ୍ୟବସ୍ଥା ମଧ୍ୟ ପର୍ଯ୍ୟଟକଙ୍କ ପାଇଁ କରାଯିବ । ଏନେଇ ସେଣ୍ଟ୍ରାଲ ଜୁ ଅଥୋରିଟିକୁ (Central Zoo Authority (CZA))ମାଷ୍ଟର ପ୍ଲାନ୍ ଦେଇଛି ବନ ବିଭାଗ ।  ଯଦି ଏହି ମାଷ୍ଟର ପ୍ଲାନରେ ମୋହର ଲାଗେ ତେବେ, ପର୍ଯ୍ୟଟକମାନେ ରାତିରେ ନନ୍ଦନକାନନ ବୁଲିବାର ମଜା ନେବା ସହ ସେଠାରେ ରାତ୍ରିଯାପନ ମଧ୍ୟ କରିପାରିବେ।