EPFOରୁ ଟଙ୍କା ଉଠାଣ ପାଇଁ ସରକାର ବଦଳାଇଲେ ନିୟମ, ଲାଭବାନ ହେବେ କୋଟି କୋଟି ଉପଭୋକ୍ତା

EPFO: ନୂଆଦିଲ୍ଲୀ: ପେନସନ ଉପଭୋକ୍ତାଙ୍କ ପାଇଁ ଏକ ବଡ଼ ଖୁସି ଖବର ଅଛି। କର୍ମଚାରୀଙ୍କ ପେନ୍ସନ୍ ସ୍କିମ୍ (ଇପିଏସ୍) ୧୯୯୫ ଅଧୀନରେ ଥିବା ଉପଭୋକ୍ତାଙ୍କୁ ୨୦୨୫ ଜାନୁଆରୀ ୧ରୁ ଭାରତର ଯେକୌଣସି ବ୍ୟାଙ୍କ କିମ୍ବା ଏହାର ଶାଖାରୁ ପେନସନ ନେଇପାରିବେ। କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ଏହି ସେବା ପାଇଁ କେନ୍ଦ୍ରୀୟ ପେନ୍ସନ୍ ପେମେଣ୍ଟ ସିଷ୍ଟମ (ସିପିପିଏସ୍) କୁ ଅନୁମୋଦନ କରିଛି। 

କଣ ଏହି ସେଣ୍ଟ୍ରାଲାଇଜଡ୍ ପେନ୍ସନ୍ ପେମେଣ୍ଟ ସିଷ୍ଟମ୍ 
ସିପିପିଏସ୍ ହେଉଛି ଏକ ଜାତୀୟ ସ୍ତରୀୟ ବ୍ୟବସ୍ଥା ଯାହା ପେନସନଭୋଗୀମାନଙ୍କୁ ଭାରତର ଯେକୌଣସି ବ୍ୟାଙ୍କ କିମ୍ବା ଶାଖାରୁ ପେନସନ ସଂଗ୍ରହ ପାଇଁ ସେବା ଯୋଗାଇଥାଏ। EPFO ର ସେଣ୍ଟ୍ରାଲାଇଜଡ୍ ଆଇଟି ସକ୍ଷମ ସିଷ୍ଟମ୍ (CITES 2.01) ଅଧୀନରେ ଏହି ସିଷ୍ଟମ୍ ଲଞ୍ଚ କରାଯାଇଛି। ଏହାର ଲାଭ ୭୮ ଲକ୍ଷରୁ ଊର୍ଦ୍ଧ୍ୱ ଉପଭୋକ୍ତାଙ୍କୁ ମିଳିବ। ଏହି ସେବା ବିଶେଷ କରି ସେହି ମାନଙ୍କୁ ମିଳିବ ଯେଉଁମାନେ ଅବସର ଗ୍ରହଣ ପରେ ନିଜର ଘର କିମ୍ବା କର୍ମସଂସ୍ଥାନ ଥିବା ସ୍ଥାନରୁ ଅନ୍ୟତ୍ର ଯାଇଥାଆନ୍ତି। 

ପିପିଓ ଟ୍ରାନ୍ସଫରର ଆବଶ୍ୟକତା ପଡିବନାହିଁ
ଏହି ପ୍ରଣାଳୀ ଲାଗୁ ହେବା ପରେ ପେନସନ ଉପଭୋକ୍ତାଙ୍କୁ ଯଦି ବି କୌଣସି କାରଣରୁ ବ୍ରାଞ୍ଚ କିମ୍ବା ବ୍ୟାଙ୍କରେ ପରିବର୍ତ୍ତନ ବି କରାଯାଏ ତଥାପି ପିପିଏଫ ଆକାଉଣ୍ଟ ଟ୍ରାନସଫର କରିବାର ଆବଶ୍ୟକ ପଡିବ ନାହିଁ। 

କେବେଠାରୁ ଲାଗୁ ହେବ ଏହି ନିୟମ
ଏହି ନୂଆ ନିୟମ ନୂଆ ବର୍ଷ ଠାରୁ ହିଁ ଲାଗୁ କରିଦିଆଯାଇଛି। ଅର୍ଥାତ ଜାନୁଆରୀ ୧ ତାରିଖରୁ ହିଁ ଏହି ନିୟମ ଲାଗୁ କରାଯାଇଛି। 

ଇପିଏଫଓର ବଡ଼ ପଦକ୍ଷେପ
କେନ୍ଦ୍ର ଶ୍ରମ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିଆ କହିଛନ୍ତି ଯେ ଇପିଏଫଓ ଆଧୁନିକୀକରଣ ଦିଗରେ ସିପିପିଏସର ଅନୁମୋଦନ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହା ପେନସନଭୋଗୀଙ୍କ ସମସ୍ୟାର ସମାଧାନ କରିବ ଏବଂ ପେନସନ ବଣ୍ଟନକୁ ସହଜ ଏବଂ ପ୍ରଭାବଶାଳୀ କରିବ। EPFOକୁ ଏକ ବୈଷୟିକ ଦକ୍ଷ ଏବଂ ପ୍ରତିକ୍ରିୟାଶୀଳ ସଂଗଠନ କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପ୍ରଗତି ବୋଲି ସେ କହିଛନ୍ତି।

ଇପିଏଫରେ ଯୋଗଦାନ
ଉଭୟ କର୍ମଚାରୀ ଏବଂ ନିଯୁକ୍ତିଦାତା EPS ରେ ସହଯୋଗ କରନ୍ତି। କର୍ମଚାରୀମାନେ ସେମାନଙ୍କର ମୂଳ ବେତନ, ମହଙ୍ଗା ଭତ୍ତା ଏବଂ EPFରେ ଭତ୍ତା ବଜାୟ ରଖିବାର ୧୨ ପ୍ରତିଶତ ଜମା କରନ୍ତି। ନିଯୁକ୍ତିଦାତାମାନେ ମଧ୍ୟ ୧୨ ପ୍ରତିଶତ ଯୋଗଦାନ କରନ୍ତି, ଯେଉଁଥିରୁ ୮.୩୩ ପ୍ରତିଶତ ଇପିଏସ୍ ଏବଂ ୩.୬୭ ପ୍ରତିଶତ ଇପିଏଫକୁ ଯାଇଥାଏ। କେବଳ ସେହି ସଦସ୍ୟ, ଯାହାର ମାସିକ ମୂଳ ଦରମା ୧୫ ହଜାରରୁ ଅଧିକ ନୁହେଁ, ସେମାନେ EPS ଯୋଜନାର ଲାଭ ପାଇପାରିବେ। EPFO ର ଆଧୁନିକୀକରଣ ଦିଗରେ, ଆଧାର ଆଧାରିତ ପେମେଣ୍ଟ ସିଷ୍ଟମ (ABPS) CPPS ପରେ ଆରମ୍ଭ ହେବ।