ದಿವಂಗತ ನಟ ಡಾ. ಪುನೀತ್‌ ರಾಜ್‌ಕುಮಾರ್‌ ಅಭಿಮಾನಿಯೊಬ್ಬರಿಗೆ ನೀಡಿದ್ದ ಜಾಕೆಟ್‌ನ್ನು ಪ್ರವಾಸೋದ್ಯಮ ಸಚಿವ ಆನಂದ್ ಸಿಂಗ್ ಪುತ್ರ ಸಿದ್ದಾರ್ಥ್‌ ಸಿಂಗ್ ಫ್ರೇಮ್ ಹಾಕಿಸಿ ತಮ್ಮ ಕಚೇರಿಯಲ್ಲಿ ಇಟ್ಟುಕೊಂಡಿದ್ದಾರೆ.
ಅಪ್ಪು ತೊಟ್ಟು ಅಭಿಮಾನಿಗೆ ಕೊಟ್ಟಿದ್ದ ಜಾಕೆಟ್‌ಗೆ ಫ್ರೇಮ್ ಹಾಕಿಸಿಟ್ಟ ಪ್ರವಾಸೋದ್ಯಮ ಸಚಿವ ಆನಂದ್ ಸಿಂಗ್ ಪುತ್ರ ಸಿದ್ದಾರ್ಥ್‌ ಸಿಂಗ್
ಹೊಸಪೇಟೆಗೆ ಪುನೀತ್‌ ರಾಜ್‌ಕುಮಾರ್‌ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಅಭಿಮಾನಿ ಕಿಚಡಿ ವಿಶ್ವನಿಗೆ ಈ ಜಾಕೆಟ್‌ನ್ನು ನೀಡಿದ್ದರು. ಕಿಚಡಿ ವಿಶ್ವ ದೊಡ್ಮನೆ ಹುಡ್ಗನ ಪ್ರೀತಿಗೆ ಫಿದಾ ಆಗಿದ್ದ.
ಇದೀಗ ಸಚಿವ ಆನಂದ್ ಸಿಂಗ್ ಪುತ್ರ ಸಿದ್ಧಾರ್ಥ್ ಆ ಜಾಕೆಟ್‌ ಪಡೆದುಕೊಂಡು ಫ್ರೇಮ್ ಹಾಕಿಸಿ ಕಚೇರಿಯಲ್ಲಿ ಇಟ್ಟಿದ್ದಾರೆ.
ಕಿಚಡಿ ವಿಶ್ವನಿಗೆ ಕೊಟ್ಟ ಜಾಕೆಟ್‌ನ್ನು ಸಿದ್ಧಾರ್ಥ್ ಸಿಂಗ್‌ಗೆ ನೀಡಲಾಗಿತ್ತು. ಹೀಗಾಗಿ ಪ್ರೀತಿಯ ನಟನ ಮೇಲಿರುವ ಅಭಿಮಾನವನ್ನು ಹೀಗೆ ತೋರ್ಪಡಿಸಿದ್ದಾರೆ.
ಅಪ್ಪು ಅಗಲಿ ದಿನಗಳು ಉರುಳುತ್ತಿದ್ದರೂ ಸಹ ಅಭಿಮಾನಿಗಳ ಪಾಲಿಗೆ ಅವರು ಮರೆಯಲಾಗದ ಮಾಣಿಕ್ಯದಂತಿದ್ದಾರೆ.
