Google Search ಬಂದ್ ಮಾಡುವುದಾಗಿ ಬೆದರಿಕೆ ಹಾಕಿದ Google

Google Search Operation Shut - ನವದೆಹಲಿ: ಇಂಟರ್ನೆಟ್ ದೈತ್ಯ ಗೂಗಲ್ ತನ್ನ ಸರ್ಚ್ ಎಂಜಿನ್ ಸೇವೆಯನ್ನು ಸ್ಥಗಿತಗೊಳಿಸುವುದಾಗಿ ಬೆದರಿಕೆ ಹಾಕಿದೆ. ಈ ಸೇವೆಯ ಮೇಲೆ ಹೆಚ್ಚಿನ ಒತ್ತಡ ಹೇರಿದರೆ ಸರ್ಚ್ ಇಂಜಿನ್ ಸೇವೆಯನ್ನು ಸ್ಥಗಿತಗೊಳಿಸಲಾಗುವುದು ಎಂದು ಕಂಪನಿ ಹೇಳಿದೆ. ಆಸ್ಟ್ರೇಲಿಯಾದಲ್ಲಿ ಮಿಡಿಯಾ ಕಂಪನಿಗಳಿಗೆ ಪೇಮೆಂಟ್ ನೀಡಲು ನೂತನ ಕಾನೂನು ಜಾರಿಗೊಳಿಸಲಾಗುತ್ತಿದೆ.  ಟೆಕ್ ದಿಗ್ಗಜ ಕಂಪನಿ ಈ ಹೊಸ ಕಾನೂನಿಗೆ ತನ್ನ ಆಕ್ಷೇಪ ವ್ಯಕ್ತಪಡಿಸಿದೆ.

ಪ್ರಕರಣ ಏನು?
ನಮ್ಮ ಪಾಲುದಾರ ವೆಬ್ ಸೈಟ್ wionews.com ನಲ್ಲಿ ಪ್ರಕಟಗೊಂಡ ವರದಿಯ ಪ್ರಕಾರ ಈ ಸುದ್ದಿ ಆಸ್ಟ್ರೇಲಿಯಾದಿಂದ ಹೊರಬಂದಿದೆ. ಅಲ್ಲಿನ ಸರ್ಕಾರ ಮಾಧ್ಯಮಗಳ ಹಿತರಕ್ಷಣೆಗಾಗಿ ಈ ಕಾನೂನನ್ನು ಜಾರಿಗೆ ತ್ತರುತ್ತಿದೆ. ಈ ನಿಯಮದ ಅಡಿ ಯಾವುದೇ ಸಾಮಾಜಿಕ ಮಾಧ್ಯಮ ಕಂಪನಿ ಅಥವಾ ಇಂಟರ್ನೆಟ್ ಕಂಪನಿ ಮಾಧ್ಯಮ ಕಂಪನಿಗಳ ಆರ್ಟಿಕಲ್ ಅಥವಾ ಕಂಟೆಂಟ್ ಬಳಕೆ ಮಾಡಿದರೆ, ಆ ಕಂಪನಿ ಕಂಟೆಂಟ್ ಗಾಗಿ ಹಣ ಪಾವತಿಸಬೇಕು ಎನ್ನಲಾಗಿದೆ.

ಇದನ್ನು ಓದಿ- GMAIL ನ ಈ Top Secret Feature ಗಳು ನಿಮಗೂ ಗೊತ್ತಿರಲಿಕ್ಕಿಲ್ಲ

ಆಸ್ಟ್ರೇಲಿಯಾ ಸರ್ಕಾರದ ಈ ಹೊಸ ಕಾನೂನಿಗೆ ಅಮೇರಿಕಾದ ಟೆಕ್ ದೈತ್ಯ ಗೂಗಲ್ (Google) ವಿರೋಧ ವ್ಯಕ್ತಪಡಿಸಿದೆ ಎನ್ನಲಾಗಿದೆ. ಅಷ್ಟೇ ಅಲ್ಲ ಈ ಹೊಸ ಕಾನೂನನ್ನು ಬದಲಾಯಿಸದೆ ಹೋದಲ್ಲಿ ಆಸ್ಟ್ರೆಲಿಯಾದಲ್ಲಿ ಸರ್ಚ್ ಇಂಜಿನ್ ಸೇವೆಯನ್ನು ಸ್ಥಗಿತಗೊಳಿಸುವುದಾಗಿ ಕಂಪನಿ ಬೆದರಿಕೆ ಹಾಕಿದೆ. ಅಷ್ಟೇ ಅಲ್ಲ ಒಂದು ವೇಳೆ ಸರ್ಚ್ ಮಾಡುವ ವೇಳೆ ಮಾಧ್ಯಮಗಳ ವರದಿಗಳು ಪ್ರಕಟಗೊಂಡರೆ, ಆ ವರದಿಗಳಿಗೆ ಹಣ ಪಾವತಿಸಲಾಗುವುದಿಲ್ಲ ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ಇದನ್ನು ಓದಿ- Whatsapp ಬಳಕೆದಾರರೇ ಎಚ್ಚರ..! google searchನಲ್ಲಿ ಲೀಕ್ ಆಗಿದೆ ವಾಟ್ಸ್ಆ್ಯಪ್ ಗ್ರೂಪ್ ಲಿಂಕ್

ಯಾವುದೇ ಅಡೆತಡೆ ಇಲ್ಲದೆ ವೆಬ್ ಸೈಟ್ ಗಳನ್ನು ಸರ್ಚ್ ಇಂಜಿನ್ ಗೆ ಜೋಡಿಸುವುದು  ಸರ್ಚ್ ಇಂಜಿನ್ ನ ಮೂಲಭೂತ ಕಾರ್ಯವಾಗಿದೆ. ಸರ್ಚ್ ಇಂಜಿನ್ ನಲ್ಲಿ ಆರ್ಥಿಕವಾಗಿ ಕಂಟೆಂಟ್ ಹಾಗೂ ಆರ್ಟಿಕಲ್ ಗಳನ್ನು ಜೋಡಿಸುವ ಕಾನೂನು ರೂಪಗೊಂಡರೆ, ಗೂಗಲ್ ಬಳಿ ಸರ್ಚ್ ಇಂಜಿನ್ ಅನ್ನು ಸ್ಥಗಿತಗೊಳಿಸುವ ಹೊರತು ಬೇರೆ ದಾರಿಯೇ ಉಳಿಯುವದಿಲ್ಲ ಎಂದು ಗೂಗಲ್ ಎಂಡಿ ಮೇಲ್ ಸಿಲ್ವಾ ಹೇಳಿದ್ದಾರೆ.