മൈക്ക് പോംപെയോ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി
പ്രധാനമന്ത്രിയുമായുള്ള കൂടിക്കാഴ്ചയ്ക്ക് ശേഷം അദ്ദേഹം ദേശീയ ഉപദേഷ്ടാവ് അജിത് ഡോവലുമായും, വിദേശകാര്യമന്ത്രി എസ്.ജയശങ്കരുമായും കൂടിക്കാഴ്ച നടത്തി.
ന്യൂഡല്ഹി: അമേരിക്കന് വിദേശകാര്യ സെക്രട്ടറി മൈക്ക് പോംപെയോ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. മൂന്ന് ദിവസത്തെ സന്ദര്ശനത്തിനായി ഇന്നലെ രാത്രിയിലാണ് മൈക്ക് പോംപെയോ ഇന്ത്യയിലെത്തിയത്.
ഇന്ത്യ-അമേരിക്ക ബന്ധത്തിലെ പലകാര്യങ്ങളും ഇരുവരും തമ്മില് ചര്ച്ച ചെയ്തെന്ന് വിദേശകാര്യ വക്താവ് രവീഷ് കുമാര് അറിയിച്ചു. ജപ്പാനില് ജി 20 ഉച്ചകോടിയില് ട്രംപും നരേന്ദ്രമോദിയും കൂടിക്കാഴ്ച നടത്തുന്നുണ്ട്. ഇതിനു മുന്നോടിയായാണ് മൈക്ക് പോംപെയോ ഇന്ത്യയിലെത്തി പ്രധാനമന്ത്രിയെ കണ്ടത്.
പ്രധാനമന്ത്രിയുമായുള്ള കൂടിക്കാഴ്ചയ്ക്ക് ശേഷം അദ്ദേഹം ദേശീയ ഉപദേഷ്ടാവ് അജിത് ഡോവലുമായും, വിദേശകാര്യമന്ത്രി എസ്.ജയശങ്കരുമായും കൂടിക്കാഴ്ച നടത്തി.