ജഗതി പഴയതുപോലെ തിരിച്ചുവന്നേക്കാം... സന്തോഷ വാര്‍ത്തയുമായി ഡോക്ടര്‍മാര്‍

മലയാളത്തിന്‍റെ പ്രിയഹാസ്യ താരം ജഗതി ശ്രീകുമാര്‍ പഴയത് പോലെ തിരിച്ചെത്തിയേക്കാമെന്ന് ഡോക്ടര്‍മാര്‍. സ്വകാര്യ ചാനലിനു നല്‍കിയ അഭിമുഖത്തില്‍ ജഗതിയുടെ മകന്‍ രാജ്കുമാറാണ് ഇക്കാര്യം അറിയിച്ചത്. 

ഒരത്ഭുതം സംഭവിച്ചേക്കാമെന്നും പപ്പാ പഴയത് പോലെ പെട്ടന്ന് ഒരു ദിവസം മടങ്ങിയെത്താനുള്ള സാധ്യതയുണ്ടെന്നും ഡോക്ടര്‍മാര്‍ പറഞ്ഞതായി രാജ്കുമാര്‍ പറഞ്ഞു. ആഴ്ചയില്‍ ഒരിക്കല്‍ ഡോക്ടര്‍ വിളിക്കുമെന്നും നല്ല ലക്ഷണങ്ങളാണ് അദ്ദേഹം കാണിക്കുന്നതെന്നും അദ്ദേഹം പറഞ്ഞു. 

വളരെ പതുക്കെയാണെങ്കിലും അദ്ദേഹം ആരോഗ്യം വീണ്ടെടുക്കുകയാണെന്നും മുന്‍പത്തെക്കാള്‍ പ്രസരിപ്പുണ്ടെന്നും രാജ്കുമാര്‍ അറിയിച്ചു. സന്തോഷം ആണെങ്കിലും സങ്കടമാണെങ്കിലും പപ്പാ അത് പരമാവധി പ്രകടിപ്പിക്കുന്നുണ്ടെന്നും രാജ്കുമാര്‍ പറഞ്ഞു.വീണ്ടും ക്യാമറയ്ക്ക് മുന്നില്‍ തിരിച്ചെത്താന്‍ കഴിഞ്ഞതിന്റെ സന്തോഷ൦ അദ്ദേഹത്തിനുണ്ടെന്നും അദ്ദേഹം കൂട്ടിച്ചേര്‍ത്തു.