ഒരബദ്ധം ആര്‍ക്കും പറ്റാം, വിരാട് കോഹ്ലിയെ നോക്കൂ...
ചെയ്തു..., ചെയ്തില്ല..., എട്ടിന്‍റെ പണി കിട്ടുന്നതില്‍നിന്നും തലനാരിഴയ്ക്ക് രക്ഷപെട്ടു RCB നായകന്‍ വിരാട് കോഹ്ലി...!!
Dubai: ചെയ്തു..., ചെയ്തില്ല..., എട്ടിന്‍റെ പണി കിട്ടുന്നതില്‍നിന്നും തലനാരിഴയ്ക്ക് രക്ഷപെട്ടു RCB നായകന്‍ വിരാട് കോഹ്ലി...!!
കഴിഞ്ഞ ദിവസം നടന്ന ഡൽഹി ക്യാപിറ്റൽസിനെതിരായ മത്സരത്തിനിടെ RCB നായകൻ വിരാട് കോഹ്ലിക്ക് (Virat Kohli) പണി കിട്ടിയേനെ...
കോവിഡ് മാനദണ്ഡങ്ങൾ വളരെ കര്‍ശനമായി പാലിച്ചാണ് യുഎഇയിൽ IPL നടക്കുന്നത്. മാര്‍ഗ്ഗ നിര്‍ദ്ദേശങ്ങളില്‍ മുഖ്യമായതാണ് ഫീൽഡിൽ കളിക്കാർ പന്തിൽ ഉമിനീര് പുരട്ടരുതെന്നുള്ളത്.
രാജസ്ഥാൻ റോയൽസ് താരം റോബിൻ ഉത്തപ്പ ഈ നിയമം അബദ്ധത്തിൽ ലംഘിച്ചിരുന്നു. കൊൽക്കത്തക്കെതിരായ മത്സരത്തിലായിരുന്നു ഉത്തപ്പ ഈ നിയമം ലംഘിച്ചത്. ഇപ്പോഴിതാ RCB നായകൻ വിരാട് കോഹ്ലിയ്ക്കും അതേ അബദ്ധം പിണഞ്ഞു.
എന്നാല്‍, പന്തിൽ ഉമിനീര് പുരട്ടാൻ തുടങ്ങിയ കോഹ്ലി പെട്ടെന്ന്തന്നെ തനിക്ക് പറ്റിയ അബദ്ധം മനസിലാക്കി കൈ പിൻവലിച്ചു.
ഡൽഹി ക്യാപിറ്റൽസിനെതിരായ മത്സരത്തിനിടെയാണ് സംഭവം. നവദീപ് സെയ്നിയുടെ പന്ത് ഡ്രൈവ് ചെയ്ത പൃഥ്വി ഷായുടെ ഷോട്ട് കവറിൽ ഫീൽഡ് ചെയ്യുകയായിരുന്ന കോഹ്ലിയുടെ കയ്യിലേക്ക്. പന്ത് കയ്യിലെടുത്ത് ബോളർക്ക് എറിഞ്ഞ് കൊടുക്കുന്നതിന് മുൻപാണ് കോഹ്ലിക്ക് അബദ്ധം സംഭവിച്ചത്. ഏതായാലും തൊട്ടടുത്ത സെക്കൻറിൽ തന്നെ കോഹ്ലി ആ ശ്രമത്തിൽ നിന്ന് പിന്തിരിഞ്ഞു.
എന്നാല്‍, അബദ്ധത്തെക്കാളേറെ വിരാട് കോഹ്ലിയുടെ മുഖഭാവവും ജാള്യത മറച്ചുള്ള ചിരിയുമാണ് ആരാധകര്‍ക്ക് പ്രിയമായത്.
Also read: IPL 2020: MI vs RR, മുന്‍ ചാമ്പ്യന്മാരെ പിടിച്ചുകെട്ടാന്‍ രാജസ്ഥാന്‍ റോയല്‍സ്
വിരാട് കോഹ്ലിയുടെ ആ സമയത്തെ മുഖഭാവം വിലമതിക്കാനാവാത്തത് ആയിരുന്നുവെന്നാണ് ക്രിക്കറ്റ് ഇതിഹാസം സച്ചിൻ തെണ്ടുൽക്കർ പ്രതികരിച്ചത്. ട്വിറ്ററിലാണ് സച്ചിന്‍റെ പ്രതികരണം. 'Million Dollar Reaction’ എന്നായിരുന്നു അദ്ദേഹത്തിന്‍റെ പ്രതികരണം. കോഹ്ലിയുടെ മുഖഭാവത്തെപ്പറ്റി പറഞ്ഞ സച്ചിൻ ഇതൊക്കെ സ്വാഭാവികമായി സംഭവിക്കുന്നതാണെന്നും കൂട്ടിച്ചേർത്തു.
വിരാട് കോഹ്ലിയുടെ Presence of Mindനെ അഭിനന്ദിച്ച ആരാധകരും കുറവല്ല ......