OnePlus 9 series മാർച്ച് 23ന് പുറത്തിറങ്ങും; പ്രതിക്ഷിക്കാവുന്ന സവിശേഷതകൾ എന്തൊക്കെ?

New Delhi: One Plus 9 series മാർച്ച് 23ന് ലോകത്തിന് മുമ്പാകെ അവതരിപ്പിക്കും. ചൈനീസ് (Chinese) കമ്പനിയായ വൺ പ്ലസ് പ്രസ് റിലീസിലൂടെയാണ് ഈ വിവരം അറിയിച്ചത്. ഈസ്റ്റേൺ ടൈം രാവിലെ 10 മണിക്കാണ് ഓൺലൈനിലൂടെ ഫോൺ അവതരിപ്പിക്കുന്നത്. പരിപാടിയുടെ ഇന്ത്യൻ സമയം രാത്രി 8.30 ആണ്. വൺ പ്ലസിന്റെ ഔദ്യോഗിക സാമൂഹ്യ മാധ്യമ ചാനലുകൾ വഴിയും ഔദ്യോഗിക യൂട്യൂബ് (Youtube) പേജ് വഴിയും ലോഞ്ചിങ് പരിപാടി സംപ്രേക്ഷണം ചെയ്യും.

ആളുകൾ 2021ൽ ആകാംഷയോടെ കാത്തിരിക്കുന്ന ഫോണുകളിൽ ഒന്നാണ് വൺ പ്ലസിന്റെ 9 സീരീസ്. OnePlus 9, OnePlus 9 Pro എന്നീ ഫോണുകളാണ് ഈ ഫോൺ സീരിസിൽ ഉള്ളത്. ഈ രണ്ട് ഫോണുകളിലും ക്വാൽകോം സ്നാപ്പ്ഡ്രാഗൺ 888 പ്രോസസറാണ് (Processor) ഉപയോഗിച്ചിട്ടുള്ളത്. ആമസോണിൽ മാത്രമായിരുക്കും ഈ ഫോൺ വില്പനയ്ക്ക് എത്താൻ സാധ്യത. ആമസോണിന്റെ വെബ്‌സൈറ്റിൽ ഫോണിന്റെ ടീസർ (Teaser) കമ്പനി നൽകിയിരുന്നു. ഫോൺ ഇന്ത്യയിൽ അവതരിപ്പിക്കുമെന്നും റിപ്പോർട്ടുകൾ സൂചിപ്പിക്കുന്നുണ്ട്.

വൺപ്ലസ് ക്യാമറ നിർമ്മാതാക്കളായ ഹസ്സെൽബ്ലഡ് കമ്പനിയുമായി പാർട്ണർഷിപ്പ് ആരംഭിച്ചിട്ടുണ്ട്. ഇനിവരുന്ന വൺപ്ലസ് ഫോണുകളുടെ നിർമ്മാണം ഹസ്സെൽബ്ലഡ് കമ്പനി തന്നെ നിർവഹിക്കാനാണ് സാധ്യത. വൺപ്ലസ് 9 സീരിസിൽ സോണി IMX789 സെൻസറായിരിക്കും ഉപയോഗിക്കുകയെന്ന് നേരത്തെ അറിയിച്ചിരുന്നു. അതിനാൽ തന്നെ ക്യാമറയായിരിക്കും (Camera) വൺപ്ലസ് സീരിസിന്റെ ഏറ്റവും വലിയ പ്രത്യേകത എന്നാണ് പ്രതീക്ഷിക്കുന്നത്.

OnePlus 9, OnePlus 9 Proയും കൂടാതെ OnePlus 9E കൂടി മാർച്ച് 23ന് അവതരിപ്പിക്കുമെന്ന് പ്രതീക്ഷിക്കുന്നുണ്ട്. കൂട്ടത്തിൽ ഏറ്റവും കൂടിയ ഫോൺ OnePlus 9 Pro ആയിരിക്കുമെന്നും റീപോർട്ടുകൾ സൂചിപ്പിക്കുന്നുണ്ട്. കൂട്ടത്തിൽ ഏറ്റവും വിലകുറഞ്ഞ ഫോൺ OnePlus 9E ആയിരിക്കുമെന്ന് പ്രതീക്ഷിക്കുന്നുണ്ട്. OnePlus 9, OnePlus 9 Pro എന്നീ ഫോണുകളിൽ ക്വാൽകോം സ്നാപ്പ്ഡ്രാഗൺ 888 പ്രോസസർ ഉപയോഗിക്കുമ്പോൾ OnePlus 9E, OnePlus 9R ഫോണുകളിൽ മിഡ് ടയർ സ്നാപ്ഡ്രാഗൺ 690 SoC ഉപയോഗിക്കാനാണ് സാധ്യത.

OnePlus 9, OnePlus 9 Pro എന്നീ ഫോണുകളിൽ ഫ്ലൂയിഡ് AMOLED ഡിസ്‌പ്ലേയോടൊപ്പം (Display) 120 Hz റിഫ്രഷ് റേറ്റാണുള്ളത്. ഫോണുകളിൽ 5g സപ്പോർട്ടും 12 ജിബി റാമും, 256 ജിബി സ്റ്റോറേജും ഉണ്ടാകുമെന്നാണ് പ്രതീക്ഷിക്കുന്നത്. വൺപ്ലസ് 8 സീരിസിനെക്കാൾ കൂടുതൽ നല്ല കാമറകളും 65W ഫാസ്റ്റ് ചാർജിങ്ങുമാണ് ഫോണിന്റെ മറ്റ് പ്രത്യേകതകൾ. OnePlus 9ന് മൂന്ന് റിയർ ക്യാമറകളും OnePlus 9 Proയിൽ നാല് റിയർ ക്യാമറകളുമാണ് പ്രതീക്ഷിക്കുന്നത്. OnePlus 9Eയിലും OnePlus 9Rലും 5000 mAh ബാറ്ററിയും (Battery) 90 Hz റിഫ്രഷ് റേറ്റുമായിരിക്കും ഉണ്ടായിരിക്കുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy