Petrol, Diesel Prices: விலை இனி உயராது என அமைச்சர் அறிவிப்பு, இன்றைய விலை நிலவரம்

நாட்டில் பெட்ரோல் டீசல் விலை அதிகரித்துக் கொண்டிருப்பதற்கு மத்தியில், மத்திய அமைச்சர் தர்மேந்திர பிரதான் ஞாயிற்றுக்கிழமை, பெட்ரோலிய ஏற்றுமதி நாடுகளின் அமைப்பு (OPEC) கச்சா எண்ணெய் உற்பத்தியை உயர்த்துவதாக சமீபத்தில் எடுத்துள்ள முடிவுக்குப் பிறகு பெட்ரோல் மற்றும் டீசல் விலைகளில் ஒரு நிலைத்தன்மை வரும் என மதிப்பிட்டுள்ளார்.

அமெரிக்க அதிபர் தேர்தல்கள் மற்றும் வேறு சில நாடுகளின் உள் பிரச்சினைகள் காரணமாக, சர்வதேச சந்தையில் கச்சா எண்ணெயின் விலை கடந்த காலங்களில் அதிகரித்ததாக பிரதான் கூறுகிறார்.

OPEC உற்பத்தியை அதிகரிக்கும்

பெட்ரோலிய அமைச்சர் கூறுகையில், “ஒவ்வொரு நாளும் ஐந்து லட்சம் பீப்பாய்கள் கச்சா எண்ணெய் உற்பத்தியை அதிகரிக்கப் போவதாக OPEC இரண்டு நாட்களுக்கு முன்பே முடிவு செய்துள்ளது. இதன் மூலம் நாம் பயனடைவோம். இதற்குப் பிறகு பெட்ரோல்-டீசல் விலை நிலையானதாக இருக்கும் என்று மதிப்பிடப் பட்டுள்ளது. சர்வதேச சந்தையில் கச்சா எண்ணெய் விலைகள் உயரும்போது, ​​இந்தியாவிலும் விலைகள் அதிகரிக்கும்.” என்று கூறினார்.

நகர்ப்புறங்களில் 5,000 ஆலைகள் அமைக்கப்பட உள்ளன

மத்திய அமைச்சர் கூறுகையில், "எண்ணெய் சந்தைப்படுத்தல் நிறுவனங்கள் ஒரு கிலோவுக்கு ரூ .46 என்ற விகிதத்தில் நீண்ட காலத்திற்கு CBG வாங்க உத்தரவாதம் அளிக்கின்றன. ஈரமான கழிவுகளிலிருந்து சிபிஜி உருவாக்குவது நாடு முழுவதும் ஒரு வெற்றிகரமான நிறுவன மாதிரியாக இருக்கும்." என்றார்.

நாட்டின் நகர்ப்புறங்களில் 5,000 சிபிஜிக்கு பெட்ரோலிய மற்றும் இயற்கை எரிவாயு அமைச்சகம் ஒப்புதல் அளித்துள்ளது என்று அவர் தெரிவித்தார்.

பெட்ரோல் மற்றும் இயற்கை எரிவாயு அமைச்சகம் நாட்டின் நகர்ப்புற பகுதிகளில் 5,000 CBG மாடல்களை அமைக்க திட்டமிட்டுள்ளது. கிராமப்புறங்களில் உள்ள உதிரி மாவு மற்றும் பிற விவசாய கழிவுகளிலிருந்து CBG உருவாக்கும் வாய்ப்பும் உள்ளது.

இன்று பெருநகரங்களில் பெட்ரோல் மற்றும் டீசலின் விலை என்ன?

இந்தியன் ஆயிலின் (Indian Oil) வலைத்தள புதுப்பிப்பு தகவல்களின்படி, இன்றைய அதிகரிப்புக்குப் பிறகு, இன்று சென்னையில் (Chennai) பெட்ரோல் விலை லிட்டருக்கு 86.51 ஆக இருக்கிறது. டீசலின் விலை (Diesel-Price) ரூபாய் 79.21-ஐ எட்டியுள்ளது. தேசிய தலைநகர் டெல்லியில் திங்கள்கிழமை பெட்ரோல் விலை லிட்டருக்கு ரூ .83.71 ஐ எட்டியுள்ளது. டீசல் விலை ரூ .73.83 ஆக உயர்த்தப்பட்டுள்ளது.

இதேபோல், இன்று வர்த்தக தலைநகர் மும்பையில் பெட்ரோல் விலை லிட்டருக்கு ரூ .90 ஐ தாண்டியுள்ளது. இங்கே டீசலின் புதிய விலை லிட்டருக்கு ரூ .80.51 ஐ எட்டியுள்ளது.

இன்று கொல்கத்தாவில் பெட்ரோல் விலை (Petrol Price) ரூ .85.19 ஆக உள்ளது. கொல்கத்தாவில் இன்று டீசலின் விலை லிட்டருக்கு 77.44 ரூபாயாகும். 

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR