முதலீடு செய்ய சூப்பர் ஆஃப்ஷன்! டாப் 5 இன்டெக்ஸ் மியூச்சுவல் ஃபண்டுகள்

மும்பை: முதலீட்டாளர்களுக்கு குறைந்த ஆபத்துள்ளதாகவும், நல்ல லாபம் கொடுக்கும் முதலீடுகளுக்கு, மியூச்சுவல் ஃபண்டுகள் ஒரு நல்ல முதலீட்டுத் தேர்வாக உருவெடுத்துள்ளன. இவை குறைந்த செலவின விகிதத்துடன் வருகின்றன மற்றும் அவற்றின் பல்வகைப்படுத்தல் ஒருவரின் முதலீட்டு போர்ட்ஃபோலியோவுடன் தொடர்புடைய அபாயத்தைக் குறைக்கிறது. மியூச்சுவல் ஃபண்டுகள் கடந்த பத்தாண்டுகளில் நல்ல முதலீட்டுத் தேர்வாக உருவெடுத்துள்ளன. எவ்வளவு நல்ல வருமானத்தை வழங்கினாலும், பரஸ்பர நிதிகள் எப்போதும் சந்தை அபாயத்திற்கு உட்பட்டவை என்பதையும் மறந்துவிடக்கூடாது.

சிறப்பாகச் செயல்படும் மியூச்சுவல் ஃபண்ட், அதன் பணத்தை முதலீடு செய்துள்ள நிறுவனங்கள் மோசமாகத் தொடங்கினால் லாபம் குறையக்கூடும். எனவே, குறைந்த ரிஸ்க், நல்ல லாபம் எதிர்பார்க்கும் முதலீட்டாளர்களுக்கு, இண்டெக்ஸ் நிதிகள் ( index mutual funds) ஒரு நல்ல முதலீட்டுத் தேர்வாக உருவெடுத்துள்ளன.

 index mutual funds என்று பெயர் குறிப்பிடுவது போல, குறியீட்டு பரஸ்பர நிதிகள் அவை பின்பற்றும் சந்தை குறியீடுகளை பிரதிபலிக்கின்றன. ஒரு இன்டெக்ஸ் மியூச்சுவல் ஃபண்ட், நிஃப்டி 50 பெஞ்ச்மார்க்கை பிரதிபலித்தால், அது தனது பணத்தை நிஃப்டி 50 நிறுவனங்களில் முதலீடு செய்யும்.

எனவே, இன்டெக்ஸ் மியூச்சுவல் ஃபண்ட் வழங்கும் வருமானம் நிஃப்டி50 பெஞ்ச்மார்க்கின் செயல்திறனைக் காட்டிலும் ஒரே மாதிரியாகவோ அல்லது சற்று வித்தியாசமாகவோ இருக்கும்.

என்எஸ்இ நிஃப்டி மற்றும் பிஎஸ்இ சென்செக்ஸ் ஆகியவை குறியீட்டு மியூச்சுவல் ஃபண்ட் முதலீடுகளுக்கான மிகவும் பிரபலமான குறியீடுகள்.

இன்டெக்ஸ் மியூச்சுவல் ஃபண்ட் முதலீடுகளின் நன்மைகள்:
பன்முகப்படுத்தப்பட்டவை என்பதால், அவை உங்கள் போர்ட்ஃபோலியோவுடன் தொடர்புடைய அபாயத்தைக் குறைக்கின்றன.
குறைந்த செலவின விகிதத்தைக் கொண்டுள்ளதால் நீண்ட காலத்திற்கு உங்கள் முதலீட்டில் நீங்கள் பெறும் வருமானத்தை இது சேர்க்கிறது.

முக்கிய குறியீடுகளில் உள்ள பெரும்பாலான நிறுவனங்கள் பெரிய சந்தை மூலதனம் மற்றும் நிலையான செயல்திறனைக் கொண்டிருப்பதால், குறியீட்டு மியூச்சுவல் ஃபண்டுகளும் மிகப் பெரிய அளவில் நிலையான நிதிகளாகும். கடந்த மூன்று ஆண்டுகளில் சிறந்த வருவாயைக் கொடுத்த இன்டெக்ஸ் மியூச்சுவல் ஃபண்டுகளின் செயல்திறனைப் பற்றி தெரிந்துக் கொள்ளுங்கள்.

மோதிலால் ஓஸ்வால் நிஃப்டி ஸ்மால்கேப் 250 இன்டெக்ஸ் ஃபண்ட் (Motilal Oswal Nifty Smallcap 250 Index Fund)
மூன்று ஆண்டுகளில் 35.08 சதவீத வருடாந்திர வருமானத்துடன், மோதிலால் ஓஸ்வால் நிஃப்டி ஸ்மால்கேப் 250 இன்டெக்ஸ் ஃபண்ட் டைரக்ட் - வளர்ச்சி (Motilal Oswal Nifty Smallcap 250 Index Fund Direct - Growth) குறியீட்டு மியூச்சுவல் ஃபண்டுகளின் பட்டியலில் முதலிடத்தில் உள்ளது. அதே காலகட்டத்தில் இது சராசரியான 34.84 சதவீதத்தை விட சிறப்பாக செயல்பட்டது.

நேரடித் திட்டத்தின் வளர்ச்சி விருப்பத்திற்கான நிகர சொத்து மதிப்பு (NAV) நவம்பர் 17 அன்று ரூ. 28.93 ஆக இருந்தது, அதே சமயம் அக்டோபர் 31 அன்று நேரடித் திட்டத்தில் செலவு விகிதம் 0.36 சதவீதமாக இருந்தது. ஃபண்டிற்கு தேவையான குறைந்தபட்ச முதலீடு ரூ. 500. மாதம் ரூ. 10,000 எஸ்ஐபி செலுத்தினால், மூன்றாண்டு காலத்தில் ரூ.5.40 லட்சத்தைத் திருப்பித் தந்தது.

நிப்பான் இந்தியா நிஃப்டி ஸ்மால்கேப் 250 இன்டெக்ஸ் ஃபண்ட் Nippon India Nifty Smallcap 250 Index Fund Direct - Growth)
இந்த ஸ்மால்-கேப் ஃபண்ட் மூன்று ஆண்டுகளில் 35.03 சதவீத வருடாந்திர வருமானத்துடன் பட்டியலில் இரண்டாவது இடத்தில் உள்ளது. வளர்ச்சி விருப்பத்தின் கீழ் அதன் நேரடி திட்டத்திற்கான NAV அளவு நவம்பர் 17 அன்று ரூ.25.86 ஆக இருந்தது.

ரூ.799.23 கோடி AUM கொண்ட இந்த ஃபண்ட், அதன் நேரடித் திட்டத்தின் கீழ் அக்டோபர் 31ஆம் தேதியின்படி 0.32 சதவீத செலவு விகிதத்தைக் கொண்டிருந்தது. குறைந்தபட்ச முதலீடு, குறைந்தபட்ச  SIP முதலீடு  ரூ.100 ஆகும்.

ஒவ்வொரு மாதமும் எஸ்ஐபியில் ரூ.10,000 முதலீடு செய்தவர்களுக்கு, மூன்று ஆண்டுகளில் ரூ.5.40 லட்சம் வருமானம் கொடுத்தது என்பது குறிப்பிடத்தக்கது.

மோதிலால் ஓஸ்வால் நிஃப்டி மிட்கேப் 150 இன்டெக்ஸ் ஃபண்ட் நேரடி - வளர்ச்சி (Motilal Oswal Nifty Midcap 150 Index Fund Direct - Growth)

இந்த மிட் கேப் இன்டெக்ஸ் ஃபண்ட் கடந்த மூன்று ஆண்டுகளில் 30.54 சதவீத வருமானத்தை அளித்துள்ளது. நவம்பர் 17ஆம் தேதி நிலவரப்படி ரூ.1111.99 கோடி நிதியின் அளவுடன், அதன் நேரடித் திட்டத்தின் வளர்ச்சி விருப்பத்துக்காக ரூ.27.97 என்ஏவி அளவைக் கொண்டிருந்தது.

அக்டோபர் 31 இல் அதன் நேரடித் திட்டத்திற்கான செலவு விகிதம் 0.3 சதவீதமாக இருந்தது. குறைந்தபட்ச முதலீடு, குறைந்தபட்ச SIP முதலீடு ரூ. 500 ஆகும். ஒவ்வொரு மாதமும் எஸ்ஐபியில் ரூ.10,000 முதலீடு செய்திருந்தால் அது ரூ.5.24 லட்சமாக அதிகரித்திருக்கிருக்கும்.

டிஎஸ்பி நிஃப்டி 50 சம எடை குறியீட்டு நிதி நேரடி - வளர்ச்சி (DSP Nifty 50 Equal Weight Index Fund Direct - Growth)
லார்ஜ் கேப் இன்டெக்ஸ் ஃபண்ட் மூன்று வருட காலப்பகுதியில் 23.62 சதவீத வருடாந்திர வருமானத்தை அளித்துள்ளது.நவம்பர் 17 ஆம் தேதியன்று ஃபண்டின் AUM ரூ. 834.45 கோடியாகவும், நேரடித் திட்டத்திற்கான என்ஏவி அளவு நவம்பர் 17 அன்று ரூ.19.86 ஆகவும் இருந்தது.

ஃபண்டின் நேரடித் திட்டம் 0.4 சதவீத செலவு விகிதத்தைக் கொண்டுள்ளது. திட்டத்திற்கான குறைந்தபட்ச முதலீடு, குறைந்தபட்ச கூடுதல் முதலீடு மற்றும் குறைந்தபட்ச SIP முதலீடு ரூ.100 ஆகும்.

மூன்று ஆண்டுகளுக்கு முன்பு ஒருவர் மாதந்தோறும் ரூ.10,000 எஸ்ஐபியில் முதலீடு செய்ய ஆரம்பித்திருந்தால், தற்போது அதன் மதிப்பு ரூ.4.68 லட்சம் ஆக உயர்ந்திருக்கும்.

சுந்தரம் நிஃப்டி 100 ஈக்வல் வெயிட் ஃபண்ட் நேரடி- வளர்ச்சி (Sundaram Nifty 100 Equal Weight Fund Direct- Growth)
இந்த குறியீட்டு நிதி கடந்த மூன்று ஆண்டுகளில் 19.91 சதவீத வருடாந்திர வருமானத்தை அளித்துள்ளது.

இந்த நிதி ரூ. 65.55 கோடி AUM ஐக் கொண்டிருந்தது, மேலும் அதன் வளர்ச்சித் திட்டத்தின் நேரடி விருப்பத்திற்கான NAV அளவு நவம்பர் 17 இல் ரூ.132.93 ஆக இருந்தது. நிதியின் நேரடித் திட்டமானது அக்டோபர் 31ஆம் தேதியின்படி 0.57 சதவீத செலவு விகிதத்தைக் கொண்டிருந்தது.

திட்டத்திற்கான குறைந்தபட்ச முதலீடு, குறைந்தபட்ச கூடுதல் முதலீடு மற்றும் குறைந்தபட்ச SIP முதலீடு ஒவ்வொன்றும் ரூ.100 ஆகும். மூன்று ஆண்டுகளுக்கு மாதம் ரூ.10,000 என்ற எஸ்ஐபி முதலீடு உங்களுக்கு ரூ.4.44 லட்சம் கிடைத்திருக்கும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!