கொய்யாவில் கொட்டிக் கிடக்கும் நன்மைகள்..! மாத்திரைக்கு NO சொல்லுங்க..!
ஆரோக்கிய சிக்கலுக்கு ஆரம்ப புள்ளியாக இருக்கும் வயிற்றை சுத்தமாக வைத்துக் கொண்டாலே பெரும்பாலான நோய்களில் இருந்து தப்பித்துக் கொள்ளலாம். அந்தவகையில் வயிற்றை இயற்கையாக சுத்தம் செய்யும் கொய்யாவில் கொட்டிக்கிடக்கும் நன்மைகளை தெரிந்து கொள்வோம்.
தவறான உணவுப் பழக்கம், செயலற்ற வாழ்க்கை முறை, மன அழுத்தம் போன்றவற்றால் வயிறு தொடர்பான பிரச்சனைகள் அதிகரித்து வருகின்றன. இதனால் வயிற்றை சுத்தமாக வைத்துக் கொள்ள நாம் எடுக்கும் முயற்சி பலன் கொடுக்கவிலை என்றால், உடனடியாக கொய்யாபழத்தின் மீது உங்கள் பார்வையை திருப்புங்கள். வயிறு சிக்கலுக்கு கொய்யா தீர்வு கொடுக்கும்.
ஊட்டச்சத்து
ஊட்டச்சத்து நிறைந்த கொய்யாவில் பொட்டாசியம், கார்போஹைட்ரேட், நார்ச்சத்து மற்றும் புரதம் உள்ளது. இது தவிர, கொய்யாவில் வைட்டமின் சி, வைட்டமின் பி6 ஆகியவையும் கொட்டிக்கிடக்கின்றன. இவை அனைத்துக்கும் மேலாக உடல் ஆரோக்கியத்தில் முக்கிய பங்கு வகிக்கும், கால்சியம், இரும்பு மற்றும் மெக்னீசியம் சத்துகளும் உள்ளன.
ALSO READ | Healthy Vegetable: தோல் பிரச்சனைகளுக்கு ஏற்ற காய் அது என்ன காய்?
1. வயிற்று வலி
கொய்யாவை சரியான முறையில் சாப்பிட்டு வந்தால், வயிற்று வலிக்கு நிவாரணம் கிடைக்கும். கொய்யாவை மென்று சாப்பிடுங்கள், ஆனால் அதன் விதைகளை மென்று சாப்பிடுவதை தவிர்க்கவும். இது உங்கள் வயிற்று வலி பிரச்சனையை அதிகரிக்கலாம்.
2. மலச்சிக்கல்
மலச்சிக்கலை போக்க கொய்யா மிகவும் பயனுள்ளதாக இருக்கிறது. கொய்யாவில் போதுமான அளவு நார்ச்சத்து உள்ளது. இது குடல் இயக்கத்தை எளிதாக்குகிறது. செரிமானத்தை மேம்படுத்தவும் உதவுகிறது.
3. பைல்ஸூக்கு தீர்வு
பைல்ஸை குணப்படுத்த, மலச்சிக்கலை குணப்படுத்துவது அவசியம். அதனால், கொய்யா சாப்பிடுவதை பழக்கப்படுத்திக் கொள்ளுங்கள். பழுத்த கொய்யாவை சாப்பிடுவதால் மலச்சிக்கலுக்கான தீர்வு உடனே கிடைக்கும். இதன் மூலம் பைல்ஸ் பிரச்சனையில் இருந்து நிவாரணம் கிடைக்கவும் வாய்ப்புள்ளது.
ALSO READ | Red Wine Vs Corona Virus: ஒயின் பிரியர்களுக்கு ஓர் நற்செய்தி!
4. வாயு மற்றும் அமிலத்தன்மை சிக்கல்
கொய்யாப்பழம் சாப்பிடுவதால் வாயு மற்றும் அமிலத்தன்மை பிரச்சனையில் இருந்து நிவாரணம் கிடைக்கும். உடலில் தேங்கியிருக்கும் வாயுவையும் வெளியேற்றும். வயிறு உப்புசம் உள்ளிட்ட பிரச்சனைகளுக்கும் இதன் மூலம் தீர்வு கிடைக்கும்
கொய்யாவின் பலன்கள் இவை என்பதால், வயிறு சார்ந்த பிரச்சனைகளுக்கு நிரந்தர தீர்வாக இதனைக் கருதக்கூடாது.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR