7th Pay Commission: ஊழியர்களின் சம்பளத்தில் 28% டி.ஏ வந்தது, உங்களுக்கு கிடைத்ததா?

7th Pay Commission Latest News: மத்திய அரசு ஊழியர்களின் அகவிலைப்படியை ஜூலை 1 முதல் 28% ஆக அரசு உயர்த்தியுள்ளது. சில ஊடக அறிக்கைகளின் படி, டி.ஏ உயர்வால் அதிகரித்த சம்பளம் மத்திய அரசு ஊழியர்களுக்கு வழங்கப்பட்டுள்ளது. ஜூலை மாத சம்பளத்துடன், 28 சதவிகித அகவிலைப்படியும் வந்துள்ளது.

கடந்த 18 மாதங்களாக அகவிலைப்படியில் இருந்த முடக்கத்தை மத்திய அரசு சமீபத்தில் நீக்கியது. ஜூலை 1 முதல் டி.ஏ முடக்கம் நீக்கப்பட்டது. ஜூலை 14 -ம் தேதி நடைபெற்ற அமைச்சரவைக் கூட்டத்தில் இந்த முடிவு குறித்து அறிவிக்கப்பட்டது.

HRA பரிசும் கிடைத்தது

மத்திய அரசு ஊழியர்களுக்கு HRA-வின் பயனும் அகவிலைப்படியுடன் கிடைத்துள்ளது. HRA தொகை அவர்களின் நகரத்தின் அடிப்படையில் வழங்கப்படுகிறது. உத்தரவின் படி, நகரங்கள் மூன்று வகைகளாகப் பிரிக்கப்பட்டுள்ளன. அவை X, Y, Z என பெயரிடப்பட்டுள்ளன. X நகரத்தில் வசிக்கும் மத்திய அரசு ஊழியருக்கு 27% வீட்டு வாடகை கொடுப்பனவு (HRA), Y க்கு 18% மற்றும் Z க்கு 9% வழங்கப்பட்டுள்ளது. எச்ஆர்ஏவின் நன்மை சேவையில் இருக்கும் ஊழியர்களுக்கு மட்டுமே கிடைக்கும் என்பது குறிப்பிடத்தக்கது. ஓய்வு பெற்ற ஊழியர்களுக்கு இந்த சலுகை வழங்கப்படவில்லை.

அகவிலைப்படியின் மொத்தம் மூன்று தவணைகள் வழங்கப்பட்டுள்ளன. அகவிலைப்படி 11% உயர்த்தப்பட்டுள்ளது. அடிப்படை சம்பளத்தில் டிஏ கணக்கிடப்படுகிறது. ஒருவரின் சம்பளம் 20000 ரூபாய் என்றால், அவருடைய சம்பளம் 11%, அதாவது 2200 ரூபாய் அதிகரிக்கும்.

மத்திய அரசு ஊழியர்களின் சம்பளம் அதிகரித்தது

சம்பளம் எவ்வளவு அதிகரிக்கும்? இந்த கணக்கீட்டை புரிந்து கொள்ளுங்கள்!!

7 வது ஊதிய மேட்ரிக்ஸின் படி, அதிகாரி கிரேடில் உள்ள ஊழியர்களுக்கு ஊதியத்தில் ஒரு பம்பர் அதிகரிப்பு இருக்கும். உதாரணமாக, ஒருவரின் அடிப்படை சம்பளம் தற்போது ரூ. 31,550 என வைத்துக்கொள்வோம். அவரது சம்பள கணக்கீடு இவ்வாறு இருக்கும்:

அடிப்படை சம்பளம் - ரூ. 31,550 

புதிய அகவிலைப்படி (28%) - ரூ .8834/மாதம் 

பழைய அகவிலைப்படி (17%) - ரூ .5364/மாதம் 

மொத்த அதிகரிப்பு - 8834-5364 = ரூபாய் 3490 / மாதம் 

வருடாந்திர அகவிலைப்படி அதிகரிப்பு - 3490 X12 = ரூ 41880

குறிப்பு- மேலே அளிக்கப்பட்டுள்ள கணக்கீடு அகவிலைப்படி அதிகரித்த  (DA Hike) பிறகு ஊழியர்களின் (Central Government Employees) சம்பளம் எவ்வளவு அதிகரிக்கும் என்ற அளவீடு மட்டுமே ஆகும். எச்.ஆர்.ஏ உள்ளிட்ட பிற கொடுப்பனவுகளைச் சேர்த்த பின்னரே இறுதி சம்பளம் எவ்வளவு இருக்கும் என்ற கணக்கீடு வரும்.

அகவிலைப்படி இன்னும் 3 சதவீதம் அதிகரிக்க உள்ளது

ஜூன் 2021 க்கான அகவிலைப்படி (Dearness Allowance) இன்னும் முடிவு செய்யப்படவில்லை. ஆனால், 2021 ஜனவரி முதல் மே வரையிலான AICPI தரவுகளிலிருந்து 3% அகவிலைப்படி மேலும் அதிகரிக்கும் என்று தெரிகிறது. ஜூன் மாதத்தில், AICPI எண்ணிக்கை 121 புள்ளிகளைக் கடந்தது. JCM செயலாளர் (ஊழியர் பக்கம்) ஷிவ் கோபால் மிஸ்ராவின் கூற்றுப்படி, இதன் விவரம் விரைவில் அறிவிக்கப்பட உள்ளது. எனினும், இது எப்போது செலுத்தப்படும் என்பது இன்னும் முடிவு செய்யப்படவில்லை. 3 சதவிகிதம் அதிகரித்த பிறகு, அகவிலைப்படி 31 சதவீதத்தை எட்டும். அதைத் தொடர்ந்து ஊழியர்களின் சம்பளம் மீண்டும் ஒரு முறை அதிகரிக்கும் என்பது உறுதி.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR