Best Electric Scooters: பெட்ரோல் விலை உங்களை பாடாய் படுத்தி வருகிறதா? இதற்கு ஒரு மாற்று இல்லையா என சிந்தித்துக்கொண்டு இருக்கிறீர்களா? நாட்டில் பலரது எண்ணம் இதுவாகத்தான் உள்ளது.


COMMERCIAL BREAK
SCROLL TO CONTINUE READING

நாட்டில் பல இடங்களில் ஒரு லிட்டர் பெட்ரோல் 100 ரூபாய்க்கு விற்கப்படுகின்றது. பெட்ரோல் டீசல் விலையில் தினமும் ஏற்படும் விலை அதிகரிப்பால், பலரும் மின்சார வாகனங்கள் பக்கம் கவனம் செலுத்தி வருகிறார்கள். உங்களுக்கும் மின்சார வாகனங்களில் ஆர்வம் உள்ளதென்றால், இந்த பதிவு உங்களுக்கு உதவியாக இருக்கும். 


உங்களுடைய தேவையை பூர்த்தி செய்யும் பல மின்சார ஸ்கூட்டர்கள் உங்களுக்காக சந்தையில் கிடைக்கின்றன. அவற்றின் செயல்திறன் மிக அதிகமாக இருப்பதோடு அவை உங்கள் பட்ஜெட்டிலும் அடங்கிவிடும். உங்களுக்கு ஏற்ற அப்படிப்பட்ட ஐந்து சிறந்த மின்சார ஸ்கூட்டர்களைப் (Electric Scooter) பற்றி இங்கே காணலாம்.


ஹீரோ ஆப்டிமா எச்எக்ஸ் (இரட்டை பேட்டரி)


Hero Optima hx ஹீரோ எலக்ட்ரிக்கின் ஒரு சிறந்த மின்சார ஸ்கூட்டர் ஆகும். அதன் டெல்லி எக்ஸ்ஷோரூம் விலை ரூ .78,640 ஆகும். இதில் 550|1200 வாட்ஸ் மோட்டார் உள்ளது. நகர வேக மாறுபாட்டில், இந்த ஸ்கூட்டரின் வேகம் மணிக்கு 42 கிலோமீட்டருக்கும் அதிகமாகும். இது எல்.ஈ.டி விளக்கு, ரிமோட் லாக் மற்றும் ஆன்டி-தெஃப்ட் அலாரம், டிஜிட்டல் இன்ஸ்ட்ரூமென்ட் கிளஸ்டர், யூ.எஸ்.பி போர்ட் உள்ளிட்ட பல அம்சங்களைக் கொண்டுள்ளது. இந்த ஸ்கூட்டரை ஒரு முறை சார்ஜ் செய்தால், 122 கிலோமீட்டர் வரை செல்லும். பேட்டரி சார்ஜ் ஆக 4 முதல் 5 மணி நேரம் ஆகும். 


ALSO READ: Bajaj Chetak vs TVSiQube: உங்கள் பணத்துக்கு நல்ல மதிப்பை அளிக்கும் Electric scooter எது?


டி.வி.எஸ் ஐகுப் எலக்ட்ரிக்


இரு சக்கர வாகன நிறுவனமான டி.வி.எஸ் மோட்டார் நிறுவனத்தின் எலக்ட்ரிக் ஸ்கூட்டர் டி.வி.எஸ் ஐக்யூப் (TVS iQube) எலக்ட்ரிக் ஒரு சிறந்த மின்சார ஸ்கூட்டராகும். டெல்லியில் அதன் ஆன் ரோட் விலை ரூ .1,08,012 ஆகும். டி.வி.எஸ் ஐகுப் எலக்ட்ரிக் 4.4 கே.வி மின்சார மோட்டார் மூலம் இயக்கப்படுகிறது. இது 78 கி.மீ என்ற வேகத்தில் செல்லும். முழுமையாக சார்ஜ் செய்யப்பட்டதும், இது 75 கி.மீ தூரத்தை கடக்க வல்லது. இந்த ஸ்கூட்டர் 4.2 வினாடிகளில் பூஜ்ஜியத்திலிருந்து 40 கி.மீ வேகத்தை அடைய முடியும்.


பஜாஜ் சேத்தக்


பஜாஜ் ஆட்டோ (Bajaj Auto) தனது மிகப் பழைய பிராண்ட் சேத்தக் (Bajaj Chetak) என்ற பெயரில் எலக்ட்ரிக் ஸ்கூட்டரை சந்தையில் கொண்டு வந்துள்ளது. இது உங்கள் அனைத்து தேவைகளையும் பூர்த்தி செய்கிறது. இதன் தொடக்க பெங்களூர் எக்ஸ்ஷோரூம் விலை ரூ .1,15,000 ஆகும். இது ஒரு முறை முழு சார்ஜ் செய்யப்பட்டால் 95 கி.மீ. வரை பயணிக்கும். இது 5 மணி நேரத்தில் முழுமையாக சார்ஜ் செய்யப்படுகிறது. 60 நிமிடங்களில் 25 சதவீதம் வரை இது கிக் சார்ஜ் ஆகிறது. 


ஒகினாவா ஐப்ரைஸ் பிளஸ்
Okinawa i Praise Plus ஸ்கூட்டரில் வடிவமைப்பு மற்றும் செயல்திறனில் உங்கள் தேவைகளைப் பூர்த்தி செய்யும் வகையில் உள்ளது. இதன் எக்ஸ்ஷோரூம் விலை ரூ .1,17,600 ஆகும். இது மொபைல் சார்ஜிங் யூ.எஸ்.பி போர்ட், ஸ்டைலான டெயில் லேம்ப், பெரிய ஃபுட்ஸ்பேஸ் ஆகிய அம்சங்களைக் கொண்டுள்ளது. இது முழுமையான சார்ஜில் 139 கி.மீ. வரை பயணிக்கும். நீங்கள் அதை மொபைலுடன் இணைக்கலாம் மற்றும் பல அம்சங்களைப் பயன்படுத்தலாம். 


ஹீரோ எலக்ட்ரிக் ஃப்ளாஷ் எல்எக்ஸ்
மலிவான பட்ஜெட்டிலும் நல்ல மின்சார ஸ்கூட்டரை வாங்கலாம் என்பதற்கு Hero Electric Flash LX ஒரு சிறந்த உதாரணம். டெல்லியில் இதன் விலை ரூ .56,940 ஆகும். இது போர்ட்டபிள் பேட்டரி, தொலைநோக்கி சஸ்பென்ஷன், அலாய் வீல், யூ.எஸ்.பி சார்ஜர் போன்றவற்றைக் கொண்டுள்ளது. இது முழு சார்ஜில் 85 கி.மீ. பயணிக்கும். இதன் டாப் ஸ்பீட் மணிக்கு 25 கிலோமீட்டர் ஆகும். இந்த ஸ்கூட்டர் 4 முதல் 5 மணி நேரத்தில் முழுமையாக சார்ஜ் செய்யப்படுகிறது. 


ALSO READ: Bajaj பல்சர் என்எஸ்125 vs கேடிஎம் டியூக் 125: விலை, முழு விவரக்குறிப்புகள் இங்கே


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR