மழைக்காலத்தில் இந்த தண்ணீரை குடிக்க வேண்டாம்! உடனே நோய்கள் ஏற்படும்!

பருவமழை காலத்தில் அதிக மழை பெய்வதால் தண்ணீரால் கூட மக்கள் நோய்வாய்ப்படுகிறார்கள். ஆரோக்கியமாக இருக்கவும், நோய்வாய்ப்படாமல் இருக்கவும் தண்ணீரைக் குடிப்பதற்கு முன்பு அதனை கொதிக்க வைப்பது இன்னும் முக்கியம். தமிழகத்தில் அக்டோபர், நவம்பர் மற்றும் டிசம்பர் மாதங்களில் அதிக மழை பெய்யும். இந்த ஆண்டும் மழை இருக்கும் என்று வானிலை ஆய்வு மையம் எச்சரித்துள்ளது. மழைநீர் பயிர்களுக்கு தீங்கு விளைவிக்கும் என்பதால் விவசாயிகள் இந்த நேரத்தில் கவனமாக இருக்க வேண்டும். மழைக்காலத்தில் நம் உடல் குளிர்ச்சியடைந்து, நமது நோய்வாய்ப்பட அல்லது காய்ச்சல் ஏற்பட வாய்ப்புள்ளது. இந்த மழை வீக்கம் மற்றும் சில வயிறு பிரச்சனைகளுக்கும் வழிவகுக்கும். 

கோடையில், குளிர்ந்த நீரை பெற பலர் வீட்டில் ஒரு மண் பானை வைத்திருப்பார்கள். குளிர்சாதனப் பெட்டியில் இருக்கும் குளிர்ந்த நீரை விட, மண் பானையில் உள்ள தண்ணீரைக் குடிப்பது நம் உடலுக்கும் மனதுக்கும் ஆரோக்கியமானது. ஆனால், மழைக்காலத்தில் மண் பானையில் இருக்கும் நீரை குடித்து வந்தால், அது பாதுகாப்பாக இருக்காது. பலர் இந்த பழக்கத்தை தொடர்கிறார்கள், எனவே மழை பெய்யும் போது மண் பானையில் இருக்கும் தண்ணீரை குடிப்பதை நிறுத்த வேண்டும். மேலும் மண் பானையை கழுவாமல் தொடர்ந்து பயன்படுத்தி வந்தாலும், பூச்சிகள் ஏற்பட்டு வயிற்று பிரச்சனைகளை ஏற்படுத்த கூடும். எனவே, மழைக்காலத்தில் பானையை சுத்தமாக வைத்திருப்பது மிகவும் அவசியம். 

மண் பானைகளில் மழைக்காலத்தில் காற்று ஈரமாக இருப்பதால் கிருமிகள் வளர உதவும். இந்தக் கிருமிகள் மண் பானைகளைச் சுற்றியும் வளரும். எனவே, மழைக்காலங்களில் மண் பானைகளில் உள்ள தண்ணீரைக் குடிப்பதைத் தவிர்ப்பது நல்லது. மழைக்காலத்தில் செம்பு அல்லது எஃகு பாத்திரங்களில் உள்ள தண்ணீரைக் குடிப்பது முற்றிலும் பாதுகாப்பானது என்று நிபுணர்கள் கூறுகின்றனர். தாமிரம் கெட்ட கிருமிகளை அகற்றி தண்ணீரை சுத்தம் செய்ய உதவுகிறது, இது உங்கள் ஆரோக்கியத்திற்கு நல்லது. நீண்ட காலத்திற்கு முன்பே ஞானிகளும் கூட செம்புப் பாத்திரத்தில் இருந்து தண்ணீரைக் குடிக்க சொல்லி இருக்கிறார்கள். 

மழை காலத்தில் பிற நோய்கள்

மழைக்காலத்தில், பலருக்கு கண் தொற்று ஏற்படலாம், இந்தியாவில் ஒவ்வொரு ஆண்டும் 20 மில்லியனுக்கும் அதிகமான மக்கள் இந்த பிரச்சனையால் பாதிக்கப்படுகின்றனர். மழை காலத்தில் கண்களில் ஏதேனும் வித்தியாசமாக உணர்ந்தாள் உடனே மருத்துவரை சந்திப்பது நல்லது. இதன் மூலம் நோய்த்தொற்றுகள் ஏற்படாமல் தடுக்கலாம். மழை காலத்தில் ஆரோக்கியமாக இருக்கவும், கிருமிகளை விலக்கி வைக்கவும், சுத்தமாகவும், உலர்ந்ததாகவும் இருப்பது மிகவும் முக்கியம். தினமும் குளித்துவிட்டு சுத்தமாக இருக்க முயற்சி செய்யுங்கள். முடிந்தவரை ஈரமான ஆடைகள் அல்லது காலணிகளை அதிக நேரம் அணிய வேண்டாம், ஏனெனில் அது கிருமிகளை வளர்க்கும்.

அதிக மழை பெய்யும்போது, ​​சில கிருமிகள் காலரா மற்றும் டைபாய்டு போன்ற நோய்களை உண்டாக்கும். சுத்தமான மற்றும் பாதுகாப்பான தண்ணீரைக் குடிப்பது மிகவும் முக்கியம். தண்ணீர் சுத்தமாக இருக்கிறதா என்று உங்களுக்குத் தெரியாவிட்டால், அதைக் கொதிக்க வைப்பதன் மூலம் அதைக் குடிக்கலாம். மழை காலத்தில் நல்ல மற்றும் சுத்தமான உணவை உண்ணுங்கள். மழைக்காலத்தில், சில உணவுகளை தவிர்ப்பது நல்லது. குறிப்பாக தெருவோர கடை உணவுகளை தவிர்ப்பது நல்லது. பழங்கள் மற்றும் காய்கறிகளை சாப்பிடுவதற்கு முன்பு எப்போதும் நன்றாக கழுவுங்கள்.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!