உங்கள் கையில் இந்த ரேகை இருக்கா..? அப்போ கண்டிப்பா பண மழை கொட்டும்..!

உங்கள் நிதி வெற்றிக்கான அடையாளமாக உங்கள் உள்ளங்கையில் உள்ள ரேகைகளை பற்றி எப்போதாவது யோசித்திருக்கிறீர்களா? கைரேகைக் கலையில், சில அடையாளங்கள் செல்வம் மற்றும் செழிப்பைக் குறிக்கும் என்று நம்பப்படுகிறது. பண ரீதியான விஷயங்களில் உங்களுக்கு அதிர்ஷ்டம் கை கூடாதா இல்லையா..? வருங்காலத்தில் உங்கள் பண வருவாய் எப்படி இருக்கும்..? என்பது போன்ற கேள்விகளுக்கான பதில்கள் இந்த தொகுப்பில் இருக்கின்றன.  

முக்கோண வடிவம் ரேகை:

பண முக்கோண வடிவம் பண வருவாயை கைரேகையில் குறிக்கும் ஒரு ரேகையாக நம்பப்படுகிறது. இந்த முக்கோணம் உள்ளங்கையின் இரு முனைகளில் இருந்தும் வெட்டப்படுவது போல உருவாகியிருக்கும். பொதுவாக மோதிர விரல் அல்லது சுண்டு விரலின் கீழ்தான் இந்த முக்கோணம் காணப்படும். பண முக்கோணம் தெளிவாகவும் நன்கு வரையறுக்கப்பட்டதாகவும் இருந்தால், அது நிதி வெற்றி மற்றும் பொருள் வளத்திற்கான சாத்தியத்தை குறிக்கும். முக்கோணத்தின் அளவு மற்றும் ஆழத்தை பொருத்து செல்வத்தின் அளவையும் கணிக்கலாம். 

சூரியக் ரேகை:

சூரியக் கோடு என்பது தொழில் மற்றும் நிதி ஆகிய இரண்டிலும் புகழ், அங்கீகாரம் மற்றும் வெற்றியுடன் தொடர்புடைய ஒரு சக்திவாய்ந்த குறியீடாக பார்க்கப்படுகிறது. இந்த கோடு, விதிக்கான கோடு என குறிக்கப்படும் ரேகையுடன் ஒன்றாக இருக்கும். உள்ளங்கையின் அடியில் இருந்து மோதிர விரல் வரை இந்த கோடு நீண்டிருக்கும். அதிலும் தெளிவாகவும் ஆழமாகவும் இந்த ரேகை இருந்தால் உங்களுக்கு வருங்காலத்தில் பண மழை கொட்டுமாம். இப்படிப்பட்ட ரேகை உள்ளவர்களுக்கு ஆளுமை திறன், தனித்து செயல்படும் தன்மை ஆகியவை அதிகமாக இருக்குமாம். இந்த ரேகை உடையோர் சுய தொழிலிலும் சிறந்து விளங்குவார்களாம். இந்த ரேகை உங்களுக்கு இருந்தால் நீங்களும் எதையாவது சாதிக்க வேண்டும் என்ற நோக்கத்துடன் இருப்பீர்களாம். 

வியாழ ரேகை:

வியாழன் கிரகத்துடன் தொடர்புடைய ரேகையினை வியாழ ரேகை என்பர். இது, நம் ஆள்காட்டி விரலுக்கு கீழே வந்து முடியும். இந்த வகை ரேகை மிகவும் ஆழமாக இருந்தால் வருங்காலத்தில் இவர்களுக்கு பண கஷ்டமே வராது என நம்பப்படுகிறது. இவர்களுக்கு எதை எடுத்தாலும் வெற்றி கிட்டுமாம். வியாழ ரேகை உடையோர் பெரிய கூட்டத்தையும் கட்டி மேய்ப்பவர்களாக இருப்பர்களாம். எந்த வாய்ப்பு கிடைத்தாலும் அதை ‘கபக்’ என்று பிடித்துக்கொள்வராம். இவர்களை தேடி எப்போதும் செல்வம் கொழித்துக்கொண்டே இருக்குமாம். இந்த ரேகையின் அளவு, ஆழம் மற்றும் நீளத்தை வைத்து இது எந்த வகையில் எவ்வாறான வெற்றி இந்த ரேகை உடையோருக்கு கிடைக்கும் என கணிக்கப்படும். 

மீன் ரேகை: 

அரிதான ரேகைகளுள் ஒன்று மீன் ரேகை. இந்த ரேகை கோடியில் ஒருவருக்குதான் இருக்குமாம். இந்த ரேகையை சில ஜோதிடர்கள் மகிழ்ச்சி ரேகை என்றும் குறிப்பிடுகின்றனர். உள்ளங்கையில் பார்ப்பதற்கு மீன் வடிவத்தில் இருக்கும் ரேகை இது. இந்த ரேகை உடையோர், தங்களையும் தங்களை சுற்றி இருப்போரையும் மகிழ்ச்சியாக வைத்துக்கொள்வார்களாம். இவர்களைத்தேடி வெற்றியும் சந்தோஷமும் தேடி வந்து கொண்டே இருக்குமாம். 

பெண்களுக்கு மீன் ரேகை இருந்தால் என்ன பலன்..?

பெண்களின் கையில் மீன் ரேகை இருந்தால் அவர்களது கணவர் வாழ்வில் மேன்மை அடைவார் என்று அர்த்தமாம். அதிலும் மணிக்கட்டில் இருந்து மேல் நோக்கி செல்வது போல மீன் ரேகை இருந்தால் அவர்கள் பல கடவுள்களால் ஆசீர்வதிக்கப்பட்டவர்களாக பார்க்கப்படுகின்றனர். இந்த ரேகை உடைய பெண்களும் அவர்களது குடும்பத்தினரும் மேன்மை அடைவராம். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ