தமிழ் சினிமாவின் முன்னணி நட்சத்திரமாக இருக்கும் சூப்பர் ஸ்டார் ரஜினிகாந்த் 'அண்ணாத்தே' படத்திற்கு பிறகு தற்போது நெல்சன் திலீப்குமார் இயக்கத்தில் 'ஜெயிலர்' படத்தில் நடித்து வருகிறார்.  'ஜெயிலர்' படத்தின் பணிகள் கிட்டத்தட்ட இறுதி நிலையை எட்டிவிட்டது, இப்படத்தை தொடர்ந்து சூப்பர் ஸ்டார் ரஜினிகாந்த் அவரது மகள் ஐஸ்வர்யா ரஜினிகாந்த் இயக்கும் 'லால் சலாம்' படத்தில் நடிக்கிறார்.  விரைவில்  'லால் சலாம்' படத்தின் படப்பிடிப்பு பணிகள் தொடங்கப்பட உள்ளது, இப்படத்தில் ரஜினிகாந்த் சிறப்பு தோற்றத்தில் நடிக்கிறார்.  அதனை தொடர்ந்து இந்த வருடத்தின் இறுதியில் நடிகர் ரஜினிகாந்த்  'ஜெய் பீம்' பட புகழ் டி.ஜே.ஞானவேல் இயக்கத்தில் 'தலைவர் 170' படத்தில் நடிக்கிறார், சமீபத்தில் தான் இப்படத்தின் அதிகாரப்பூர்வ அறிவிப்பு அறிவிக்கப்பட்டது.


COMMERCIAL BREAK
SCROLL TO CONTINUE READING

மேலும் படிக்க: சொப்பன சுந்தரி படம் எப்படி உள்ளது? திரைவிமர்சனம்!



அதன் பிறகு நடிகர் ரஜினிகாந்த், லோகேஷ் கனகராஜ் இயக்கும் புதிய படத்தில் நடிக்கப்போவதாக லேட்டஸ்ட் தகவல்கள் வெளியாகி இணையத்தில் வைரலாகி வருகிறது.  மேலும் இந்த படத்தி சன் பிக்சர்ஸ் அல்லது செவன் ஸ்க்ரீன் ஸ்டுடியோஸ் நிறுவனம் தயாரிக்கும் என்றும் கூறப்பட்டுள்ளது.  லோகேஷ் கனகராஜ் மற்றும் சூப்பர் ஸ்டார் ரஜினிகாந்த் இணையும் படம்  'தலைவர் 171' ஆக இருக்கலாம் என்றும் சில தகவல்கள் தெரிவிக்கிறது.  இந்நிலையில் லோகேஷ் கனகராஜ் இயக்கும் படத்தில் நடிப்பதற்கு முன்னர் ரஜினிகாந்த் மற்றொரு பிரபல இயக்குனரின் படத்தில் நடிக்க முடிவு செய்திருப்பதாக செய்திகள் வெளியாகியுள்ளது. அதாவது பிரபல தெலுங்கு இயக்குனர் கே.எஸ்.ரவீந்திரா என்ற பாபியுடன் புதிய படத்தில் இணைய நடிகர் ரஜினிகாந்த் பேச்சுவார்த்தை நடத்தியதாகவும், லோகேஷ் படத்திற்கு முன்பே இந்த படத்தின் பணிகள் தொடங்க அதிக வாய்ப்புகள் இருப்பதாகவும் செய்திகள் வெளியாகியுள்ளது.  



மேலும் விஜய் நடிப்பில் வெளியான 'வாரிசு' படத்தின் மூலம் நன்கு பரிட்சயமான பிரபல தயாரிப்பாளர் தில் ராஜு, இயக்குனர் கே.எஸ்.ரவீந்திரா - ரஜினிகாந்த் இணையும் படத்தை வணிக ரீதியாக வெளியிட ஆர்வமாக உள்ளதாகவும், இதுகுறித்த கூடுதல் தகவல்களை விரைவில் படக்குழு அறிவிக்கும் என்றும் எதிர்பார்க்கப்படுகிறது.  கே.எஸ்.ரவீந்திரா என்கிற பாபி தெலுங்கில் ரவி தேஜாவின் 'டான் சீனு' மற்றும் 'பலுபு', பவன் கல்யாணின் 'சர்தார் கப்பர் சிங்', ஜூனியர் என்டிஆரின் 'ஜெய் லவ குசா' மற்றும் சிரஞ்சீவி-ஸ்ருதிஹாசன் நடிப்பில் சமீபத்தில் வெளியான 'வால்டர் வீரையா' போன்ற மாஸ் படங்களை இயக்கியுள்ளார்.


மேலும் படிக்க | அடங்கேப்பா... ரிலீஸ்க்கு முன்பே வசூலை குவிக்கும் பொன்னியின் செல்வன் 2!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ