யாஷ் நடிப்பில் கேஜிஎஃப் முதல் பாகத்தை தொடர்ந்து வெளியான கேஜிஎஃப்-2 திரைப்படம் பிளாக்பஸ்டர் ஹிட்டடித்தது.  இப்படம் 46 நாட்களில் 1230 கோடி ரூபாயை வசூல் செய்து சாதனை படைத்தது, இப்படத்தில் ராக்கி பாயாக நடித்த யாஷிற்கு ஏராளமான ரசிகர்கள் பட்டாளம் உள்ளது.  இப்படம் இன்னும் திரையரங்குகளில் ஓடிக்கொண்டிருக்கும் நிலையில், இப்படத்தின் மூன்றாம் பாகம் குறித்த எதிர்பார்ப்பு ரசிகர்கள் மத்தியில் அதிகரித்தது.  கேஜிஎப்-3 படம் உருவாகுவதை படக்குழு உறுதி செய்த நிலையில், இப்படத்தில் ஹ்ரித்திக் ரோஷனை நடிக்கவைக்க படக்குழு அணுகியதாக சில வதந்திகள் பரவியது.


COMMERCIAL BREAK
SCROLL TO CONTINUE READING


மேலும் படிக்க | சிவகார்த்திகேயனுக்கு ஜோடியாகும் தோனியின் காதலி!


கேஜிஎஃப் படத்தின் தயாரிப்பு நிறுவனமான ஹோம்பேல் பிலிம்ஸின் இணை நிறுவனர் விஜய் கிரகந்தூர் சமீபத்தில் அளித்துள்ள பேட்டியில், கேஜிஎஃப்-3 படத்தின் பணிகள் இந்த ஆண்டு கண்டிப்பாக தொடங்காது, நாங்கள் சில திட்டங்களை வைத்திருக்கிறோம். பிரஷாந்த் நீல் தற்போது சலார் படத்தின் பணிகளில் பிசியாக இருந்து வருகிறார், மேலும் யாஷ் அவரது புதிய படம் பற்றிய அறிவிப்பை விரைவில் வெளியிடவிருக்கிறார். பணிகள் முடிந்து சரியான நேரத்தில் அனைவரும் ஒன்றிணையும்போது கேஜிஎஃப்-3 படத்திற்கான பணிகளை தொடங்குவோம், இன்னும் சரியான தேதியை முடிவு செய்யவில்லை என்று கூறியுள்ளார்.



மேலும், நாங்கள் தேதிகளை இறுதி செய்தவுடன் நடிகர்களை தேர்ந்தெடுப்போம்.  மற்ற நடிகர்களை நடிக்கவைக்கும்போது அவர்களுக்கு படத்தில் நடிக்க போதுமான நேரம் இருக்கிறதா என்பதை பொறுத்து ஒப்பந்தம் செய்வோம்.  ஒவ்வொருவரின் நேரத்தை பொறுத்தே இப்படத்தின் பணிகள் தொடங்கப்படும் என்று கூறியுள்ளார்.  கேஜிஎப் இயக்குனர் பிரசாந்த் நீல் தற்போது சலார் படத்திலும், ஜுனியர் என்.டி.ஆர் படத்திலும் பிசியாக உள்ளார்.


மேலும் படிக்க | நயன்தாரா - விக்னேஷ் சிவன் திருமணம் எங்கு எப்போது?... வெளியான புது தகவல்


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR