தனது திருமண புகைப்படங்களை ஷர்துல் தாக்கூர் தனது இன்ஸ்டாகிராம் பக்கத்தில் வெளியிட்டுள்ளார். இதனை ரசிகர்கள் பகிர்ந்து தங்களது வாழ்த்துகளை தெரிவித்து வருகின்றனர்.
இந்திய கிரிக்கெட் அணியின் ஆல்-ரவுண்டர் ஷர்துல் தாக்கூர், தனது நீண்ட நாள் காதலியான மித்தாலி பருல்கரை இன்று கரம்பிடித்தார்.
ஷர்துல் தாக்கூர் - மித்தாலி பருல்கர் திருமணம் இன்று மும்பையில் நடைபெற்றது.
ஷர்தல் தாக்கூர் திருமணத்திற்கு இந்திய அணி கேப்டன் ரோஹித் சர்மா, நட்சத்திர வீரர் ஷ்ரேயஸ் ஐயர் ஆகியோர் தங்களது குடும்பத்துடன் கலந்துகொண்டனர்.
தனது திருமண புகைப்படங்களை, ஷர்துல் தாக்கூர் தனது இன்ஸ்டாகிராமில் பகிரிந்துள்ளார்.
அவரது இன்ஸ்டாகிராம் பதிவில்,"உன் ஒளியைப் பாராட்ட கற்றுக்கொண்டேன், உன் நிழலை நான் சந்தித்த போது! நல்ல நேரத்திலும், கெட்ட நேரத்திலும், மகிழ்ச்சியிலும் சோகத்திலும், இன்றிலிருந்து இறுதிவரை உங்கள் நண்பராக உடன் இருப்பேன் என்று உறுதியளிக்கிறேன்" என குறிப்பிட்டுள்ளார்.
ஷர்துல் தாக்கூருக்கு கடந்தாண்டு, மித்தில உடன் நிச்சயதார்த்தம் ஆனது. சமீபத்தில், கே.எல்.ராகுல், அக்சர் படேலை அடுத்து, ஷர்துல் தாக்கூரும் இந்திய அணியின் புதுமாப்பிள்ளையாகி உள்ளார்.
இவர், தற்போது ஆஸ்திரேலியா டெஸ்ட் தொடரில் இடம்பெறவில்லை. எனினும், ஒருநாள் தொடரில் இவர் விளையாடுவார். ஆஸ்திரேலிய அணிக்கு எதிரான ஒருநாள் தொடருக்கு பின் ஷர்துல் ஐபிஎல் தொடரில் விளையாடுவார்.
கடந்த ஐபிஎல் தொடரில் டெல்லி அணிக்காக விளையாடிய ஷர்துல், இந்தாண்டு கொல்கத்தா அணிக்கு விளையாட உள்ளார்.
