வைரல் வீடியோ: இன்றைய உலகில், சமூக ஊடகங்கள் நம் வாழ்வோடு பின்னிப்பிணைந்து உள்ளன. இணையம் ஒரு தனி உலகமாக இயங்கி வருகிறது. இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.


COMMERCIAL BREAK
SCROLL TO CONTINUE READING

சமூக ஊடகங்களில் குறிப்பாக சில விலங்குகளுக்கு நல்ல மவுசு உள்ளது. நாய், பூனை, குரங்கு, யானை, பாம்பு ஆகியவவை அவற்றில் சில முக்கிய விலங்குகளாகும். அதுவும் நாயும் பூனையும் வீடுகளில் வளர்க்கப்படும் செல்லப் பிராணிகள். இவை வளர்க்கப்படும் வீடுகளில் இந்த விலங்குகள் வீட்டு நபர்களாகவே பார்க்கப்படுகின்றன. அப்படி இருக்கையில், நாய் பூனைகளுக்கு அவற்றின் முதலாளிகளுடன் இருக்கும் பிணைப்பை காட்டும் பல வீடியோக்கள் அவ்வப்போது வெளிவருகின்றன. 


ஆனால் சமீபத்தில் வெளியாகி வைரல் ஆகி வரும் வீடியோ மிக வித்தியாசமானது. இதில் நாய்க்கும் பூனைக்கும் இடையில் இருக்கும் ஒரு வினோத உறவை காண முடிகின்றது. பொதுவாக நாயும் பூனையும் ஒரே இடத்தில் இருந்தால் அடித்துக்கொள்வதை நாம் பார்த்துள்ளோம். ஆனால் இந்த வீடியோ சற்று வித்தியாசமாக உள்ளது.


வம்பிழுத்த பூனை


வீடியோவில் ஒரு வீட்டில் வளர்க்கப்படும் நாயும் பூனையும் ஒரு அறையில் இருப்பதை காண முடிகின்றது. நாய் நல்ல வாட்டசாட்டமாக ஆஜானுபாகுவாக அமர்க்களமாக அமர்ந்திருக்கின்றது. அருகில் இருக்கும் பூனை சாதாரண தோற்றத்தில் உள்ளது. ஆனால், பூனையின் கொழுப்பு சாதாரணமல்ல. அது மீண்டும் மீண்டும் நாயை வம்பிழுக்கின்றது. நாயின் கை, கால், கன்னம் என தட்டி, தடவி அதை பூனை பாடாய் படுத்துகின்றது. ஆனால், நாய் எதுவும் பதில் சொல்லாமல் அப்படியே அமர்ந்திருக்கின்றது.


நாயிடம் எந்த ரியாக்‌ஷனையும் காணாத பூனை சற்று தள்ளி செல்கிறது. ஆனால் மீண்டும் அது நாயிடம் வந்து மீண்டும் அதை வம்புக்கு இழுக்கின்றது. சற்று பொறுமையாக பார்க்கும் நாய் ஒரு கட்டத்தில் கையை உயர்த்தி அதை அடிப்பது போல வருகிறது. ஆனால் இதை கண்டதும் பூனை அந்த இடத்தை விட்டு தப்பித்தோம் பிழைத்தோம் என ஓடி விடுகின்றது.


மேலும் படிக்க | கியூட்டா ஒரு கேட்வாக்: அசத்தும் நாய் மாடல்கள்.. வியக்கும் நெட்டிசன்ஸ்!! வைரல் வீடியோ


இந்த வீடியோ பார்ப்பதற்கு மிக வேடிக்கையாக இருக்கிறது. விலங்குகளுக்கு இடையில் நடக்கும் மிக கியூட்டான ஒரு சம்பவமாக இது நம்மை ஆச்சரியப்படுத்துகின்றது. நாயின் அசால்டான பக்குவமும், பூனையின் குறும்புத்தனமும் நம்மை வியக்க வைக்கின்றன. 


நாய் பூனை உறவின் அந்த கியூட் வீடியோவை இங்கே காணலாம்:



வீடியோ இணையத்தில் வைரல் ஆனது


இந்த வீடியோ சமூக ஊடக தளமான ட்விட்டரில் @buitengebieden என்ற பக்கத்தில் பகிரப்பட்டுள்ளது. இதற்கு ஏகப்பட்ட வியூஸ்களும் லைக்குகளும் கிடைத்துள்ளன. இணையவாசிகள் இதற்கு பல வித கமெண்டுகளை அளித்து வருகிறார்கள். 


(பொறுப்புத் துறப்பு: இந்த பதிவில் பகிரப்பட்டுள்ள வீடியோவும், கொடுக்கப்பட்டுள்ள தகவல்களும் சமூக ஊடகங்களிலிருந்து எடுக்கப்பட்டவை. இவற்றை ஜீ தமிழ் நியூஸ் எந்த விதத்திலும் பரிந்துரைக்கவில்லை.)


மேலும் படிக்க | Viral Video: முதல் முத்தம் கொடுத்த போதை... தலைகால் புரியாமல் சுற்றும் நாய்!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ