சென்னை: மாநிலத்தில் தமிழ் மற்றும் ஆங்கிலம் ஆகிய இரு மொழி கொள்கையை (Two Language Policy) பின்பற்றுவதில் தமிழக அரசு (Tamil Nadu Government) உறுதியாக உள்ளது என்றும், இதிலிருந்து பின்வாங்க மாட்டோம் என்றும் முதல்வர் பழனிசாமி (K Palanisamy) புதன்கிழமை தெரிவித்தார்.


COMMERCIAL BREAK
SCROLL TO CONTINUE READING

மாநில சட்டசபையில், புதிய கல்விக் கொள்கை (NEP) தொடர்பான கேள்விக்கு, எதிர்க்கட்சியான திமுகவுக்கு (DMK) பதிலளித்த அவர், அனைத்து சிக்கலான பகுதிகளிலும் கொள்கை ரீதியான பதிலைப் பற்றி ஆலோசனை வழங்க அரசாங்கத்தால் அமைக்கப்பட்ட இரண்டு நிபுணர் குழுக்களின் பரிந்துரைகளின் அடிப்படையில் அரசாங்கம் இது குறித்து ஒரு நிலைப்பாட்டை எடுக்கும் என்றார். கண்டிப்பாக, தமிழகம் (Tamil Nadu), அதன் இரு மொழி கொள்கையில் தொடரும் என்றார் அவர்.


"ஏற்கனவே இரண்டு நிபுணர் குழுக்கள் அமைக்கப்பட்டுள்ளன. அவை பணியில் உள்ளன. அவர்களின் பரிந்துரைகளின் அடிப்படையில் நாங்கள் ஒரு நிலைப்பாட்டை எடுப்போம். அந்த நேரத்தில் உங்கள் பரிந்துரைகளையும் நாங்கள் பரிசீலிப்போம்" என்று திரு பழனிசாமி சட்டமன்றத்தில் எதிர்க்கட்சித் தலைவர் எம்.கே.ஸ்டாலினுக்கு (MK Stalin) பதிலளித்தார்.


அண்மையில் மத்திய அரசு வெளியிட்ட NEP 2020 இல் இடம்பெற்றுள்ள மூன்று மொழி சூத்திரம், தமிழகத்தில் பெரும் எதிர்ப்பைக் கண்டது. இது "இந்தி திணிப்பு" என்று பலரால் வெகுவாக விமர்சிக்கப்பட்டது. ஆளும் அதிமுக-வும் (ADMK), பல தசாப்தங்களாக மாநிலத்தில் நடைமுறையில் உள்ள இரு மொழி முறையை தொடரும் என்று தெளிவுபடுத்தியது.


ALSO READ: மருத்துவப் படிப்பில் அரசு பள்ளி மாணவர்களுக்கு 7.5 % இட ஒதுக்கீடு: மசோதா தாக்கல்!!


NEP சமஸ்கிருதத்திற்கு முக்கியத்துவம் அளிப்பதாகவும், பரம்பரை ஆக்கிரமிப்பு முறையை ஊக்குவிப்பதாகவும் கூறி, எம்.கே. ஸ்டாலின், NEP பற்றி விவாதிக்க மற்றும் அதற்கு எதிராக ஒரு தீர்மானத்தை நிறைவேற்ற சட்டமன்றத்தின் சிறப்பு அமர்வைக் கோரினார்.


உறுப்பினர்களுக்கு விநியோகிக்கப்பட்ட மூலிகைகள் பற்றிய புத்தகத்தில் தமிழ் மற்றும் ஆங்கிலம் தவிர இந்தி உள்ளது என்றும் அவர் சுட்டிக்காட்டினார்.


இதற்கு பதிலளித்த சுகாதார அமைச்சர் டாக்டர் சி விஜய பாஸ்கர் (Dr C Vijaya Baskar), தமிழகத்தில் இருமொழி கொள்கை அமல்படுத்தப்படும் என்று முதல்வர் தெளிவுபடுத்தியுள்ளார் என்பதை நினைவில் கொள்ள வேண்டும் என்றார்.


மூலிகைகள் குறித்த புத்தகத்தில் இந்தி வார்த்தைகள் இருந்தது பற்றிய விஷயத்துக்கு பதில் அளிக்கையில், அந்த புத்தகங்கள் மத்திய ஆயுஷ் அமைச்சகத்தால் கொண்டு வரப்பட்டவை என்பதை விஜயபாஸ்கர் விளக்கினார்.


தமிழகம் இரு மொழி கொள்கையை பின்பற்றும் என்று பிரதமர் நரேந்திர மோடிக்கு ஏற்கனவே கடிதம் எழுதப்பட்டுள்ளது என்று பள்ளி கல்வி அமைச்சர் கே ஏ செங்கோட்டையன் (KA Sengottaiyan) சுட்டிக்காட்டினார்.


NEP குறித்த சிறப்பு அமர்வுக்கான கோரிக்கையை சபாநாயகர் ஏற்க மறுத்ததையடுத்து, உறுப்பினர்கள் சபையில் இருந்து வெளிநடப்பு செய்தனர்.


ALSO READ: Sep 14: தமிழக சட்டசபை கூடும் முன் COVID test செய்து கொண்டனர் EPS, OPS மற்றும் பலர்!!


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR